“Ky është festivali i premierave, i ideve të freskëta dhe i thyerjes së caqeve tradicionale” – kështu Iva Çavdarova, Drejtore artistike e “Ditëve Muzikore të Marsit” përkufizoi tiparet kryesore në programin e edicionit të 55 të festivalit. Sipas traditës forumi zhvillohet gjatë gjysmës së dytë të marsit dhe mbledh ansamble elitare, orkestra dhe solistë nga mbarë bota.
“Është fare e natyrshme që “Ditët Muzikore të Marsit” – një prej skenave më të vjetra dhe prestigjioze të festivaleve në Bullgari, t’u ofrojë adhuruesve të tij mbi 35 orkestra dhe kolektiva elitare – tregon Iva Çavdarova. – Interpretimet janë në stile të ndryshme – nga baroku deri te muzika bashkëkohore dhe xhazi. Hapja u bë më 13 mars, kur u shënua dhe 55 vjetori i Shkollës kombëtare të arteve “Prof. Vesellin Stojanov”në qytetin Ruse. Kështu që në skenë dolën ish nxënës të shkollës – dirigjenti Emill Tabakov, violinisti Svetllin Rusev, si edhe të gjithë nga Orkestra e festivalit, të krijuar posaçërisht për këtë rast. Më 16 mars do të jetë premiera e orkestrës “Kremerata Baltika” dhe e xhaz violinistit francez Didie Lokuud. Tangot klasike të Piacolës do të ndeshen me improvizimet e autorit të muzikantit të njohur. Me plotë gojë mund të them, se të gjitha emrat e përfshirë në programin e festivalit do të japin kontributin e tyre për këtë edicion festiv. Presim “Solistët e Moskës”, Orkestrën Kombëtare Simfonike të Rumanisë me solist Pllamena Mangovën, Matias Gjorne, Orkestrën Simfonike të Radios Kombëtare Bullgare, Evgeni Bozhanovin... Me një projekt të posaçëm në kuadrin e forumit më 24 mars do të dëgjojmë njërin prej artistëve më të mëdhenj të barokut të kohës sonë – Zhordi Saval. Mjeshtri i violës së vjetër da gamba do të jetë në shoqërinë e Pier Antaj – klavikord, dhe Havier Dias Latore – teorba (një modifikim i lahutës) dhe kitarë.
Përgatiti në shqip: Sofia Popova
Sofia Summer Fest – Edicioni Underground, pjesë e Sofia Summer Fest, hapet sonte. Kjo do të ndodhë me një koncert në të cilin do të dëgjojmë dy këngëtaret që me këngët e tyre shënuan muzikën bullgare në prag të mijëvjeçarit të ri - Irina Fllorin dhe..
Toni Dimitrova – këngëtarja me zë karakteristik, e cila është kthyer në një nga simbolet artistike të qytetit bregdetar Burgas – prezanton koncertin e saj solo “Kohë për dashuri” nën qiellin e hapur. Ai është pjesë e turneut të saj kombëtar, duke..
“Horizont” është një grup me një histori 40-vjeçare. I formuar në vitin 1984 nga shokët e klasës dhe miqtë, grupi i ka mbetur besnik rock-ut melodik për katër dekada. Në vitin 1994 nisi zyrtarisht performanca e tij e parë profesionale në skenën e..
Sonte mbyllet sezoni i nëntë i Operës Verore "Skena e Shekujve" 2024, një forum i madh muzikor i Komunës së Veliko Tërnovës. Dy muajt e fundit u ofruan..
“Mbrëmjet ballkanike” është një nismë që mbahet nga 5 deri më 8 shtator në Pitsbërg të Pensilvanisë, SHBA. Veprimtaria fillon sonte me punëtorinë..