Data 9 maj shkaktoi debate në Bullgari për herë të radhës, duke rikujtuar se madje pas një çerek shekulli të tranzicionit shoqëria bullgare vazhdon të jetë e ndarë sa u përket disa çështjeve të historisë sonë. Me një deklaratë me rastin e përvjetorit të 70-të të kapitullimit të Gjermanisë naziste në Luftën e Dytë Botërore dhe me rastin e Ditës së Evropës, 9 majit, Parlamenti dënoi të gjitha format e ksenofobisë, ekstremizmit, neofashizmit dhe dhunës dhe bëri thirrje për përmbajtjen nga veprimet, që çojnë te vija të reja ndarëse në Evropë. Gjatë debateve u refuzua kërkesa nga socialistët për t’u njohur roli i rezistencës ndaj fashizmit dhe merita e madhe e Bashkimit Sovjetik në shpartallimin e fashizmit të Hitlerit. E Djathta e përkrahu deklaratën, duke e konsideruar si një hap përpara drejt leximit të përbashkët të momenteve më të rënda të historisë. Nuk ka lexim të përbashkët të datës problematike 9 maj edhe në plan ndërkombëtar, kurse në kundërshtimet rreth saj këtë herë pushtetarët bullgarë zunë një pozitë kategorike. Presidenti Rosen Plevneliev iu shmang ftesës për pjesëmarrje në festimet në Moskë me rastin e Ditës së fitores, 9 majit, që të jetë i pranishëm në konferencën kushtuar 70 vjetorit të fundit të Luftës së Dytë Botërore. Kërkesës për të komentuar nëse pjesëmarrja në këtë konferencë nuk përbën njëfarë kundërveprimi ndaj festimit të 9 majit në Moskë, kreu i shtetit iu përgjigj duke theksuar se Dita e Evropës nuk është në kundërshtim të nderimit të viktimave dhe të mësimeve të Luftës së Dytë Botërore. Pikërisht për këtë shkak, vuri në dukje ai, më 9 maj në Bullgari do të ngrihet lart flamuri evropian, por do të vihen gjithashtu 23 urna nga të gjitha betejat e përgjakura, ku kanë marrë pjesë bullgarët gjatë Luftës së Dytë Botërore. Mirëpo, reaksionet e dhimbshme në Parlament nga ana e forcave, të cilat kritikuan tekstin përfundimtar të deklaratës për 9 majin, dëshmojnë se pavarësisht nga distanca e kohës, çështja vazhdon të jetë problematike në Bullgari dhe ta ndajë shoqërinë, jo kaq dhimbshëm si dikur, por megjithatë e ndan. Deri kur do të vazhdojë e gjithë kjo?
Përgatiti në shqip: Vesella Mançeva
Traditat frankofone në Bullgari kanë një histori të pasur që daton që nga epoka e Rilindjes Kombëtare Bullgare. Edhe atëherë, kultura dhe gjuha franceze respektoheshin tek pjesa më e arsimuar e shoqërisë sonë si bartëse e vlerave evropiane. Dhe në..
Ekzaminimet multidisiplinare falas të kryera nga ekipet mjekësore bullgare dhe shqiptare në Kukës tërhoqën mbi 300 persona në dy ditët e fundit të qershorit. Ekzaminimet u transmetuan nga mediat kryesore shqiptare, duke përfshirë Radio Televizionin..
Mitropoliti i Vidinit Daniill është patriku i ri bullgar. Ai u zgjodh me 69 vota kundër 66 për Mitropolitin e Vracës Grigorij. Kishte edhe tre fletë votime të pavlefshme. Mitropoliti Daniill - me emrin laik Atanas Trendafillov Nikollov, lindi në..
Java e parë e Shkollës Verore të Gjuhës dhe Kulturës Bullgare në Fakultetin e Gjuhëve të Huaja në Universitetin e Tiranës u mbyll me sukses. Ajo ishte..
Në një seri materialesh do t'ju tregojmë për vizat që kërkohen për qëndrim dhe kalim tranzit përmes Bullgarisë, si dhe për qytetarët e të cilave shtete..
Bullgaria i bashkohet konsorciumit evropian të qendrave kombëtare për trajtimin e kancerit. Para BNR-së, dr. Asja Konsullova theksoi se për këtë..