Një festival i ri për Bullgarinë nën emrin “Takimet e kinematografisë së re evropiane” u mbajt në Sofje nga data 24 deri më 28 shtator. Takimet u zhvilluan në tre vende emblematike për jetën kulturore të kryeqytetit tonë – në Institutin Francez, Shtëpinë e Kinemasë, Akademinë Kombëtare të Artit Teatral dhe Kinematografik “Krëstjo Sarafov”. Aktiviteti bashkoi kinematografistë të rinj evropianë, klasave mjeshtërore dhe workshope.
Projekti ambicioz është fryt i takimit krijues në Institutin e Shkencave Evropiane në Paris, në programin e masterit “Politika dhe menaxhimi i kulturës në Evropë”. Dy bullgare – Ralica Asenova dhe Liljana Antonova, dhe dy franceze – Camille Baduel dhe Leva Rouxel dhe katër ekspertë në fushën e kulturës vendosën të punojnë bashkërisht për pasurimin e listës së filmave që përhapen në shtetet e botës. Bullgaria rrallë herë gjen vend në diapazonin e politikave kulturore evropiane, duke qëndruar në mes të “shteteve të vogla” të BE. Konkurrenca me “gjigantet” Franca, Gjermania dhe Britania e Madhe nuk është e barabartë. Por vendi ynë është i pasur me talente. Ky është shkaku për dëshirën e bullgareve të reja t’i kushtojnë një rëndësi më të madhe Bullgarisë në plan evropian, të tërheqin vëmendjen e specialistëve në sektorin kulturor dhe të industrisë kinematografike franceze dhe evropiane.
Publiku kishte mundësi gjatë ditëve të festivalit të njihet me kinemanë e re franceze. Për shembull me katër filma me metrazh të gjatë, të prezantuar nga revista prestigjioze franceze “Kahiers du cinema” dhe të shfaqur në Festivalin e Kanës: “Justine Triet”, “Beteja pranë Solferinos”, “Guillauzme Brac” dhe “Tonnerre”.
Forumi u zhvillua nën patronazhin e presidentit Rosen Plevneliev dhe ishte mbështetur nga shumë organizata kulturore, përfshi Qendrën Franceze të Filmave, por nuk u mbështet nga qendra jonë kombëtare e filmave. “Problemi është, se nuk ka politikë afatgjate çfarë do të mbështetet dhe si” – tha Ralica Asenova, organizatori kryesor i festivalit. Ne kandiduam për një shumë simbolike dhe morën refuzim, refuzim i cili në fakt do të thoshte, se nënvlerësohen talentet e reja në kinematografinë dhe mohohet prezantimi i krijimtarisë evropiane në vendin tonë”. Ralica kishte mundësi të organizonte një festival të tillë në cilin do qoftë prej vendeve të Evropës, por ka zgjedhur atdheun e saj.
Lena Rouxel është operatore dhe regjisore, ka mbaruar Shkollën e Lartë për Kinema dhe Audiovizion “La femis” në Paris. Në Sofje ajo prezantoi atelienë “Arsimimi nëpërmjet personazheve të ekranit”, të adresuar të rinjve të Gjimnazit me mësimdhënien në frëngjisht “Alfons de Lamartin” dhe Liceut francez “Viktor Hugo”. Ja se çfarë tha ajo për Radio Bullgarinë: “40 të rinjve u ofruam mundësinë të shohin 9 filma me metrazh të gjatë. Dhe duke i parë të mësojnë të shtrojnë pyetjen si janë realizuar këta filma. Si një vazhdim i ateliesë parashikohet, që pjesë prej këtyre nxënësve të shkojnë për shkëmbim përvoje në qytetin Brive. Është me rëndësi që në moshe të re fëmijët të mësohen t’i kushtojnë rëndësi personazheve, të frekuentojnë kinematë, që të mund të krijojmë regjisorë të ardhshëm dhe të mos harrojmë, se përveç artit, kinemaja është edhe industri, edhe ekonomi...”
Gjatë nëntorit në Paris do të zhvillohen “Ditët e kinematografisë bullgare”. Do të prezantohen filma të autorëve të rinj bullgarë, të cilët do ta njohin publikun francez me tendencat në kinematografinë tonë bashkëkohore.
Përgatiti në shqip: Sofia Popova
Fotografitë janë ofruar nga Festivali
"Një zjarr i shuar shpesh rindizet falë prushit që ka mbijetuar." Me këto fjalë të ngrohta profesori i filologjisë sllave Krasimir Stançev ngjall shpresë se interesi i pakësuar ndaj alfabetit bullgar, gjuhën bullgare dhe kulturën bullgare jashtë vendit..
Muzeu Letrar Kombëtar feston 174 vjetorin e lindjes së Ivan Vazov. Festimi shënon edhe përvjetorin e botimit të parë të pavarur bullgar të romanit "Nën zgjedhë", botuar në vitin 1894 nga shtëpia botuese "T. F. Çipev” – 130 vjet”, vëren Muzeu Letrar..
Forumi shkencor ndërkombëtar "Urat kulturore: histori të bullgarëve të rëndësishëm në Serbi" u mbajt në fund të qershorit në gjimnazin "Shën Kirill dhe Metodij" në Caribrod. Ngjarja u realizua me mbështetjen financiare të Ministrisë së Arsimit dhe..
Një ekspozitë fotografike kushtuar personalitetit të basit të madh bullgar të operës Boris Hristov mund të shihet deri më 28 gusht në Sofje. Ekspozita..