Moti i nxehtë “torturon” qindra njerëz në Evropë në këtë periudhë të vitit. Aktualisht vala e nxehtë ajrore e ka pushtuar Ballkanin. Në Bullgari temperaturat e larta janë të rrezikshme sidomos për njerëzit me tension të lartë të gjakut, por për shumicën prej nesh ato thjeshtë shkaktojnë bisedime rreth kësaj teme, si për shembull moti me shi, që është një temë e zakonshme në Britaninë e Madhe. Temperaturat e larta madje u bënë shkas për t’u treguar anekdota.
Mirëpo, shakatë nuk kanë të bëjnë me punën e tensionuar të sinoptikëve. Parashikimet e tyre bazohen te një punë shumë e tensionuar shkencore dhe vëzhgime serioze të dukurive atmosferike. Sipas meteorologëve bullgarë moti i nxehtë do të vazhdojë edhe gjatë disa ditëve në vijim. Në disa vise temperatura do të arrijë plus 42 gradë Celsius. Na paralajmërojnë se mund të vëzhgohet një dukuri interesante – vorbull ere, diçka tipike gjatë periudhave më të nxehta të vitit. Ndërkaq, temperaturat rreth 40-42 gradë Celsius nuk janë të zakonshme në Bullgari. Temperatura më e lartë e matur dikur në Bullgari është +45,2 gradë Celsius gjatë verës së vitit 1916 në qytetin Sadovo. Megjithatë rekordi bullgar nuk mund të krahasohet me atë botëror. Temperatura më e lartë e matur deri tani në botë është në SHBA dhe më konkretisht në Luginën e Vdekjes – 57 gradë Celsius në vitin 2013.
Për fat të mirë në Bullgari nuk ka Luginë të Vdekjes, por ka një fshat në Bullgarinë Lindore. Emri i tij nuk është i rastit – Sllënçevo, domethënë Fshati i Diellit. Ja se çfarë thotë Anastasia Kirillova, sinoptike në Institutin Kombëtar të Hidrologjisë dhe Meteorologjisë në Sofje:
“Aktualisht ne jemi në qendër të valës së nxehtë. Deri tani temperaturat më të larta ishin 38 gradë Celsius. Megjithëse nuk ka rekord të temperaturës, gradët janë mbi normë. Moti është i nxehtë dhe do të mbetet i tillë edhe gjatë ditëve në vijim. Kod të gjelbër për shkak të temperaturave të larta shpallim po të priten temperatura nga 35 deri më 38 gradë Celsius në brendësinë e vendit dhe nga 31 deri më 33 gradë në bregdet. Kod me ngjyrë portokalli shpallim po të ketë temperatura nga 38 deri më 41 gradë Celsius ose për një periudhë më të vazhdueshme me temperaturë mbi normë. Ka të ngjarë që gjatë ndonjë prej ditëve në vijim deri në fund të muajit të shpallet paralajmërim për shkak të nxehtësisë. Gjithmonë kur të jemi në të hapur, nën ndikimin direkt të rrezeve të diellit, në fakt ne jemi të rrezatuar nga drita ultravjollcë. Në motin e nxehtë është mirë të jesh në hije, të pish më shumë ujë dhe lëndë të tjera dhe t’u shmangemi orëve më të nxehta. Është fakt se po vëzhgohet rritje e temperaturës së atmosferës tokësore dhe gjatë vitit të fundit kjo rritje është me 0.9 gradë. Sipas parashikimeve popullore ditët më të nxehta janë në fund të korrikut dhe gjatë gjysmës së parë të muajit gusht. Ky është një fakt, që ripohohet edhe nga shkenca. Sipas besimeve popullore këto ditë nuk duhet të piqet bukë, të ndizet zjarr dhe të kryhet punë shtëpiake.”
Përgatiti në shqip: Vesella Mançeva
Fotografi: BGNES dhe BTA
Bullgaria i bashkohet konsorciumit evropian të qendrave kombëtare për trajtimin e kancerit. Para BNR-së, dr. Asja Konsullova theksoi se për këtë është punuar për shumë vite, “sepse pacienti bullgar meriton të trajtohet në një qendër kanceri dhe në..
Bullgarët janë të vetëdijshëm për shkaqet dhe pasojat e ndryshimeve klimatike. Por ata janë të painformuar për kundërmasat. Këtë e tregojnë të dhënat për vendin, nga sondazhi i fundit i 6-të radhazi i klimës i Bankës Evropiane të Investimeve...
Në një seri materialesh do t'ju tregojmë për vizat që kërkohen për qëndrim dhe kalim tranzit përmes Bullgarisë, si dhe për qytetarët e të cilave shtete kanë nevojë për to. Siç dihet, nga 31 mars 2024, Bullgaria është pjesë e zonës Shengen nga ajri dhe..
Java e parë e Shkollës Verore të Gjuhës dhe Kulturës Bullgare në Fakultetin e Gjuhëve të Huaja në Universitetin e Tiranës u mbyll me sukses. Ajo ishte..
Shkolla bullgare e së dielës në Edrene filloi aktivitetet e saj edukative në vitin 2017 me një kurs të gjuhës bullgare për fëmijë nga komuniteti i..
Parlamenti Evropian është në prag të krijimit të një familjeje të re politike të formuar nga e djathta ekstreme në një kohë kur e majta po i jep një..