Disa arte gërshetohen në projektin e ri të Kuartetit “Sapaev”. Me valle, muzikë dhe teatër shfaqja “Muzika e Luftës” transferon spektatorin në një evakuim në kohën e bombardimeve. Kështu me ndihmën e dramaturgjisë na provokojnë të mendojmë sa e çmueshme është paqja.
“Shfaqjen “Muzika e luftës” e realizuam në mënyrë tepër spontane, ashtu siç e formuam kuartetin – tregon violinisti Ivan Stajkov, me ide të të cilit u realizua projekti në fjalë. – Deshëm të ekzekutojmë në skenë Kuartetin № 8 të kompozitorit të madh rus Dmitrij Shostakoviç. Kishim shqetësime si do ta pranojë publiku këtë vepër. Dhe pasi vepra ka të bëjë me luftën na lindi ideja ta përfshijmë në një projekt me emrin “Muzika e luftës”. Lidhur me këtë violinisti i parë i kuartetit Sanxhar Sapaev vendosi të kompozojë një vepër “Lufta po vjen”. Kështu ai deshi të prezantojë pikëpamjen e tij ndaj ngjarjeve dramatike në Uzbekistan, dëshmitarë të të cilëve vet ai ishte. Mendoj, se nuk do të jetë e tepruar nëse do të them, se sot mund të flasim edhe për luftë në marrëdhëniet njerëzore. Dëshira jonë ishte jo vetëm të ekzekutojmë një muzikë të mrekullueshme, por edhe të rikrijojmë shqetësimet dhe tronditjet e të mbijetuarve. Koreografia e shfaqjes është vepër e Stefanija Georgievës. Ekspresioni i lëvizjeve është tepër primitiv. Ja përse caktimi më i drejtë i gjinisë është teatër i vallëzimit.”
Sipas krijuesve të projektit “Muzika e luftës” ai është i orientuar te të rinjtë. Për atmosferën realiste ndihmon edhe interieri i skenës “Fabrika e artit civil”. Për kuartetin “Sapaev”, realizues të projektit në fjalë, më shumë hollësi sjell Sanxhar:
“Kur u vendosa në Qytezën e Studentëve në Sofje, pa ditur asnjë fjalë bullgarishte, u njoha me Ivanin. Klarinetisti Faraxh Akbarov nevojitej për një grup muzikor, me të cilin të japë një provim. Si rezultat formuam një grup muzikor pa emër. Me kalimin e kohës pasuruam repertorin dhe vendosëm të emërtojmë kuartetin me familjen time.”
“Me kitaristin e grupit “Ostava” Zhoro e njohim njeri tjetrin që prej kohe. Shpesh kemi diskutuar, çfarë do të ndodhë në se do të gërshetojmë muzikën rok me ekzekutimin e një kuarteti me harqe. Edhe djemtë e të dy grupeve shfaqën dëshirë të provojmë këtë ide. Ndoshta për këtë pedagogu muzikor docent Nikollaj Gagov për kuartetin tonë tha: “Kuarteti “Sapaev” është në kufirin midis muzikës klasike dhe asaj pop, gjë që në Bullgari nuk e ka shokun.” Megjithëqë jemi të rinj disponojmë përvojë të pasur dhe kemi çfarë të prezantojmë në gjininë serioze. Krahas kësaj do të vazhdojmë edhe eksperimentet jo tradicionale me grupin “Ostava”.
Përgatiti në shqip: Svetllana Dimitrova
“Bërë për mua” është kënga e tretë prej autore e këngëtares së re dhe të talentuar Elia Todorova, të cilën ajo vetë e cilëson si më dinamike në repertorin e saj. Dy projektet e suksesshme - "Re" dhe "Mjedra" - i sollën asaj popullaritet si solo..
Një nga ngjarjet kulturore më të pritura gjatë verës në Sofje fillon nga sot. Për vitin e 13-të, festivali A to JazZ do ta transformojë Parkun Jugor 2 në një skenë urbane kulturore të përbashkët, krijuese dhe miqësore me mjedisin. Dashamirët e muzikës..
Në fund të qershorit, kur gjithnjë e më shumë e ndiejmë erën e detit, një ekip brezash të ndryshëm ringjallën në një version të ri një këngë nga e kaluara e afërt me titullin - "Erë deti". Në fund të vitit të kaluar, Kalina Batkova, e njohur me emrin..