Shtatë medalje të arta, gjashtë të argjendta dhe dhjetë medalje të bronzta te meshkujt dhe femrat e moshës mbi 21 vjeç fituan sportistët bullgarë në Kampionatin e 22-të Botëror të Shotokan Karate-Do në Poloni. Ai u organizua nga organizata Shotokan Karate-Do e Kombeve të Bashkuara (Shotokan Karate Do of United Nations (SKUN), ndër përfaqësuesit e të cilëve është dhe Federata Bullgare e Shotokan Karate-Do. Aktiviteti ishte i një niveli shumë të lartë, me pjesëmarrjen e mbi 1200 karateistëve nga 50 shtete. Për arritjen në finale mesatarisht luheshin nja 4-5 ndeshje. Bullgaria u radhit e treta për nga numri i medaljeve dhe titujve të fituar, megjithëse mjaftë sportistë pësuan trauma, i përgjithësoi rezultatet Aleksandër Sllavkov, kryetari i federatës. Kampionë botërorë te disiplina “kumite” te meshkujt u bënë Hristo Shterev (65 kg), Pllamen Kirillov (70 kg) dhe Radosllav Penov (85 kg), te femrat Nadezhda Mlladenova (55 kg), Adriana Ganeva (60 kg), Borisllava Ganeva (+60 kg), si dhe te skuadrat e femrave të moshës mbi 21 vjeç Adriana Ganeva, Borisllava Ganeva, Llora Rusçeva dhe Kristina Svilenova. Por medaljet e arta të sportistëve bullgarë janë në fakt jo 7, por 8 – bashkë me medaljen e fituar nga Ivo Arsov në garën atraktive për veteranë, e cila është jashtë klasifikimit, saktësoi federata.
Paraqitja e mirë e vendit është rezultat jo vetëm i cilësive të sportistëve bullgarë, por edhe i politikës së Federatës Bullgare të Shotokan Karate-Do për një punë aktive me trajnerët dhe instruktorët në këtë sport në mbarë vendin. Kështu në të gjitha sallat mirëmbahet një nivel shumë i mirë teknik.
Fitore të dyfishtë në garë shënoi Hristo Shterev (65 kg), i cili përveç se u bë kampion botëror në “kumite”, u bë edhe vicekampion në kategorinë “Masters” – kategoria më prestigjioze në Kampionatin e Shotokanit. Në këtë kategori luhen paralelisht dy disiplina – “kata” dhe “kumite”, me një partner. Një detal tjetër kureshtar i garës është se për herë të parë së bashku e morën arin motrat e talentuara Adriana (60 kg) dhe Borisllava (+60 kg) Ganevi – çdo një prej tyre në kategorinë e saj. Ato kontribuuan edhe për fitimin e titullit të skuadrës së femrave.
Karateja nuk do të thotë vetëm betejë, por edhe filozofi, një sistem të lartë vlerash. Federata fillon iniciativa, qëllimi i të cilave është popullarizimi dhe zhvillimi i sportit, si dhe organizimi i aktiviteteve bamirëse, me pjesëmarrjen e kampionëve botërorë. “Këta tituj, të cilët u bënë traditë te ne nuk kanë një rëndësi kaq të madhe, megjithëse prapa tyre ka shumë punë. Duam që të bëjmë gjithnjë e më shumë njerëz për t’u marrë me këtë sport, ta ndiejnë shpirtin e karatesë, deshëm të prekim zemrat e fëmijëve të pafavorizuar – ata me autizëm, bashkë me fondacionin “I Can Too”, fondacion ky që reklamohet nga Antonio Banderas” – na tregon Dimitër Todoranov, trajneri i skuadrës kombëtare. “Ideja është që të zhvillojmë stërvitje të ndryshme demonstrative dhe të grumbullojmë mjete, që ta bëjmë jetën e këtyre fëmijëve më interesante”, shtoi Todoranov.
U bë e qartë gjithashtu se Federata Bullgare e Shotokan Karate-Do do të kandidojë për të qenë mikpritëse e Kampionatit Evropian gjatë vitit 2016.
Shotokan Karate-Do praktikohet në mënyrë të organizuar në Bullgari që nga vitet 80 të shekullit të XX-të. Në vitin 1988 u regjistrua zyrtarisht klubi i parë – “Han Asparuh”. Në vitin 1993 për ditët e kulturës japoneze për herë të parë sportistët bullgarë patën mundësi për t’u stërvitur me ndihmën e trajnerëve japonezë. Që nga viti 1996 e këtej kjo u bë një praktikë e rregullt. Që nga atëherë në vend dy herë në vit zhvillon seminare mjeshtri japonez Kato Sensej – instruktori kryesor i Asociacionit Japonez të Karatesë, mësuam nga Llëçezar Nenov – zëvendëskryetari i Federatës Bullgare të Shotokan Karate-Do.
Përgatiti në shqip: Vesella Mançeva
Para disa ditësh filluan Lojërat Olimpike Verore XXXIII. Për herë të tretë në historinë tonë moderne dhe saktësisht një shekull pas pritjes së fundit, forumi më i rëndësishëm sportiv po mbahet sërish në kryeqytetin francez Paris, i cili është dhe..
Në vazhdim të 19 ditëve, më shumë se 10 000 atletë nga 206 vende do të garojnë në 32 disiplina të ndryshme. Bullgaria do të përfaqësohet me 46 sportistë. Kjo është një nga ekipet më të vogla të vendit tonë në Lojëra Verore deri më sot. Me..
Radina Veliçkova fitoi medaljen e artë në 100 metra për vajza në Kampionatin Evropian të Atletikës së Lehtë nën 18 vjeç në Banska Bistrica të Sllovakisë. 16-vjeçarja Veliçkova përfundoi për 11.46 sekonda. Kështu ajo vendosi një rekord kombëtar bullgar..
Tre bullgarë nisen për të marrë pjesë në Lojërat Paraolimpike në Paris 2024, të cilat do të fillojnë më 28 gusht dhe do të vazhdojnë deri më 8..