Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Bullgaria – pjesë e nismës “Viti Evropian i Zhvillimit”

БНР Новини
Foto: BTA

Bashkimi Evropian e shpalli 2015-ën Vitin Evropian të Zhvillimit dhe Luftimit të Varfërisë. Bullgaria gjithashtu u bë pjesë e kësaj nisme. Ministri Bullgar i Punëve të Jashtme, Daniell Mitov i uroi Bullgarisë që të aktivizojë bashkëpunimin rajonal gjatë 2015-ës. Këtë ministri e bëri në kuadër të konferencës në Sofje kushtuar Vitit Evropian të Zhvillimit. Në konferencë me anë të videos mori pjesë po ashtu Komisionerja e BE-së nga Bullgaria, Kristalina Georgieva. Kjo e fundit vuri në dukje se gjysma e financimit të vendeve ekonomikisht të zhvilluara buron nga BE-ja.

Nga Instituti i Diplomacisë të MPJ-së sqarojnë se politika e zhvillimit në thelb është instrument i politikës së jashtme të BE-së dhe të Bullgarisë, e cila politikë lidhet me solidaritetin. Mirëpo, deri tani shoqëria bullgare nuk është treguar e gatshme për ndarjen e kësaj vlere mbarevropiane. Sipas sondazhit të fundit të Eurobarometrit bullgarët zënë vendin e fundit për nga përkrahja e politikës së zhvillimit të BE-së. Sondazhi po ashtu tregon se bullgarët nuk e besojnë se personaliteti i veçantë ka rol në përballimin e problemeve në vendet e ndryshme.

“I kemi vënë qëllim vetes që deri në fund të vitit ta ndryshojmë pak a shumë opinionin e bullgarëve në këtë lidhje – thotë znj. Tanja Mihajllova, drejtoreshe e Institutit të Diplomacisë. – Vite të tëra Bullgaria merrte ndihmë evropiane si vend i prapambetur dhe është normale që sot kur jemi anëtar i BE-së të përkrahim vendet ekonomikisht më të dobëta. Pra, nuk duhet të mendojmë vetëm për problemet e brendshme, por të përpiqemi të kontribuojmë në zgjidhjen e problemeve të vendeve fqinje dhe më të largëta. Për mendimin tim solidariteti edukohet, ja pse punojmë kryesisht me nxënësit dhe studentët dhe jo me njerëzit të cilët e kanë formuar karakterin e tyre dhe mendojnë se asgjë s’mund të ndryshojë. Organizatat joqeveritare janë partnerët tanë kryesorë. Pikërisht atyre u përket ideja për përpilimin e Planit Kombëtar të Zhvillimit. Prej vitesh Instituti i Diplomacisë punon mbi një projekt. I japim asistencë Afganistanit në ndërtimin e kapacitetit administrativ. Kemi vërejtur se diplomatët afganë e respektojnë shumë Bullgarinë. Megjithë vështirësitë që kemi në vend duhet të përpiqemi t’i ndihmojmë vendet më të varfra. Sigurisht që kjo do të ketë efekt mbi autoritetin dhe besimin ndaj Bullgarisë.”

Përgatiti në shqip: Anna Kapitanova



Последвайте ни и в Google News Showcase, за да научите най-важното от деня!

Më shumë nga rubrika

Refuzimi i presidentit për të nënshkruar një dekret për emërimin e një qeverie të përkohshme është në përputhje me të drejtat e tij

Bullgaria u përball me një tjetër problem në kërkimin e një rrugëdaljeje nga kriza politike që u bë konstante, pasi presidenti Rumen Radev refuzoi të miratojë një nga emrat e ministrave të propozuar nga kandidatja për kryeministre të përkohshme,..

botuar më 24-08-21 7.40.PD

Zgjedhjet shtyhen, presidenti nuk e pranoi projekt kabinetin “Kozhareva”

Presidenti Rumen Radev nuk pranoi që Kalin Stojanov të mbetet ministër i punëve të brendshme dhe refuzoi të nënshkruajë një dekret për emërimin e qeverisë së përkohshme të kryesuar nga Gorica Grënçarova - Kozhareva. Kreu i shtetit i kërkoi..

rinovuar më 24-08-19 6.22.MD

Ngjarjet me adresë ballkanike

Gjurmët e gishtave të të huajve që vijnë do të merren në Turqi Autoritetet turke planifikojnë të marrin gjurmë gishtash të të huajve që mbërrijnë në vend. Këtë e bëri të ditur ministri i brendshëm, Ali Jerlikaja për gazetën proqeveritare..

botuar më 24-08-17 9.55.PD