Mes incizimeve të reja në fondin e Radios Kombëtare Bullgare janë ato të këngëtares së njohur popullore Kalinka Zgurova dhe të kolegut të saj të ri Llazar Nallbantov. Përfaqësues të brezave të ndryshme ata interpretojnë shembuj të shkëlqyer nga krahina e vet e lindjes – Stranxha. Aranzhimet janë të bëra nga Tasho Barullov kurse shoqërimi është i Orkestrës për Muzikë Popullore pranë Radios Kombëtare Bullgare me dirigjent Dimitër Hristov.
Një soliste shumëvjeçare e Korit “Misteri i zërave bullgarë”, Kalinka Zgurova ka në repertorin e vet qindra këngë popullore. Më shumë se dhjetë vjet ajo merret dhe me mësimdhënie, kurse përmes fondacionit “Kënev-Zgurova” ndihmon këngëtarë të rinj e të talentuar.
“Kam lindur në qytetin Burgas, e prezanton veten Llazari. Aty mësova në klasën e muzikës në shkollën e përgjithshme “Dobri Çintullov” në klasën e Penka Petrovës. Asaj i dedikoj shumë, ajo më formoi si interpretues. Një përvojë të pazëvendësueshme fitova dhe si pjesëmarrës në formacionin folklorik të fëmijëve “Trakasit”. Nën drejtimin e Ina Matevës aty u rritën dhe kolegë të tjerë të rinj si Stojan Fiziev, Radostina Jovkova, e të tjerë. Kam një album me gjashtë incizime të kolegut tim Petko Jangjozov. Me të punojmë bashkë dhe tani. Kemi orkestër, vazhdimisht paraqitemi nëpër koncerte e festivale. Këngët e mia janë nga krahina folklorike e Stranxhës, më saktë nga pjesa lindore e malit Stranxha. Që andej janë dhe rrënjët e mia fisnore. Meloditë e para i mësova nga gjyshja ime – një këngëtare shumë e mirë. Kam mësuar shumë dhe nga këngëtarët shembullor popullor nga krahina e Stranxhës si Gjeorgji Pavllov, Magda Pushkarova, Janka Rupkina, Kalinka Zgurova. Të gjithë vërsnikëve të mi ju rekomandoj përzemërsisht të mësojnë repertorin e brezave të këngëtarëve përpara tyre . Ka dhe shumë përmbledhje me këngë popullore , të cilat akoma nuk janë dhe aq shumë të njohura. Të mos të flasim sesa e pasur është fonoteka e Radios Kombëtare Bullgare me incizime të folklorit autentik. Për shembull dy nga këngët, të cilat tani po i prezantojmë, janë nga tubimi në Gramatikovo , të dokumentuar prej ekipeve të medies suaj. Kurse “Kush troket, o moj Donke” e kam shkruar nga një grua të moshuar, por e përshtata në bazë të zërit tim.
Përgatiti në shqip: Nataniela Vasileva
Eva Bel dhe Emin, të cilët janë partnerë në skenë dhe kanë shfaqje së bashku, së fundmi kanë incizuar këngën e tyre të përbashkët "Unë kam gjithçka". Emin Al-Xhunejd e njohim nga pjesëmarrja e tij në Konkursin Kombëtar të Këngës Argëtuese..
Tashmë katër dekada, grupi “Atllas” na ofron muzikën e tyre. Kënga e tyre e fundit me titullin "O-oooh!" është dinamike, me një tingull karakteristik të stilit new wave dhe një linjë melodike. Kënga është singëli i dytë nga albumi që “Atllas”..
Angell Prodanov - Aço është gati 30 vjeç, dhe ndonëse që në fëmijëri luan piano dhe studion solfezh, ai ka rreth shtatë vjet që merret me muzikë profesionalisht. Ka marrë pjesë në disa programe televizive dhe në vitin 2020 në “Zëri i Bullgarisë”..
Fyelltari i njohur Teodosij Spasov sot në mbrëmje në Gjenevë të Zvicrës do të mbajë koncertin me titull “Emocionet ballkanike”. Pranë tij në skenë do..
Një takim interesant të folklorit bullgar dhe autorësisë bashkëkohore ofron kënga e këngëtares Radostina Jovkova "Ti erdhe", për realizimin e së..