Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

“Festivali Ndërkombëtar Folklorik i Fëmijëve – Sofje” grumbullon në skenën bullgare mysafirë nga pesë vende të huaja

Foto: FNFF

Më 23 prill fillon Edicioni i 4-të i Festivalit Ndërkombëtar Folklorik të Fëmijëve – Sofje. Në katër skena të vendosura në pikë të ndryshme të Sofjes, kryeqytetasit do të shijojnë artin folklorik të ansambleve bullgare dhe të atyre të huaja. Znj. Julia Popçeva, e cila është nga komiteti organizativ, tregon se si ka lindur ideja për festivalin:

“Aktivitetin e nisi një grup entuziastësh me shumë emocione dhe dëshirë të madhe, të cilët deshën të sjellin një festim të veçantë folklorik për kryeqytetasit. Në Sofje organizohen shumë ngjarje kulturore, por të këtij lloji janë pak. Ashtu lindi ideja, deshëm të ftojmë grupe të huaja dhe t’i njohim fëmijët bullgarë me folklorin e vendeve të tjera. Për ne është me rëndësi që vallet në festival të jenë tematike, pra të “zbulojnë” kulturën e kombit të huaj. Zakonisht festivalin e organizojmë gjatë prillit, sepse pranvera vjen në këtë muaj. Festivali është falas që të gjithë të kënaqin sy me artin e fëmijëve”.

Sivjet ka mysafirë nga Shqipëria, Bosnjë-Hercegovina, Serbia, Rumania dhe Polonia. Znj. Popçeva mendon se numri i tyre do të tejkalojë një mijë:

“Skenat janë katër, por realisht paraqitjet janë pesë, sqaron organizatorja. – Starti jepet me aktivitetin e zakonshëm para kompleksit të pallateve Mladost 3. Pas kësaj fëmijët do t’i ngjiten skenës në vendbanimin Busmanci dhe më 25 prill do të jepen dy koncerte – në Parkun e Borisit gjatë ditës, dhe në mbrëmje – në vendbanimin Bistrica. Ditën e fundit do ta mbyllim me një paradë. Do të nisem nga shtyllat e Pallatit Kombëtar të Kulturës në Sofje, përmes rrugëve kryeqytetase drejt Parkut të Borisit.”

Sipas rregullit pjesëmarrësit e festivalit duhet të jenë në moshën nga 8 deri në 14 vjeç, me përjashtim të fëmijëve me aftësi të kufizuara. Ata mund të prezantojmë repertor sipas vullnetit të tyre. “Për ne është e rëndësishme që çdo fëmijë të ketë skenën e vet të paraqitjes, pavarësisht nga të metat fizike që ka”, thotë znj. Julia Popçeva, duke shtuar: “Fëmijët janë të barabartë dhe ne duhet t’i stimulojmë ata që të nxjerrin në pah botëkuptimin e tyre individual”.


Përgatiti në shqip: Anna Kapitanova



Последвайте ни и в Google News Showcase, за да научите най-важното от деня!

Më shumë nga rubrika

Ditën e Enjos, barishtet dhe uji fitojnë fuqi magjike

Herët në mëngjes djemtë dhe vajzat mblidhen nëpër livadhe që të luajnë me diellin. “Besohet se atëherë dielli luan sepse është solstici më i gjatë i vitit” – kjo është gjëja më e rëndësishme që duhet ditur për Ditën e Enjos, sipas tetëvjeçarit Ivo..

botuar më 24-06-24 6.30.PD

Plovdivi fton dashamirët e profesioneve të harruara në Muzeun e tij Etnografik

Një Muze Etnografik Rajonal në Plovdiv hap dyert për edicionin e 16-të të Javës së Artizanateve Tradicionale, raportojnë organizatorët e muzeut. Hapja është në Ditën e Enjos (24 Qershor), e nderuar në traditën tonë popullore si dita e barërave dhe fuqisë..

botuar më 24-06-24 5.30.PD

Festivali "Babina Dushica" në Montana mbledh kuzhinierë nga e gjithë Bullgaria

Më 22 qershor mbi 30 kuzhinierë nga i gjithë vendi mblidhen në Montana për festivalin e kuzhinës popullore "Babina Dushica". Festivali i kuzhinës është pjesë e programit për kremtimin e festës së Montanës "Shpirti i Shenjtë" në Kopshtin e..

botuar më 24-06-22 10.15.PD