Pak ditë më parë në qytetin tonë të Detit të Zi Burgas u hap një hapësirë ​​ku arti, shkenca dhe magjia i japin dorë njeri tjetrit. Mysafirët e Muzeut të ri të së Pamundshmes transportohen në botët paralele për të mësuar më shumë rreth universit.

Dhoma Anti-Gravitacioni, Salloni "i madh - i vogël", Stacioni Hapësinor dhe Dhoma e Pafundme e Pasqyrave janë disa nga atraksionet.

Rreth njëqind instalime të ndryshme interaktive janë shpërndarë në dy kate dhe 350 metra katrorë. Të gjithë mund të prekin eksponatet, të bëjnë fotografi dhe të kuptojnë sesi perceptimet mund të na mashtrojnë. Muzeu nuk është vetëm argëtim - ai ka edhe një orientim edukativ, dhe pas çdo ekspozite ka një histori shkencore.

Krijuesit kanë një ide edhe për veprimtari tematike që lidhen me festa të ndryshme si Krishtlindjet dhe Halloween. “Ne gjithashtu mund të reagojmë për Ditën e Shenjtorit Nikolla Çudibërësi, kur bie festa e qytetit Burgas. Ideja jonë është të ndërrojmë ekspozitat në mënyrë që ato të jenë të ndryshme. Nëse një person na viziton të dielën, atëherë muajin tjetër në të njëjtën datë, muzeu do të duket krejtësisht ndryshe”, thotë Ivajllo Radosllavov.

Përpilues: Veneta Nikollova

Përgatiti në shqip dhe publikoi: Svetllana Dimitrova

Foto: Muzeu i të Pamundurës