“Një pikturë e pasur prej veçorish individuale, të bashkuara në botën e mrekullueshme të muzikës dhe miqësisë” – sipas Valentina Georgievës kështu mund të karakterizohet më shkurtimisht kori “Çernomorski Zvuci”, ose “Tingujt e Detit të Zi” i Ballçikut, i cili këto ditë shënon përvjetorin e tij të 100-të.
Valentina Georgieva është në krye të korit “Tingujt e Detit të Zi” tashmë 16 vjet. Bashkë me drejtorinë e korit dhe shoqatën “Bota Muzikore” para disa vitesh ata vunë fillimin e një konkursi ndërkombëtar të koreve, edicioni i fundit i të cilit iu kushtua përvjetorit në fjalë.
“Momentet më të rëndësishme të historisë së korit do të publikohen në një librezë, kushtuar jubileut – tregon Valentina Georgieva. – Ne provuam të shënojmë të gjitha koncertet, për të cilat kemi informacion, se kori i ka dhënë. Arkivi fillon që në vitin 1914. Kemi prova, se rreth Luftës së Parë dhe të Dytë Botërore veprimtaria e korit ishte ndërprerë për një kohë të caktuar. Ndoshta më interesant do të jetë filmi, i cili na tregon për dekadat e fundit. Në të janë përfshirë incizime të koncerteve tona. Duke pasur parasysh historinë e vet si dirigjente, mund të them se bashkë me kolegët e mi kemi dhënë më shumë se 200 koncerte, kemi marrë pjesë në 29 festivale në Evropë, Azi dhe kuptohet në Bullgari. Jemi mbajtës të rreth 70 çmimeve dhe diplomave të ndryshme, kemi interpretuar më shumë se 120 vepra. Ky jubile është shumë i rëndësishëm, prandaj vendosëm ta shënojmë në vazhdim të disa ditëve. Fillojmë më 16 tetor, me hapjen e një ekspozite, kushtuar jubileut. Në të njëjtën datë starton dhe sajti i ri i korit. Ditën tjetër do të paraqesim para shoqërisë vëllimin “Stefan Dragostinovi i panjohur”. Në të janë grumbulluar partiturë dhe incizime, rezultat i punës sonë me kompozitorin. Janë shtypur adaptimet e mia të veprave të tij për korin e përzier. Jemi shumë krenarë për këtë vëllim. Nuk ishte botuar letërsi korale në vazhdim të shumë viteve, kurse qyteti ynë i vogël gjeti mjete për ta përkrahur këtë vepër dhe t’u ofrojë edhe formacioneve të tjera të tilla një repertor shumë interesant.”
Përgatiti në shqip: Vesella Mançeva
Gjashtë vjet pasi në tregun muzikor doli albumi i fundit i Mary Boys Band “Ditë të lumtura”, grupi thotë “Përshëndetje”, duke u rikthyer me një këngë të re me të njëjtin emër. Gjatë kësaj periudhe, vetë Maria - Maria Mutafçieva - realizoi albumin e..
Konkursi i Radios Kombëtare Bullgare (BNR) për Këngën e Re Bullgare "Pranvera" u mbajt për të 55-tën herë. Që nga fillimi i tij në vitin 1970, ky forum muzikor stimulon vazhdimisht autorët dhe interpretuesit vendas për të krijuar muzikë të re. Çmimet..
Dy emra yjesh nga dy breza të muzikës bullgare - Ljubo Kirov dhe Mihaella Marinova - po takohen sërish. Së bashku i dëgjuam për herë të parë në vitin 2020 në versione duete në këngën tashmë hit të Ljubo Kirovit "Mundem". Ishte një sukses i tillë..