Konkursi ndërkombëtar për pianistë dhe violinistë takoi përsëri profesionistë nga mbarë bota në Shumen – qyteti me të cilin është lidhur fëmijëria e hershme e kompozitorit të madh bullgar Panço Vlladigerov. Gara zhvillohet në çdo dy vjet që nga viti 1986. Në fillim konkursi ishte vetëm për pianistët. Pas krijimit të fondacionit “Panço Vlladigerov” në vitin 1993 u përfshi edhe konkursi për violinistët. Kryetari i fondacionit është violinisti dhe pedagogu i njohur prof. Minço Minçev. Ai është gjithashtu kryetari i jurisë, e cila i vlerëson violinistët.
Sivjet ndër kandidatët e rinj kishte përfaqësues të Bullgarisë, Rusisë, Gjeorgjisë, Ukrainës, Japonisë, Tajvanit, madje të Australisë. Konkursi filloi më 29 prill, kurse më 8 dhe 9 maj u shpallën laureatët.
Ja se si duket ngjarja nga këndvështrimi i dy grave të njohura në botën e muzikës klasike, përfaqësuese të jurisë ndërkombëtare – prof. Eliso Virsaladze dhe prof. Stojka Millanova.
Prof. Elisa Virsaladze është pedagoge në Konservatorin e Moskës që nga viti 1967 dhe në Universitetin për Muzikë dhe Art Interpretimi në Munih nga viti 1995. Ja se çfarë tha ajo për Radio Bullgarinë:
“Është mirë se ky konkurs i ka traditat e veta. Mendoj se ai do të vazhdojë të zhvillohet edhe në të ardhmen dhe do të arrijë një nivel edhe më të mirë. Kam qenë në Bullgari shumë herë, por kjo është pjesëmarrja ime e parë si anëtare e jurisë ndërkombëtare në Shumen. Jam shumë e lumtur, gjithçka është shumë e bukur. Megjithëse janë relativisht pak, pjesëmarrësit ishin shumë të mirë dhe treguan vetitë e tyre të shkëlqyeshme. Më bënë një përshtypje shumë të mirë muzikantët e rinj nga Bullgaria, Rusia, Ukraina. Mund të them se të gjithë u paraqitën mrekullueshëm. Kuptohet, po njoh shumë pianistë bullgarë. Të gjithë i dinin emrat e Aleksis Vajsenbergut dhe të Jurij Bukovit – ata janë nga brezi më i vjetër. Në shumë konkurse kam dëgjuar Evgeni Bozhanovin – një muzikant i talentuar, i uroj atij shumë suksese. Ndër violinistët nuk mund të mos përmendë Stojka Millanovën dhe Minço Minçevin – interpretues dhe pedagogë të shkëlqyeshëm. Më në fund desha të them se e dua shumë vendin tuaj dhe gjithmonë gëzohem kur të jem këtu.”
Profesoresha Stojka Millanova është interpretuese dhe pedagoge e violës që prej shumë vitesh. Ja se si ajo i përgjithësoi përshtypjet e veta nga konkursi:
“E pranova ftesën për t’u bashkuar me kolegët me një gëzim të madh. I falënderoi organizatorët, kryetarin e bashkisë së qytetit Shumen dhe ekipin e tij. Sivjet në garën e violinistëve kishte pjesëmarrës nga vende të ndryshme – Koreja, Lituania, Japonia, Turqia, Gjeorgjia, Hungaria. Për fat të keq shënuam faktin se mungojnë përfaqësues të Bullgarisë. Shumica e këtyre të rinjve bëjnë studime te profesorë të njohur bullgarë në konservatore dhe universitete të ndryshme në botë dhe tregojnë arritje të mira. Niveli i përgjithshëm ishte shumë i lartë. Një risi në organizatë është përfshirja e dy orkestrave në finale. Violinistët interpretojnë koncerte të Bahut
Juria për interpretimet e violinistëve dorëzoi gjithsej gjashtë çmime. Në vend të parë u klasifikua Kana Egashira nga Japonia.
Përgatiti në shqip: Vesella Mançeva
Nga grupi “Mary Boys Band” thonë se këtë vit vera do të zgjasë deri më 25 tetor - sepse koncerti i tyre tradicional, në të cilin këndojnë refrenin ikonik "Vera po shkon, vjeshta po vjen ", do të mbahet më 25 tetor në Sofje dhe do të shënojë fillimin e..
Grupi “Ostava” e ka bërë traditë që në fillim të shtatorit të festojë ditëlindjen me një koncert në “Majmunarnika” – një vend i njohur në qendër të Kopshtit të Borisit në Sofje. Këtë vit tradita vazhdon me një takim me publikun në datën 11..
Autor i muzikës, tekstit dhe aranzhimit është Dimitër Bodurov, një burrë nga një vendbanim i vogël që u vendos për të jetuar në qytetin Stara Zagora disa kohë më parë. Si një dashamirës i muzikës që në fëmijëri, ai regjistroi të gjitha këngët e tij..
Fyelltari i njohur Teodosij Spasov sot në mbrëmje në Gjenevë të Zvicrës do të mbajë koncertin me titull “Emocionet ballkanike”. Pranë tij në skenë do..