Bateristi Illko Petrov që prej kohe jeton në Regensburg të Gjermanisë. Ai u vendos aty për shkaqe ekonomike në fillim të viteve 90-të të shekullit të kaluar. Megjithëkëtë ai mban lidhjen me kolegët e tij bullgarë. Krahas kësaj bashkë me bashkëshorten asistojnë në të gjitha veprimtaritë e rëndësishme i kushtuara xhazit në Bullgari. Katër dekada me radhë bashkëshortja Eli i shoqëron bateristin kudo. Rastësisht apo jo po aq janë edhe vitet, që kur organizohet Takimi Xhaz në qytetin danubian Ruse. Illko Petrovi është pjesë e historisë së gjatë të kësaj veprimtarie, që nga edicioni i parë. Ai luante në bateri në grupet, të cilët formuan mjedisin për themelimin e festivalit më të madh kombëtar xhaz tek ne. Illko Petrovi është nga pak instrumentistët autodidaktë bullgarë.
Dekada me radhë në thelbin e veprimtarive i kushtuara xhazit që organizoheshin në Ruse ishte muzikanti Petër Petrov me nofkën Parçeto. Ai jo vetëm që ishte njeri nga themeluesit e Takimeve Xhaz në Ruse, por deri në fund të jetës mbeti organizatori më i rëndësishëm. Për ato vite Illko Petrovi kujton:
“Petër Petrovi punonte me formacione të ndryshme. Ato ishin të formuara shumë para se të nisim punë bashkë. Krijuam një grup bashkë me saksofonistin Boris Rusev, i cili punonte si klarinetist në Filarmoninë e qytetit Ruse. Mirëpo, një ditë u imponua që të ndahemi, sepse secili prej nesh kishte gjetur punë jashtë shtetit. Vetëm ashtu do të kishim mundësi të blejmë vegla të mira muzikore. Kur punuam bashkë më shpesh bëjmë repeticionet në Shtëpinë e të Rinjve me drejtor Sergej Baranov. E kishim përkrahjen edhe të Bashkisë së qytetit. Në sajë të kësaj kishim mundësi të marrim pjesë në të gjitha takimet xhaz që organizoheshin në vend. U paraqitëm edhe në Ditët e Xhazit në Romë të Italisë. Bashkë me muzikantin legjendar Petër Petrov, me kitaristin Stajko Stajkov dhe pianistin Aleksandër Vlladimirov formuam një kuartet, me të cilin shënuam suksese të mëdha. Edhe realizuam një turne në shtetet e ish Bashkimit Sovjetik me soliste Illdëz Ibrahimova. Krahas kësaj morëm pjesë në Festivalin në Servantino të Meksikës, në Festivalin Xhaz Xhambure në Varshavë të Polonisë në Festivalin në Debrecen të Hungarisë dhe në Xhaz Jantra në Indi. Mirëpo, kjo vijë e sukseseve u ndërpre, sepse isha i detyruar të shkoj në Gjermani. Aty fillova të merrem me një tip tjetër të muzikës dhe kështu u nda nga xhazi.”
Përgatiti në shqip: Svetllana Dimitrova
Dueti “Chaz\'n\'Byanka” regjistroi një këngë të re. Në "Një hap më afër", këngëtarëve Ljubomir Bojanov dhe Vasilina Bjankova iu bashkua Daniell Petrov, i njohur nga grupi “Taking Heed”. Pas krijimit të kësaj kënge qëndron një histori e vërtetë..
Një nga këngët pjesëmarrëse në Konkursin "Burgas dhe Deti" 2024 është "Ti më premtove" në interpretim të Ansamblit Vokal “HighLight”. Në të u mblodhën 20 këngëtarë të rinj të talentuar nga HighLight Singing Academy. Disa prej tyre tashmë janë fitues..
Dy autorë dhe interpretues të talentuar u bashkuan në një duet. Robi dhe Dara Ekimova krijuan bashkë muzikën dhe tekstin e këngës "Nëse telefonon". Aranzhimin e bënë Robi dhe Martin Nikollov. Robi tregon për krijimin e këngës: "Një mbrëmje i..
Sonte mbyllet sezoni i nëntë i Operës Verore "Skena e Shekujve" 2024, një forum i madh muzikor i Komunës së Veliko Tërnovës. Dy muajt e fundit u ofruan..
“Mbrëmjet ballkanike” është një nismë që mbahet nga 5 deri më 8 shtator në Pitsbërg të Pensilvanisë, SHBA. Veprimtaria fillon sonte me punëtorinë..