Në prag të sezonit të ri të garave motoçiklisti më i mirë bullgar Martin Çoj pati takim me mediat. Në intervistat ai foli për planet që ka gjatë vitit 2015. Martin Çoj ka lindur më 1984 dhe gjyshin e ka korean, nga vjen mbiemri i tij. Garuesi ka merituar 24 tituj nga kampionatet bullgare dhe evropiane. Në moshën e fëmijërisë Martin ka ushtruar disiplinën e Taekwondo-s dhe është me rrip të zi. Mirëpo, shpejt është pasionuar pas motoçikletave. Të atit Ginam Çoj po ashtu i pëlqejnë motoçikletat. Për herë të parë Martin është hedhur në garë motoçiklizmi në vitin 1997 kur ka qenë vetëm 13 vjeçar. Sot Martin Çoj është një profesionalist i vërtetë i këtij lloji të sportit.

“Para çdo gare bëjë trajnime në nivel të lartë. 10 vitet e fundit në Kampionatin e Evropës Lindore nuk kam analogji. Besoj se dhe sivjet do të jem shumë i shpejtë si më parë”.

Ç’ka të re rreth sportistit të shpejtësisë së lartë?

“Sivjet në Kampionatin Evropian do të marr pjesë në kategorinë “Superbike”, gjë për të cilën ëndërroj prej 7-8 vjetësh, thotë Martin Çoj. – Deri tani garoja në kategorinë “Superstock”, ku arrita rezultate shumë të larta 4 vitet e fundit. Fitova titullin e kampionit evropian, dy vende të dyta dhe një vend të tretë. Tani do ta sfidojë veten time – me garues të rinj dhe në një kampionat të ri.”

Motoçiklisti bullgar garon me numrin 77 që mund të shihet si në motoçikletën dhe kaskën e tij, ashtu dhe në tatuazhin e dorës së tij.

Kampionati i Evropës Lindore i Motoçiklizmit fillon më 17 prill në Seres të Greqisë. Pas trajnimeve në Greqi dhe Spanjë, Martin Çoj ndihet mjaft i fortë për ta fituar garën. “Besoj se në turin e parë do të jem në gjendje të mirë fizike siç isha vitin e kaluar. Atëherë në Kampionatin Botëror në Francë fitova vendin e tertë së bashku me skuadrën e BMW-s, Gjermani”.

“Gjatë nëntorit dy motoçikletat e mia i dërgova në servizin MBW në Çeki ku ishin kontrolluar tërësisht që t’i përshtaten kategorisë “Superbike”. I testova ato dhe mendoj se jam krejtësisht i përgatitur për turin e parë”, vë në dukje Martin Çoj.

Përveç 6 tureve të Kampionatit të Evropës Lindore ku Martin do të garojë, ai do të marrë pjesë po ashtu në 4 turet e Kampionatit Kombëtar të Motoçiklizmit dhe në 12 turet e Kampionatit Evropian.

Përgatiti në shqip: Anna Kapitanova