“Ne jemi shokë të afërt – tregon pianisti Mihaill Filipov. – Ekzekutojmë dhe në formacione të tjera dhe në skenë kuptohemi jashtëzakonisht mirë. Më qe shumë interesante se çfarë do të rastis, në qoftë se bashkohemi në një projekt të përbashkët – jo vetëm si muzikë, por dhe si përjetim. Le t’ju prezantoj dhe të tjerët – Denis Popstoev (saksofon), Panajotis Zahariu (kitarë), Anton Piperov (bas), Rusllan Dramçev (bateri). Mjaft vështirë e përcaktoj stilin e muzikës sonë, sepse në themel qëndron larmia e stileve dhe mënyra e interpretimit. Ky ishte dhe qëllimi im të mos të ketë kufi të stileve, kurse kontributi i secilit prej nesh të mund të formoj pamjen e së tërës. Përziejmë xhaz, fëng, etno.” Mihaill ka përfunduar Shkollën Kombëtare Muzikore kurse aktualisht është student në degën “Pop dhe xhaz” të Akademisë Kombëtare Muzikore në klasën e Antoni Donçevit (xhaz pianist, kompozitor dhe dirigjent i Big Bendit të Radios Kombëtare Bullgare). Denis Popstoev –saksofonisti në grup po kështu është student.
“Unë po kështu kam përfunduar Shkollën Kombëtare Muzikore. Isha nxënës në klasën e Emanuill Manollov-Bajamja. Një pedagog i shkëlqyer dhe në personalitet shumë interesant. Në akademi jam tek një saksofonist tjetër – Vllajo Vllaev. Shkruaj muzikë, aranzhoj. Si dhe të gjithë të tjerët në “Mihaill Filipov Kuintet”, kuptohet. Mendoj se kjo është kryesorja, në bazë të së cilës dallohemi si grup. Zakonisht një kompozon muzikën, bën aranzhimin dhe të tjerët ekzekutojnë atë që është shkruar në notat. Mund të themi se ne krijojmë bashkërisht. Një ekzekuton temën bazë, kurse pas kësaj secili e zhvillon në bazë të mënyrës së vet, jep propozime, ndryshojmë gjërat në lëvizje. Produkti përfundimtar në fakt është një pjesë prej autori, e krijuar prej të gjithëve në kuintet.”
Muzikantët e rinj thonë se dëgjojnë shumë muzikë dhe mësohen nga brezat e ndryshme të kompozitorëve dhe interpretuesve. “Tani në internet mund të gjesh çdo gjë – thotë akoma Mihaill. – Unë, Denis dhe të tjerët në grup kemi shembuj të përbashkët nga të cilët mësojmë. Që të gjithë ata kanë ndikuar mbi zhvillimin tonë profesional.” Kuptohet xhaz muzikantët bullgarë, të cilët janë dhe pedagogë të tyre, në mënyrë fare të drejtpërdrejtë kanë formuar mjeshtëritë e tyre. Kurse Denis shton: “Kohët e fundit mahnitem mjaft nga saksofonisti Dimitër Liolev. Mendoj se albumi i tij i ri prezanton tepër mirë një muzikë të shkruar dhe të interpretuar mirë.”
Si të gjithë nga gjenerata më e re, ata nuk mund të përfytyrojnë se, përpara disa dekadave xhazi fare nuk ka qenë mes stileve të njohura dhe të shpërndara tek ne. “Jemi të lumtur se, jetojmë në një kohë tjetër. Kemi lirinë të zgjedhim. Kurse kjo është më e rëndësishmja për një artist.”
Përgatiti në shqip: Nataniela Vasileva
“Horizont” është një grup me një histori 40-vjeçare. I formuar në vitin 1984 nga shokët e klasës dhe miqtë, grupi i ka mbetur besnik rock-ut melodik për katër dekada. Në vitin 1994 nisi zyrtarisht performanca e tij e parë profesionale në skenën e..
Festivali muzikor Breeze by Exit do të mbahet në qytetin tonë të Detit të Zi, Varna nga 15 deri më 18 gusht. Forumi muzikor është bashkim i dy festivaleve - EXIT (Serbi) dhe Breeze (Bullgari), dhe edicioni pilot do të quhet "Varna Breeze by Exit"...
Pesë muzikantët e grupit vokal "Spektrum" - Spectrum Vocal Band - janë ndër ata që nuk pushojnë së na mahnitur me mundësitë e pafundme të zërave njerëzorë. Ivelina Coneva, Vesella Morova, Konstantin Bejkov, Janko Jankov dhe Daniell Nikollov kanë..