Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Në ujërat e thella të Detit të Zi shkencëtarët kërkojnë burime të reja energjetike

БНР Новини
Foto: BGNES

Një ekip shkencëtarësh arriti të prodhojë energji elektrike nga hidrogjeni sulfurik që është karakteristik për ujërat e thella të Detit të Zi. Zbulimi u solli shpresë shpikësve, të cilën kërkonin një burim të ri ekologjik të energjisë. Mundtë ndodhë se hidrogjeni sulfurik, i cili nuk lejon zhvillimin e jetës në 90 për qind prej ujërave të Detit të Zi,është tepër i çmueshëm si një burim ripërtëritës i energjisë me dobi për ekonominë.

Në këtë është i bindur profesori Venko Beshkov nga Instituti i Kimisë Inxhinierie në Sofje. Ai është udhëheqës i eksperimenteve, në të cilët marrin pjesë shkencëtarë nga Gjermania, Rumania dhe Instituti i Kimisë, i Inxhinierisë dhe i Oqeanologjisë pranë Akademisë Bullgare të Shkencave. Sipas shkencëtarëve resurset e hidrogjenit sulfurik në Detin e Zi llogariten në afro 4.5 miliard tona. Kjo përbën përafërsisht 10 -12 teravatëorë për vit. Studimet tregojnë, se sasitë e hidrogjenit sulfurik, që formohen në det për një vit janë 10 herë më të larta se sa sasitë e gazit natyror, të cilin Bullgaria importon si ekuivalent energjetik.

“Nuk pritet efekti i serrave në përpunimin e ujit detar – shpjegon profesori Beshkov. –Ideja është, që energjia e hidrogjenit sulfurik që përmbahet në ujërat e thella të Detit të Zi të shndërrohet në energji elektrike. Krijuam një konstruksion origjinal i një qelize të karburantit, e cila shfrytëzon hidrogjenin sulfurik për djegien, ndërsa për oksidim – oksigjenin e ajrit. Vet ideja për një teknologji të një përpunimi të tillë i përket Institutit. Mbi të punojmë më se katër vitesh. Gjatë eksperimenteve në det sondat e Anijes “Akademik” arritën në një thellësi 1 mijë metrash, ku përqendrimi i hidrogjenit sulfurik është mjaft i lartë. Zbuluam se provat me ujin detar janë më të suksesshme, se sa ato që bëmë në kushte laboratorike. Që prej vitesh shkencëtarë bullgarë dhe rusë kanë ide për nxjerrjen e energjisë nga uji detar. Qëllimi i tyre ishte shpërbërja e hidrogjenit sulfurik në elementet përbërëse. Mirëpo, kjo çoi deri në një shpenzim të tepruar të energjisë dhe në lëshimin e një sasie të madhe të mbeturinave nga squfuri. Shpikja jonë kërkon një shpenzim disa herë më të ulët të energjisë se sa atë të cilën e nxjerrim në fund. Tani kemi për qëllim të arrijmë një kapacitet më të lartë të energjisë së prodhuar. Vetëm atëherë shpikja do të provokojë interesin e investitorëve. Synojmë të shtojmë shpresëdhënësin e materialeve dhe mekanizmave, të cilët i shfrytëzojmë në qelizën e djegies. Në fakt kërkojmë më të mirat për shfrytëzim në praktikën e gjerë. Shpresojmë, se brenda dy viteve do të arrijmë të disponojmë një impiant në det dhe do të jemi në gjendje t’u sigurojmë vendbanimeve bregdetare energji elektrike. Kemi për qëllim të kontribuojmë për arritjen e bilancit energjetik të Bullgarisë. Tani për tani u gëzojmë përkrahjes dhe simpatisë së kolegëve shkencëtarë. Ata interesohen dhe ndjekin me vëmendje realizimin e projektit tonë.”

Përgatiti në shqip: Svetllana Dimitrova



Последвайте ни и в Google News Showcase, за да научите най-важното от деня!

Më shumë nga rubrika

Hungaria merr presidencën e BE-së: çfarë axhendesh do të formojë në gjashtë muajt e ardhshëm dhe a priten kompromise në disa nga linjat kryesore politike të Bashkimit

Hungaria mori presidencën në një moment kyç për Bashkimin Evropian, por edhe mes frikës se vendi do të bllokonte ose vononte çështje të rëndësishme të politikës së jashtme dhe të sigurisë që kërkojnë unanimitet. Vendi, i udhëhequr..

botuar më 24-07-03 9.19.MD
Shkolla Verore e Gjuhës Bullgare

Filloi Shkolla Verore e Gjuhës Bullgare në Tiranë

Ditën e djeshme filloi Shkolla Verore e Gjuhës Bullgare e cila do të zhvillohet në auditoret e Fakultetit të Gjuhëve të Huaja të Universitetit të Tiranës në periudhën 1-25 korrik 2024 . Kjo shkollë verore, e para dhe e vetmja e këtij lloji,..

botuar më 24-07-02 11.35.PD

Specialistët e filologjisë franceze në vendin tonë kanë mundësi të mira për realizim profesional

Traditat frankofone në Bullgari kanë një histori të pasur që daton që nga epoka e Rilindjes Kombëtare Bullgare. Edhe atëherë, kultura dhe gjuha franceze respektoheshin tek pjesa më e arsimuar e shoqërisë sonë si bartëse e vlerave evropiane. Dhe në..

botuar më 24-07-02 7.10.PD