Këndimi “Dostojno est” (Të madhërojmë) para ikonës së Hyjlindëses është interpretuar për herë të parë në shekullin e X. Javën e kaluar ai tingëlloi përsëri në Muzeun Kombëtar Historik në lidhje me prezantimin e një projekti të ri filmor për lindjen, forcën dhe besimin e një populli nën titullin “Dostojno est”. Krijimi i tij mbështetet nga Sinodi i Shenjtë dhe nga Shenjtëria e Tij Patriku Neofit, ndërsa si partnerë marrin pjesë ministri, bashki dhe organizata turistike, si dhe mediat kombëtare – Radioja Kombëtare, Televizioni Kombëtar dhe Agjencia Telegrafike Bullgare.
Seriali përfshin tre filma nga 40 minuta, të cilët ndjekin historinë mijëvjeçare të krishterimit në trojet tona. Ambiciet e tij janë të ringjallë historinë tonë shpirtërore, ta ruajë për brezat e ardhshëm dhe të tregojë për mundësitë për turizmin fetar në vendet, ku gjenden shembujt shpirtërorë dhe materialë të kulturës ortodokse bullgare.
“Dëshirojmë të tregojmë për krishterimin e hershëm. Në historiografinë tonë të vjetër dhe sidomos në periudhën komuniste ai ishte shumë i margjinalizuar. Periudha përpara kohës së Mbretit të shenjtë Boris I prezantohej si pagane. Ne dëshirojmë të tregojmë për themelimin e hershëm të kishave vendase në trojet tona që në kohën e apostujve – nëpër rajonin e Detit të Zi, Detit Egje, në periferi, në Serdika, në Filipopol... Projekti kishe skenar tjetër, por kur u përfshiva unë në të, njëri prej kushteve ishte – të prezantojmë historinë e hershme, të tregojmë për shekullin e parë. Të tregojmë për apostujt, të tregojmë për këtë, se territori ynë në të vërtetë është territori i apostujve. Këtu kanë predikuar Shën Apostulli Andrej në rajonin e Detit të Zi, Shën Apostulli Pavel në rajonin e Detit Egje. Dua të vë theksin mbi faktin, se në tre krahina – Mizia, Trakia dhe Maqedonia, ka pasur predikime të apostujve në mesin e shekullit të parë. Pas kësaj nxënësit dhe pasuesit e tyre zgjerojnë rrjetin lokal të kishave në qytetet e mëdha – Serdika, Filipopol, Marcianopol. Më vonë, në shekullin e dytë kemi të dhëna të qarta për kishat vendase me peshkop në Debelt dhe në qytete të tjera bullgare, të cilat janë nga Antikiteti i vonshëm dhe Mesjeta e hershme. Ka gjurma të tilla, ne dimë qytetet, dimë lokalitetet, që janë vizituar nga apostujt. Është me rëndësi të bëhet një kartë, e cila të tregojë rrugën ku kanë kaluar ata. Kemi edhe vështirësi, sepse deri në këto vende nuk ka rrugë dhe kalimi është i vështirë. Synimi ynë është të kërkohet efekti iluminist. Të jetë si fillimi i një zbulimi – sidomos për njerëzit e rinj.”
Filmat do të përkthehen në disa gjuhë, ndërsa ngjarjet, personazhet dhe objektet e historisë sonë shpirtërore do të rikrijohen me mjetet e teknologjive më moderne, do të ketë dhe efekte speciale dhe muzikë të autorit të kompozitorit të ri Georgi Strezov. Për herë të parë pasuria e historisë sonë kishtare do të prezantohet në këtë mënyrë.
Përgatiti në shqip: Sofia Popova
Kompleksi i prodhimit në vendbanimin prehistorik "Kriporja" ("Sollnicata") pranë Provadia (Bullgaria Verilindore) do të jetë objekt i punës kërkimore gjatë sezonit aktual, të 20-të radhazi, arkeologjik në vend. Ai ndodhet rreth 100 metra nga..
Nga data 9 gusht deri më 10 shtator, të gjithë banorët dhe mysafirët e Panagjurishtes do të mund të shohin përsëri origjinalin e Thesarit të Artë të Panagjurishtes, njofton Muzeu Historik në qytet. Rikthimi i tij i fundit ishte në nëntor të vitit..
Kanë kaluar 147 vjet nga betejat për mbrojtjen e qytetit Stara Zagorës në vitin 1877. Në shenjë respekti dhe nderimi për heroizmin e të rënëve për liri, më 31 korrik në Kompleksin Përkujtimor "Mbrojtësit e Stara Zagorës" do të kryhet një ritual..