Ansambli përfaqësiv folklorik “Lugina e Trëndafilit” nga qyteti Karllovo fitoi dekoratën e madhe në njërin prej festivaleve më prestigjioze evropiane “Impresione muzikore në Bidgoshç” të Polonisë. Në programin e konkursit grupi bullgar morri pjesë në një konkurrencë me 19 grupeve muzikore dhe të vallëzimit prej 11 shteteve nga Evropa, Azia dhe nga Afrika e Jugut.
“Festivali ndërkombëtar, organizuar nga Qendra e Rinisë në qytetin Bidgoshç ofron mundësi për takim të talenteve nga e gjithë bota, tregon sukseset e tyre në sfera të ndryshme të arteve dhe të kulturës – tregon Mirosllav Vasilev, drejtues dhe koreograf i ansamblit “Lugina e trëndafilit”. – Pjesëmarrësit i vlerësonte një juri eksperte me përfaqësues nga vendi-mikpritës dhe ShBA. Ansambli ynë fitoi dekoratën e madhe të Festivalit të 38 Ndërkombëtar në Bidgoshç për arritje më të larta artistike.”
Me çfarë repertori janë prezantuar bashkatdhetarët tanë në forum, mësojmë nga Mirosllav Vasilev: “Në skenat e festivaleve ansambli “Lugina e Trëndafilave” tregoi një program muzikor të vallëzimit nga Trakia, nga Sredna goraja dhe nga Shoplluku. Shoqëronte orkestra popullore e studentëve nga akademia muzikore e Plovdivit, solistë të ansamblit “Trakia”. Këngëtarja Diana Dimitrova, laureat i konkursit “Talentë të rinj folklorikë” të Radios Kombëtare Bullgare, prezantoi veçoritë e të kënduarit të lashtë folklorik nga të dy regjionet specifike dialektike – të Pazarxhikut dhe të Graovos.
Një kusht i detyrueshëm për pjesëmarrësit në programin e konkursit të festivalit ishte një interpretim të një kënge polake. Muzikantët bullgarë e tronditën jurinë dhe publikun me këngën tradicionale “Kukuviçka” (Kukuvajka), e njohur nga repertori i ansamblit shtetëror polak “Mazovshe”. Solistë ishin Dimitër Stoillov, Diana Dimitrova dhe Pepa Mileva në shoqërim të orkestrës së grupit. Në gala koncertin përfundimtar, të zhvilluar në “Opera Nova” – një nga teatrot më moderne muzikore në Poloni, ansambli paraqiti shfaqjen vallëzuese “Festë në luginën e Trëndafilit” në bazë të koreografisë të Dimitër Dojçinovit dhe muzikë të profesorit Asen Diamandiev.”
Këtu është vendi të shënojmë se, shfaqja rikrijon momente nga vjelja e trëndafilave karakteristike për krahinën. Atëherë zhvillohet “Festa e trëndafilit” emblematike për rilindjen Karllovo, që rregullisht shënohet në qytet pas fundit të Luftës së Parë Botërore.
“Ansambli “Lugina e trëndafilit” nga qyteti Karllovo denjësisht vazhdoi traditën e grupeve bullgare të jenë fitues me standarde më të larta artistike mes të gjithë pjesëmarrësve në këtë festival prestigjioz ndërkombëtar”, tregon menaxherja artistike Janka Doçeva. Kurse drejtoresha e shkollës muzikore në qytetin Kotell – znj. Maria Gradeshlieva shton: “Për festivalet në Poloni bullgarët janë një dukuri. Juria është ndërkombëtare, që edhe më shumë e forcon vlerën e këtyre dekoratave.” Gjatë kohës së qëndrimit të vet në qytetin Bidgoshç, valltarët dhe muzikantët nga ansambli “Lugina e trëndafilit” u takuan me komunitetin bullgar në qytet.
Përgatiti në shqip: Nataniela Vasileva
"Fyelli është një instrument që ka tingëlluar gjithmonë rreth meje që nga fëmijëria. Mbaj mend mbledhjet familjare në Stara Zagora çdo të shtunë, në ditë me raste dhe në ditë pa raste, dhe atëherë gjithmonë këndohej" - ja çfarë na tregon Dimitër..
Kompozitori Josif Cankov, i cili ka punuar nga fillimi i viteve 1930 deri në vitin 1971, jo rastësisht quhet Patriarku i muzikës bullgare. Ai është autor i mbi 500 veprave - opereta, tanga, hite, muzikë për filma, me të cilat me dekada ka..
Në skenën e madhe të edicionit të katërt të "Midalidare - Rock in the Wine Valley" nga data 12 deri në 14 korrik në fshatin Mogillovo, përkrah titullarëve DEEP PURPLE, MR. BIG dhe ACCEPT do të kenë shfaqje akoma 13 grupe nga jashtë, duke përfshirë..