Më 2 gusht Teatri Antik në Plovdiv do të takojë artistë të tanishëm dhe ish artistë, të cilët kanë qenë pjesëmarrës në ansamblin “Trakia”. Pritet që të jenë të pranishëm edhe qindra miq dhe adhurues besnikë të ansamblit, të cilët do të mbërrijnë nga pika të ndryshme të tërë botës. Koncerti titullohet “Takimi i brezave”.
Pavarësisht nga emri i vet Ansambli “Trakia” paraqet muzikë dhe valle nga të gjitha fushat folklorike të Bullgarisë. Ai ka pasur pjesëmarrje në më shumë se 50 vende – Franca, Belgjika, Gjermania, Japonia, India, Meksika... Që nga viti 1997 udhëheqëse kryesore artistike është prof. Daniella Xheneva, bija e themeluesit, valltarit dhe koreografit në ansamblin “Trakia” që nga viti 1978. Nga ajo mësuam më shumë hollësi për koncertin e ardhshëm:
“Morëm vendim që të festojmë rreth datës 5 shtator. Atëherë u zhvillua premiera e parë në historinë e ansamblit para katër dekadash në vitin 1975. Shpresojmë se me të vërtetë ky do të jetë një takim i brezave. Shumë prej kolegëve tanë janë shpërndarë në disa kontinente. Ata mbërrijnë në vendlindjet e tyre verën dhe që prej shumë kohe ngulnin këmbë për t’u zhvilluar një aktivitet i tillë gjatë kësaj periudhe të vitit. Data e zgjedhur është para Tubimit Folklorik Kombëtar në Koprivshtica, të cilin do ta vizitojnë shumë prej nesh. Presim me gëzim të madh që të mblidhemi të gjithë – ish pjesëmarrësit dhe ata të tanishëm, si shenjë respekti ndaj atyre të cilët e kanë krijuar autoritetin e ansamblit. Dhe jo në vend të fundit – t’u dhurojmë një festë të bukur adhuruesve dhe vetë neve.”
Koncerti “Takimi i brezave” do të fillojë në orën 20.30 dhe është falas për të gjithë.
Përgatiti në shqip: Vesella Mançeva
Fotografi: trakia-ensemble.org
Fshati nënballkanik Turija mirëpret mbi një mijë pjesëmarrës në lojërat e maskaradës "Pleqtë në Turija". Në edicionin e sivjetshëm të festivalit më 30 mars do të marrin pjesë 28 grupe me kukeri (njerëz të maskuar) nga e gjithë Bullgaria. Çdo vit..
"Në një rajon të gjerë në Bullgarinë Veriore, kalorësi Shën Theodhor perceptohet si një personazh djallëzor. Përkufizimet popullore për të janë si më poshtë: një shenjtor vampir, përbindësh ose goblin... Ai vizitonte festat e beqarëve, të cilat ishin të..
Martenica (verorja) është një nga simbolet e Bullgarisë - konsiderohet si një pararojë e pranverës dhe largimit të errësirës. Çdo vit më 1 mars, edhe larg atdheut, ne bullgarët i zbukurojmë të afërmit dhe miqtë tanë me fijet e përdredhura të bardha e të..