Muzikë klasike, këngë dhe valle folklorike, vepra në kufirin e dy gjinive – kjo shkurtimisht është përmbajtja e programit me të cilin Shkolla Kombëtare e Arteve “Panajot Pipkov” në Pleven shënoi përvjetorin e 55-të të krijimit të saj. Koncerti, i cili u zhvillua më 12 maj, është pjesë e “Sallonit të Arteve” në Pallatin Kombëtar të Kulturës. Kështu artistët e rinj dhe pedagogët e tyre vunë fillimin e një sërë ngjarjesh, kushtuar festës.
Shkolla u themelua në vitin 1960 dhe sot atje mësohet art figurativ, këndim pop dhe xhaz, kurse nga viti i kaluar edhe mjeshtëri aktori. Një fakt interesant është se kjo është shkolla e parë e specializuar te ne, ku ka filluar mësimdhënia e interpretimit në instrumente folklorike. Kjo ndodhi në vitin 1966. ( Ju rikujtojmë se shkolla muzikore në Kotel hapi dyer në vitin 1967, kurse në Shiroka Llëka – në vitin 1971). Këtu është edhe salla e parë te ne, e ndërtuar posaçërisht për shfaqjet e nxënësve. Sot ajo mban emrin e Bozho Shojkovit, i cili ishte drejtor në vazhdim të 34 viteve. Në fakt, gjatë tërë historisë së vet shkolla ka pasur vetëm tre udhëheqës. I pari mbeti në këtë post vetëm një vit dhe ia dorëzoi postin zotit Shojkov. Ai bëri çmos për ta zhvilluar shkollën në mënyrën më të mirë. Trashëgimtarja e tij është Zheçka Dimitrova, e cila tashmë dy dekada e drejton shkollën. “Për koncertin në Pallatin Kombëtare të Kulturës kemi përgatitur një program të vërtetë të të gjitha specialiteteve, që mësohen te ne – tha para koncertit zonja Dimitrova. – Më vjen keq se nuk mund të organizojmë një ekspozitë të piktorëve tanë të talentuar, por me siguri do ta bëjmë këtë më vonë. Gjatë tërë vitit do të ketë koncerte dhe ekspozita të ndryshme, kushtuar këtij përvjetori. Kulmi do të jetë gjatë muajit nëntor – në festën e patronit . Kemi planifikuar për t’u paraqitur arti para të gjithë nxënësve tanë në Plovdiv, Varna, Ruse, Burgas dhe akoma një herë në Sofje.”
Përgatiti në shqip: Vesella Mançeva
Fotografi: nui-pleven.tea.bg
Kori i Fëmijëve i Radios Komb;tare Bullgare (BNR) është ndër finalistët e konkursit prestigjioz ndërkombëtar për koret joprofesionale “ Le të këndojnë popujt ”, i cili mbahet nën kujdestarinë e Bashkimit Evropian për Radio dhe Televizion (EBU). Në..
Nga 4 deri më 6 tetor, Plovdiv do të bëhet kryeqyteti i kitarës. Kjo për shkak të festivalit GuitART, i cili për të nëntin vit radhazi do të na ofrojë një takim me kitaristë me famë botërore dhe grupe të reja me muzikantë të talentuar nga vende të..
Toma Zdravkovin e njohim si një nga zërat më karakteristikë të rokut bullgar. Pas një periudhe të ngopur me pjesëmarrje në formate televizive, ai sërish është angazhuar aktivisht në krijimin e këngëve të reja. Pasi prezantoi “Përpara” dhe “Mbresat..
Fyelltari i njohur Teodosij Spasov sot në mbrëmje në Gjenevë të Zvicrës do të mbajë koncertin me titull “Emocionet ballkanike”. Pranë tij në skenë do..