Më 8 shkurt Ministri i Bujqësisë, Pylltarisë dhe Zhvillimit Rural i Kosovës, Memli Krasniqi bëri një vizitë zyrtare në Bullgari. Pas takimit me Ministren e Bujqësisë dhe Ushqimeve të Bullgarisë, Desislava Taneva u bë e ditur se Bullgaria dhe Kosova së shpejti do të nënshkruajnë një marrëveshje bashkëpunimi në fushën e bujqësisë dhe zhvillimit rural, përmes së cilës do të thellohet shkëmbimi i përvojave në politikat bujqësore.
Ministrja Taneva shprehu gatishmëri për fuqizim të bashkëpunimit dhe për rritjen e volumit tregtar mes dy vendeve. Ajo prezantoi zhvillimet që Bullgaria ka pasur në bujqësi me theks mbi prodhimin dhe eksportin e verës. Ministrja Taneva deklaroi që këto përvoja t’i ofrohen Kosovës, veçanërisht në procesin e integrimit evropian.
Gjatë takimit me kryetarin e Odës së Tregtisë dhe Industrisë Cvetan Simeonov, Ministri Krasniqi ka kërkuar nga komuniteti i biznesit në Bullgari që të bashkëpunojë më shumë me agrobizneset nga Kosova. Në lidhje me Marrëveshjen e Stabilizim-Asociimit ai theksoi nevojën nga rritja e shkëmbimeve tregtare me Bullgarinë. Nga ana e tij z. Simeonov vuri në dukje se deri tani ka pasur bashkëpunim të mirë më Oden Ekonomike të Kosovës duke shprehur gatishmëri për t’i ndihmuar agrobizneset e Kosovës në forma të ndryshme të bashkëpunimit me bizneset e Bullgarisë.
Në një intervistë për Radio Bullgarinë, Ministri Krasniqi theksoi mundësitë e thellimit të bashkëpunimit mes Kosovës dhe Bullgarisë në sferën e bujqësisë dhe ekonomisë.
3.1 për qind është inflacioni i pritshëm për Bullgarinë për vitin 2024 dhe 2.6 për qind për vitin 2025, sipas të dhënave të parashikimit pranveror ekonomik i Komisionit Evropian për këtë vit. Tendenca rënëse e çmimeve të jashtme pritet të frenojë..
Në tremujorin e parë të vitit 2024, Produkti i Brendshëm Bruto (PBB) real i vendit po rritet me një ritëm të përshpejtuar, gjë që është një parakusht për një dinamikë të ngjashme vjetore, thuhet në buletinin ekonomik të Bankës Kombëtare Bullgare..
47 për qind e bullgarëve nuk janë dakord me deklaratën se hyrja e Bullgarisë në Eurozonë do të nxisë ekonominë bullgare dhe do të rrisë standardin e tyre të jetesës. Këtë e tregon një sondazh kombëtar i Agjencisë Market Links. Ai u zhvillua mes 1007..