“Zërat kozmikë” është një prej formacioneve të para korale, të krijuar pas vitit 1989, kur filluan ndryshimet politike dhe ekonomike në vendin tonë. Sot, dy dekada pas provës së parë, kori popullor i grave është ndër institucionet më të autoritetshme në gjininë e tij. Koncerti i parë ishte në fillim të janarit të vitit 1995, në kuadrin e “Festivalit muzikor të Vitit të Ri”. “Patëm sukses të madh. Pak kohë më parë kishim incizuar CD tonë të parë” – kujton Vanja Moneva, themeluese dhe dirigjente e kolektivit. Prej saj do të mësojmë hollësira të tjera interesante për historikun e “familjes kozmike”.
Vanja Moneva ka mbaruar Akademinë Kombëtare Muzikore në klasën e dirigjentit të madh bullgar koral prof. Vasill Arnaudov. Kontakti i saj i parë me një kor popullor ndryshon drejtimin e kërkimit të saj profesional. Kjo u ndodh në fillim të viteve 90 të shekullit të kaluar, kur dirigjon Korin Popullor të Grave pranë Radios Kombëtare Bullgare.
Anna Jordanova është njëra prej koristeve që më gjatë është në këtë kor. “Jam në kor nga viti 2002. Për mua është ëndërr i realizuar puna me një dirigjente të tillë dhe me një kolektiv të tillë koral. Ai është familja ime e dyte, duke pasur parasysh se në kor është dhe motra ime. Kemi udhëtuar shumë, kemi pasur shumë momente emocionuese. Mbaj mend një koncert në katedralen e njohur në Vjenë. Ishte shumë ftohtë, kur i erdhi radha solistes Bojka Prisadova, një këngëtare e mrekullueshme nga krahina e Rodopeve, zëri i saj në sfondin e kupolës së ngrirë tingëlloi si një zile e kristaltë dhe e bukur. Sikur katedralja u hap drejt qiellit. Kurrë nuk do të harrojë këtë çast të mrekullueshëm dhe emocionues. Në vitin 2014 arritëm të incizojmë një kompakt disk dopio, patëm shumë koncerte, morëm pjesë në projektin e Millço Levievit “Udhëtim në dy bota”, bashkë me Big Bendin e Radios Kombëtare Bullgare.”
Përgatiti në shqip: Sofia Popova
Në sinkron me pranverën me shi jashtë, Ersin Mustafov na dërgon mesazhin gazmor “Nuk mund të bjerë shi përgjithmonë” me këngën e tij me të njëjtin emër. Meqenëse e njohim deri tani si frontmenin e JEREMY? , po e mirëpresim me interes..
Gjashtë vjet pasi në tregun muzikor doli albumi i fundit i Mary Boys Band “Ditë të lumtura”, grupi thotë “Përshëndetje”, duke u rikthyer me një këngë të re me të njëjtin emër. Gjatë kësaj periudhe, vetë Maria - Maria Mutafçieva - realizoi albumin e..
Konkursi i Radios Kombëtare Bullgare (BNR) për Këngën e Re Bullgare "Pranvera" u mbajt për të 55-tën herë. Që nga fillimi i tij në vitin 1970, ky forum muzikor stimulon vazhdimisht autorët dhe interpretuesit vendas për të krijuar muzikë të re. Çmimet..
Në fund të qershorit, kur gjithnjë e më shumë e ndiejmë erën e detit, një ekip brezash të ndryshëm ringjallën në një version të ri një këngë nga e..