Ëmbëltori bullgar Radi Stambollov është zv/kryetar i Asociacionit Evropian të Kulinarëve “Euro-Toques” në Bullgari. Ai është i njohur me qasjen e tij inovative dhe krijuese. Pohon se gatimi i ëmbëlsirave është “aventurë për qiellzën”. Gatimi i fundit i bullgarit është sushi i ëmbël, i cili gjithnjë e më shumë popullarizohet në botë dhe patjetër do të vendoset në tryezën e Vitit të Ri në Japoni. Në “Tokën e Lindjes së Diellit” Bullgaria njihet shumë mirë me kosin që importon dhe me qindrat koncerte të Korit të Fëmijëve të Radios Kombëtare Bullgare. Tani sushi i ëmbël është vizioni i ri i Bullgarisë në Japoni.
Ideja për gatimin inovativ i ka ardhur bullgarit rastësisht. Para disa vitesh Radi Stambollov ka shkuar te pronari i një zinxhiri të suksesshëm të “fast food”-it për bashkëpunim. Rastësisht e ka hedhur menunë me sushi dhe ia ka thënë vetes “sushi prej çokollate, pse jo”.
“Interesi për ëmbëlsirën time është jashtëzakonisht i madh në mbarë botën, sikur pritet në radhë për t’u blerë automobil i shtrenjtë – shpjegon Radi Stambollov. – Sushi im kërkohet nga restorantet, kompanitë e furnizimit me ushqime dhe në vendet evropiane me aftësi të madha paguese. Vendet skandinave, p.sh., janë gati të lëshojnë produktin tim në zinxhirët e dyqaneve. Kërkesa kanë bërë Kina dhe Libani.”
Aktualisht funksionon një fabrikë e vogël për sushin prej çokollate e cila fabrikë plotëson kërkesat për tryezat festive të vendeve skandinave dhe Rusisë. Problemi është se çdo gjë bëhet në mënyrë manuale, siç bëhet me sushin tradicional prej peshku. Sfida më e madhe është që të gjendet teknologji e veçantë, sepse artikujt e nevojshëm për sushin prej çokollate kërkojnë veti jo të zakonta. Fijet e holla të çokollatës së zezë të cilat e përqafojnë sushin sikur janë alga, duhet të jenë shumë plastike, por çokollata zakonisht është i thyeshme. Në shikim të jashtëm kurrë nuk do të dalloni sushin prej çokollate nga sushi prej peshku. Procesi i bërjes së këtij të fundit ka qenë i vështirë. Peshku bëhet me çokollatë të bardhë, kokrrat e orizit formohen me pluhur kokosi, ndërsa ngjyra e kuqe e putargës nxirret nga luleshtrydhet. Ngjyrat e ndryshme të sushit kanë të bëjnë me llojet e ndryshme të frutave të thata.
Për fat të keq bullgari nuk mund ta patentojë produktin e tij, sepse në fushën e kuzhinierisë nuk ka patenta. Radi Stambollov është njohur me inicialet “RS chocolatier”. Ëmbëltori tregon se edhe kulinarët e tjerë bullgarë kanë ide inovative dhe krijuese. Sipas tij në ditët e sotme tregu bullgar është shumë kapriçioz. Në udhëkryq mes Azisë dhe Evropës gatimi bullgar i ëmbëlsirave kombinon traditat e të dyja kulturave, është i hapur për eksperimente dhe i përshtatshëm me shijet e ndryshme.
“Produktin bullgar e balancojmë në mes tregjeve të ndryshëm – thotë Radi Stambollov. – Me përmbajtje më të vogël të sheqerit për vendet skandinave dhe nga ana tjetër – me më pak yndyrë për tregun rus. Vitet e fundit Bullgaria bëri revolucion në gatimin e ëmbëlsirave. Së pari zëvendësuam kremin e yndyrshëm me atë pa yndyrë. Pastaj filluam të përdorim më shpesh gjizën dhe tani ëmbëlsirat i bëjmë me jogurt që është shumë aktual. Bullgaria mund të ofrojë ëmbëlsira të lehta të cilat t’u përgjigjen kërkesave të secilit treg.”
Përgatiti në shqip: Anna Kapitanova
Fotografi: radistambolov.eu
Bullgaria i bashkohet konsorciumit evropian të qendrave kombëtare për trajtimin e kancerit. Para BNR-së, dr. Asja Konsullova theksoi se për këtë është punuar për shumë vite, “sepse pacienti bullgar meriton të trajtohet në një qendër kanceri dhe në..
Bullgarët janë të vetëdijshëm për shkaqet dhe pasojat e ndryshimeve klimatike. Por ata janë të painformuar për kundërmasat. Këtë e tregojnë të dhënat për vendin, nga sondazhi i fundit i 6-të radhazi i klimës i Bankës Evropiane të Investimeve...
Në një seri materialesh do t'ju tregojmë për vizat që kërkohen për qëndrim dhe kalim tranzit përmes Bullgarisë, si dhe për qytetarët e të cilave shtete kanë nevojë për to. Siç dihet, nga 31 mars 2024, Bullgaria është pjesë e zonës Shengen nga ajri dhe..
Java që kaloi ishte java e tretë e Shkollës Verore të Gjuhës dhe Kulturës Bullgarenë Tiranë. Kjo ishte dhe java e fundit e shkollës në ambientet e..
Donacionet dhe qëndrimi ndaj përparimit të shkencës dhe arsimit vendas janë lidhur me zhvillimin e arsimit të lartë në Bullgari. Falë shpirtit..
Gati 10 për qind e 11-vjeçarëve në vendin tonë kanë qenë të dehur të paktën dy herë në jetën e tyre, 18% e djemve dhe 13% e vajzave kanë pirë cigare,..