“Gjatë muajve të ardhshëm kemi në plan të befasojmë admiruesit tanë” – thotë Dimitër Hristovi, dirigjent i Orkestrës së Muzikës Popullore pranë Radios Kombëtare Bullgare. Befasia e parë është më 25 shkurt, në studion e koncerteve të radios.
Për programin me titull “Arti i mjeshtërve” Dimitër Hristovi sjell më shumë hollësi: “Projekti “Arti i mjeshtërve” do të jetë në dy pjesa. Pjesa e dytë do të jetë në fund të shtatorit. Ideja jonë është të prezantojmë të gjithë mjeshtrit e orkestrave pranë ansambleve folklorike tek ne, që janë 14 gjithsejtë. Për koncertin e tanishëm kemi ftuar 7 solistë. Do të përmend vetëm disa prej emrave: Dimitër Todorov – gajdexhi nga Ansambli “Filip Kutev”, Ilija Ganev – nga Ansambli “Pirin”, Todor Dukov – nga Ansambli “Smoljan” dhe disa të tjerë. Arti i ansambleve është një art specifik. Në plan të parë janë grupet e vallëzimit dhe të këndimit . Dhe sikur orkestra mbetet nën hije. Prandaj vendosëm të prezantojmë ata instrumentistë të mrekullueshëm. Orkestra do të ekzekutojë edhe pjesët më të reja. Kështu që koncerti do të jetë plotë buzëqeshje. Në të admiruesit do të kenë mundësi të dëgjojnë vepra në stile të ndryshme.
Vazhdojmë edhe traditën “Klasikët e muzikës dasmore bullgare”. Më 19 mars kemi ftuar fyelltarin Teodosij Spasov, klarinetistin Mlladen Mallakov dhe fizarmonicistin Petër Rallçev. Është një festë për ne, kur kemi koncert me muzikantë të tillë të mëdhenj. Duhet të theksojmë, se muzika dasmore është një gjini e veçantë. Dhe shumica e muzikantëve të mëdhenj bullgarë kanë kaluar përmes shkollës së muzikës dasmore. Kjo reflekton pozitivisht mbi formimin e tyre.
Shumë emocione do të provokojë koncerti “Ritmi i Ballkanit”, në të cilin do të kemi mysafirë muzikantë nga Maqedonia, Serbia, Greqia, Turqia. Është fakt, se arti bashkon më mirë njerëzit, se sa politikanët. Dhe për kolegët e mi dhe për mua kjo është një kauzë. Jemi të bindur, se ngjarje të tilla ballkanike duhet të organizohen gjithnjë e më shpesh.”
Vitet e para skenike Dimitër Hristovi njihej si një virtuoz i tamburasë, kompozitor me ide interesante. Para se të bëhet dirigjent i Orkestrës së Muzikës Popullore ai ishte në disa ansamble folklorike. Paralelisht ishte edhe pjesë e formacioneve etno “Bullgara” dhe “Diva Reka”, me të cilët vazhdon të punojë edhe sot.
Përgatiti në shqip: Svetllana Dimitrova
Në ditët e fundit të verës, Tedi Ruseva me emrin artistik Tiara prezanton këngën e saj të re “Vetëm deti”. Me të, aktorja, karriera muzikore e së cilës filloi vetëm katër vjet më parë, përmbushi ëndrrën e saj të dashur - të marrë pjesë në konkursin..
I riu Todor Gaxhallov merret me muzikë që në moshën 5 vjeçare, kur filloi të luante piano dhe të këndonte. Shkollimin e vazhdoi në shkollën e muzikës në Plovdiv dhe pas kësaj edhe në akademinë e muzikës në Sofje. Që në moshë të re merrte pjesë..
Një nga grupet më të njohura në vendin tonë me një nga vokalistet më interesante dhe magnetike – “Kerana dhe kozmonautët” - i shton një yjësi të re kozmosit të tij muzikor. Më 19 shtator, në Sofje, muzikantët do të prezantojnë me një koncert..
Muzika e këngëtares DARA është po aq shumëngjyrëshe sa ajo. Dhe këtë e vërteton edhe kënga e saj e fundit "Vjedhësi i ëndrrave". Në të, këngëtarja e re..
Këngëtarët bullgarë të operës dalin në skenë për të nderuar Boris Hristovin në 110-vjetorin nga lindja e tij. Të mishëruar në role emblematike të..
Ka ndërruar jetë këngëtari, muzikanti dhe kompozitori bullgar Kirill Mariçkov. Tragjedia ka ndodhur në një incident në fshatin Sellanovci (Bullgaria..