Kur njeriu shikon me vëmendje fotografitë dhe videot e Jasen Xhabirovit, kupton se pavarësisht sa mirë dimë diçka, kur e shikojmë atë nga lartë gjejmë një perspektivë të re, kuptojmë gjëra të panjohura. Ndërtesat, parqet, rrugët, vendet duken ndryshe, të fotografuara nga droni i Jasen Xhabirovit.
Jasen Xhabirov ka mbaruar universitetin në degën “Animim”. Se si filloi të fotografojë me dronë?
“Akoma para shfaqjes së teknologjisë së dronëve unë merresha me fotografi dhe me mjeshtëri operatori. Më pëlqente gjithashtu drejtimi i maketeve të helikopterëve. Kur në treg shfaqën dronët, dy gjërat ishin bashkuar në një vend. Kjo u bë para pesë vjetësh.”
“Dua të shkoj në shumë vende, të fotografoj dhe të xhiroj gjëra në mënyrë të ndryshme dhe pastaj të prezantoj spote të shkurtra” – tha Jasen.
“Tashmë kam përpunuar disa projekte, që u bënë shumë të njohura në Sofje dhe tregojnë bukuritë e kryeqytetit. Në të vërtetë nga lartë Sofja duket shumë herë më e bukur.”
Një nga projektet e fundit të Jasenit prezanton ndërtesat fetare nga lartë, siç i shikojnë ato zogjtë:
“Ndërtesat fetare janë më të ndryshme sepse forma e tyre është e kufizuar – natyrisht janë të rrumbullakëta. Ata tërheqin vëmendjen time sepse ato janë godinat, për të cilat arkitektët dhe ndërtuesit punojnë me vëmendje të posaçme. Për këtë vendosa se do të jetë mirë po t’i mbledh në një projekt.”
Përgatiti në shqip: Jordanka Ivanova
Një riprodhim i dorëshkrimit të peshkopit Petër Bogdan "Për lashtësinë e atdheut dhe për çështjet bullgare" - traktati i parë historik për Bullgarinë, që i paraprin gati një shekull të famshmes "Historia sllave bullgare" nga At Paisij , u prezantua..
Interesi për studimin akademik të gjuhës bullgare në Sllovaki daton gati një shekull më parë. Në vitin 1919 u themelua Universiteti Comenius në Bratislavë. Dy vite më vonë u krijua Fakulteti Filozofik ku studiohen të gjitha degët humanitare. Aty, gjatë..
Violinisti bullgar me famë botërore Vasko Vasilev dhe solistët nga Orkestra e Operës Mbretërore “Kovent Garden” do të mbajnë një koncert klasik akustik më 26 maj në sallën “Gustav Eiffel” të Kullës Eifel. Muzikantë nga 5 kombësi do të jenë së bashku në..