Sipas traditës në fund të korrikut fshati i malit Rodopa Ravnogor, në afërsi të qytetit Bracigovo, është mikpritës i disa festave – “Nabora” ose “Rekruti”, një Festival i Vogël Folklorik, ndërsa që nga viti i kaluar i Festivalit të Gajdeve. Të gjitha ato festa janë të shoqëruara me valle dhe me muzikë popullore. Ato tërheqin shumë adhurues bullgarë dhe të huaj të folklorit. “Rekruti” është një traditë interesante vendore, që praktikohet aty më se 100 vjet. Ai iu kushtohet djemve, që kanë mbushur 18 vjet. Në të kaluarën të rinjtë e fshatit bashkë organizoheshin mbrëmjet e lamtumirës, para se të shkojnë rekrutë gjatë vjeshtës. Tek ne që prej vitesh u hoq shërbimi i detyrueshëm ushtarak. Megjithatë në fshatin Ravnogor vazhdojnë ato mbrëmje rinore. Për këtë aktivitet Bashkia e Fshatit siguron një flamur special të qëndisur për rastin dhe trengjyrëshin kombëtar bullgar. Djemtë e veshur me këmisha të bardha hedhin një valle të madhe, në të cilën kërcejnë të gjithë banorët e fshatit dhe miqtë e ardhur nga afër dhe nga larg.
“Ditën e premte dhe të shtune, më 24 dhe 25 korrik – rrëfen ajo. – Në fshatin Ravnogor do të tingëllojë vetëm muzikë popullore nga krahina e Rodopeve në Festivalin “Rekruti”. Ato dy ditë hiqen valle të mëdha dhe të gjithë kërcejnë në to. Kjo është një festë magjepsëse. Ditën e Shtune është Festivali i Gajdeve në rajonin përreth kishës së vogël “Shën Ilija”. Kushti i vetëm për pjesëmarrje është që gajdexhinjtë t’i bien kaba gajdes së Rodopeve. Vijnë ekzekutues nga tërë krahina folklorike. Ditën e diele më 26 korrik është koncerti i të dekoruarve. Zakonisht ai organizohet në qendrën e fshatit. Po atë ditë është edhe Festivali, të cilin e organizojmë bashkë me bashkëshortin herën e tretë me radhë. E quajtëm “Festival i Vogël i Miqësisë”. Në të përfshihen shumë të huajë adhurues të folklorit bullgar, si dhe të gjitha grupet vendore, që shfaqin dëshirë të bëhen pjesë e kësaj feste. Një përparësi kanë fëmijët. Sivjet parashikojmë, që festivali të hapet me një interpretim të një vashe 8-vjeçare, mbesa e një këngëtare nga fshati Ravnogor. Stërgjyshja e kësaj vajze Marija Madarova na ka zbuluar afro 20 kryevepra të folklorit bullgar. Këtu është vendi të them, se bashkë me bashkëshortin prej vitesh mbledhim folklorin vendor. Udhëtojmë me po këtë qëllim edhe në Hungari dhe Rumani. Të gjitha materialet e grumbulluara i botojmë në sajtin tonë. Kështu mendojmë, se më shumë adhurues të folklorit autentik do të kenë qasje me këngët popullore, me meloditë dhe vallet. Tani në Ravnogor ka një grup nga Suedia. Ata janë njerëz adhurues të muzikës popullore bullgare. Në Stokholm kemi një Shoqatë Kulturore Bullgare dhe pranë saj ka dhe një grup valltarësh, një shkollë të së dielës dhe një formacion të vogël këngëtarësh. Unë e udhëheq të gjitha ato veprimtari. Me vajzat dëgjojmë këngët, të cilat i mbledhim gjatë verës kryesisht në fshatin Ravnogor. Pas kësaj mësojmë këngët, të cilat na pëlqejnë më shumë. Marrim pjesë në aktivitete të ndryshme të organizuara nga Shoqata Kulturore Bullgare dhe nga Ambasada e Bullgarisë. Gjatë verës ftojmë miqtë tanë suedezë të vijnë të pushojnë me familjet në Bullgari. Vijnë dhe shumë bullgarë me banim jashtë shtetit. Ata dëshirojnë, që fëmijët e tyre të njihen me Bullgarinë, të zbulojnë natyrën e egër dhe folklorin unik. Dhe mendoj, se fshati Ravnogor është një vend shumë i përshtatshëm për këtë.”
Përgatiti në shqip: Svetllana Dimitrova
E reja Zhaklin Tarakçi ka kënduar që e vogël dhe tashmë ka grumbulluar çmime të shumta, por popullaritetin e ka fituar më së shumti si fituese e "Zërit të Bullgarisë" 2022. Singli i saj debutues "Kakao" është krijuar nga ekipi i producentit Igor..
Plovdiv Jazz Summer - programi veror i një prej festivaleve më të mëdha të xhazit në vend, Plovdiv Jazz Fest, filloi në mes të korrikut. Festivali vazhdon me tre koncerte në kinemanë verore "Orfeu" në Plovdiv dhe një koncert spektakolar falas në..
Nga data 3 deri më 10 gusht, Bansko do të jetë xhaz për herë të 27-të. Bansko Jazz Festival do t'i kthejë sheshet, rrugët, parqet dhe restorantet në qytetin malor në një skenë të madhe live. Programi i pasur përfshin 135 interpretues nga..
Sonte mbyllet sezoni i nëntë i Operës Verore "Skena e Shekujve" 2024, një forum i madh muzikor i Komunës së Veliko Tërnovës. Dy muajt e fundit u ofruan..
“Mbrëmjet ballkanike” është një nismë që mbahet nga 5 deri më 8 shtator në Pitsbërg të Pensilvanisë, SHBA. Veprimtaria fillon sonte me punëtorinë..