Dekada me radhë fshati Kirkovo, si vendbanimet e tjera kufitare në Rodopet Lindore, sikurse ishte harruar në fund të Bullgarisë. Por pas hapjes së pikëkalimit kufitar Makaza-Nimfea para dy vitesh, situata ndryshoi rrënjësisht. Tani përmes fshatit kalon rruga e re, e cila na çon drejtpërsëdrejti në vendpushimet greke, kurse Kirkovo ndodhet mu në këtë rrugë. Kështu fshati i dikurshëm i braktisur u shndërrua në një vendbanim të gjallëruar. Çdo ditë qindra automjete ndalojnë këtu. Njerëzit duan të çlodhen pak këtu para se të nisen për Detin Mesdhe, të blejnë diçka për të ngrënë, të mbushin veturën me lëndë djegëse. Nga ana tjetër grekët vijnë këtu, që të bëjnë pazar dhe të pushojnë në lokalet vendase. Disa prej tyre mbeten për një kohë më të gjatë, ka madje të tillë, të cilët heqin dorë nga vendpushimet greke dhe mbeten në Kirkovo deri në fund të pushimeve.
Në Kirkovo nuk ka monumente madhështore. Fshati, i cili ndodhet rreth 10 kilometra larg pikës së kalimit kufitar, nuk ka plazh detar, por ka lumë. Fshati nuk ndodhet buzë kodrave malore, të ndara nga pistat e skive. Përkundrazi, ai është zhytur ndër kodrat e ulëta të Rodopeve Lindore – një territor ende i panjohur për turistët. Fshati nuk disponon komplekse elitare të tipit all inclusive, saune dhe pishina, por ka disa hotele familjare, të cilat ofrojnë mundësi për turizëm fshatar. Atraksioni më i madh i fshatit është baza e hipizmit. Që ta praktikojnë këtë sport nëpër kodrat e Rodopeve, në rajon mbërrijnë jo vetëm bullgarë, por edhe turistë nga Greqia fqinje, ku hipizmi është shumë i shtrenjtë.
“Aktualisht disponojmë 12 kuaj, si dhe një manezh për ta praktikuar kalërimin në të hapur, por kemi plane për ta zgjeruar veprimtarinë tonë. Për këtë qëllim do të kandidojmë për financim në kuadrin e programit evropian” – thotë Vlladimir Ivanov – pronari i bazës dhe prind krenar i katër fëmijëve. Ai na shpjegoi gjithashtu se shpreson shumë tek instruktori i tyre i hipizmit, i cili ka disa certifikata të ndryshme ndërkombëtare dhe punon shkëlqyeshëm. Ka nevojë për të paktën 2 vjet për trajnimin e kuajve, kështu qe të mund të zbatojnë komanda të ndryshme. Është me rëndësi të madhe edhe natyra e kalit. “Përpiqemi që ata të jenë me temperament të butë, që të mos ketë situata të paparashikuara” – shton bashkëfolësi ynë.
Por jo vetëm kuajt e bukur dhe hotelet e mira vendase i tërheqin këtu turistët. Del se ky kënd i largët malor i ka pasuritë e veta të fshehta. Disa prej tyre janë përfshirë në një seri itineraresh për hipizëm.
“Aktualisht kemi 14 itinerare të organizuara, i restaurojmë mullinjtë, i forcojmë urët e vjetra të kohës romake, kushte qe kuajt të kenë akses te të gjitha këto kuriozitete – thotë Vlladimir Ivanov. – Rajoni ynë disponon pasuri të ndryshme natyrore. Kemi një ciceron, i cili i shoqëron kalorësit dhe i njeh me atraksionet vendase. Organizojmë shëtitje më të ndryshme në fshat, disponojmë automjete për ata turistë, të cilët duan të shëtitin, por nuk dëshirojnë të ngasin kalin.”
Përveç bullgarëve dhe grekëve, që të merren me hipizëm në malet bullgare, në Kirkovo mbërrijnë gjithashtu rumunë, serbë dhe madje amerikanë. Ja akoma hollësi për atraksionet turistike, të cilat i tërheqin vizituesit e rajonit:
“Natyra në Kirkovo është unikale, ajri – gjithashtu. Kemi kuriozitete natyrore, formime shkëmbore etj – thotë bashkëbiseduesi ynë. – Këtu mund të shihet jeta autentike e njerëzve nga përpara 200 vitesh. Për shembull mund të shihet se si dikur në katin e parë kanë jetuar kafshët, kurse në atë të dytë – njerëzit. Këto vendbanime të vjetra tashmë flenë gjumë, tashmë askush nuk banon atje, por ato fshijnë një magji të pashpjegueshme. Në pjesën e tij më të lartë mali paraqet panorama unikale rreth 100 km në largësi. Bashke me kuzhinën vendase dhe produktet e pastra ekologjike, rajoni tërheq gjithnjë e më shumë vizitues bullgarë e të huaj në fshat.”
Përgatiti në shqip: Vesella Mançeva
Fotografitë janë ofruar nga Baza e Kuajve “Lina”
Arkeologia dhe udhëtare e njohur Prof. Bethany Hughes nis një udhëtim emocionues nëpër Bullgari në episodin e ri "Thesaret me Bettany Hughes", i cili u transmetua në ditën festive të 24 Majit në kanalin Viasat History. Episodi u prit me..
Gjëja e parë që bën përshtypje në fshatin Garvan janë shtëpitë e bukura dhe shumë të mirëmbajtura në stilin vendas tipik për rajonin e Dobruxhës të Bullgarisë Verilindore. Fshati ndodhet në zemër të "Hambarit të Bullgarisë" jo shumë larg qytetit..
Nga 15 maj nis zyrtarisht fushata “Shtëpia më e Mirë Malore e Vitit”. Në këtë aktivitet do të shpallen shtëpizat dhe strehimoret e nominuara në programin e konkurrimit dhe ato të propozuara për mbështetje financiare dhe përmirësime të infrastrukturës...
Vendpushimi “Albena” në bregdetin veriore bullgar festoi përvjetorin e tij me 11 mijë turistë, njoftoi BTA. Shumica e të ftuarve janë nga Gadishulli..