Nga data 3 deri më 9 nëntor në qytetin Pomorie zhvillohet edicioni i 10 i Salloneve kulturore për artin bashkëkohor “Grand Hotel Pomorie”. Radioja Kombëtare Bullgare po kështu merr pjesë në të.
“Kemi edicion pranveror dhe të vjeshtës – tregon drejtori artistik i aktivitetit, Stojko Peev. – Ideologët dhe frymëzuesit kryesorë të salloneve janë znj. Biserka Hënkova – Drejtore ekzekutive e Grand Hotel “Pomorie” dhe z. Rumen Draganov – Kryetar i Këshillit të drejtorëve të hotelit. Atyre u detyrojmë gjithçka. Vitet e fundit për ne, krijuesit e Bullgarisë, janë të vështira, sepse shteti sikur abdikoi në angazhimet saj ndaj nesh. Dhe ne gëzohemi, se ka njerëz, se ka shoqëri private, të cilat mendojnë për artin dhe na zgjatin dorë.”
Në fillim sallonet organizoheshin si plenër për artin bashkëkohor, por shumë shpejtë u shndërruan në një qendër tërheqëse për krijuesit nga sferat e ndryshme të artit. Në to kanë marrë pjesë emra të njohur nga fusha e kulturës si regjisori Rangel Vëllçanov, aktorët Naum Shopov, Cvetana Maneva, Vlladimir Penev, skulptori Georgi Çapkënov, virtuozi i violinës Vasko Vasillev dhe shumë të tjerë. Tani edicioni i tyre i dhjetë jubile do të mbledh të gjithë që kanë marrë pjesë në to gjatë viteve. Ja dhe disa detaje për programin:
“Sot fillojmë me mbrëmje kushtuar Radios Kombëtare Bullgare, më saktë 80 vjetorit të medias – thekson z. Peev. – Drejtpërsëdrejti në eterin e programeve “Horizont” dhe “Hristo Botev” do të shpallen çmimet nga art-projekti i Radios Kombëtare “Radioja dhe komunikimet në shekullin e XXI – ura drejt së ardhmes” nga Drejtori i Përgjithshëm z. Radosllav Jankullov dhe nga akademik Svetlin Rusev, piktor i njohur bullgar. Pas kësaj do të ketë koncert të “Teodosij Spasov Trio”-së. Ky është gjesti ynë ndaj përvjetorit të Radios Kombëtare Bullgare, e cila është partner mediatik i aktivitetit dhe unë mendoj se bashkëpunojmë shumë mirë. Ditën tjetër hapet ekspozita multimediatike “Vlladimir Dimitrov-Mjeshtri – dritë dhe shpirt” – një përulje ndaj piktorit tonë të madh. Ajo është vepër e Fondit Kombëtar të Dhurimit “13 shekuj Bullgaria”. Do të prezantohet nga prof. Gredi Assa, Drejtor ekzekutiv i Fondit. Po këtë ditë do të organizojmë debate me pjesëmarrjen e historianit prof. Bozhidar Dimitrov mbi temën “Turizmi kulturor, mit apo realitet.”
Banorët dhe mysafirët e qytetit Pomorie do të kenë mundësinë të shohin filmin “Khan Asparuh”, kushtuar themeluesit të Bullgarisë buzë lumit Danub, të bisedojnë me regjisorin e tij akad. Ljudmill Stajkov. Në këtë film ai rikrijon personazhin e sundimtarit të madh. Në program është përfshirë edhe mbrëmja poetike e Ljubomir Levçevit, mbajtës i çmimeve prestigjioze ndërkombëtare. Në të do të interpretohen edhe këngë sipas vjershave të tij, do të ketë fjalim edhe një kritik letrar. “Unë gjithashtu do të marrë pjesë, sepse personalisht z. Levçev më ftoi të lexojë vjersha të tij”, vë në dukje Peevi.
Të ftuarit në Sallonet e artit bashkëkohor janë muzikantët spanjoll Lucas Masciano dhe Paco Zarate. Përpara koncertit do të shfaqet filmi i Televizionit Kombëtar Bullgar “Midis qiellit dhe tokës”, kushtuar muzikantit Masciano. Aktiviteti përmbyllës është vernisazhi i piktorëve të njohur bullgarë. Pas mbylljes së Salloneve të artit bashkëkohor ekspozita do të udhëtojë për në qytetin Burgas, ku do të jetë e hapur deri më 15 dhjetor në Galerinë e arteve në qytet.
Përgatiti në shqip: Sofia Popova
Milena Canova është një këngëtare që shmang përcaktimin e preferencave të saj stilistike – kjo sepse zëri i saj është mjaft i larmishëm për të unifikuar gjithçka që bën si art. Pasi kaloi nëpër formate të ndryshme televizive, ajo vendosi të..
Sofia Summer Fest – Edicioni Underground, pjesë e Sofia Summer Fest, hapet sonte. Kjo do të ndodhë me një koncert në të cilin do të dëgjojmë dy këngëtaret që me këngët e tyre shënuan muzikën bullgare në prag të mijëvjeçarit të ri - Irina Fllorin dhe..
Toni Dimitrova – këngëtarja me zë karakteristik, e cila është kthyer në një nga simbolet artistike të qytetit bregdetar Burgas – prezanton koncertin e saj solo “Kohë për dashuri” nën qiellin e hapur. Ai është pjesë e turneut të saj kombëtar, duke..