Kuartet mandolash, këngëtare popullore, kitarist dhe perkusionist – ky është kolektivi që ka bashkuar përpjekjet dhe idetë në grupin “Etnotiks”. Emri i formacionit është origjinal, lehtë mbahet mend dhe është shumë i përshtatshëm për pjesët e përfshira në repertor dhe të cilët gërshetojnë folklor, etno, pop dhe rok.
Desisllava është nga qyteti Varna, ka mbaruar aty Shkollën muzikore me specialitetin mandolë. Aktualisht është studente për filologjinë bullgare në Universitetin e Sofjes “Shën Kliment Ohridski”, ndërsa në grup është mandola e dytë.
“Ideja për “Etnotiks” – thotë ajo – u përket producentit Asen Pavllov dhe Angell Dobrevit – instrumentist i njohur i mandolës, solist i Orkestrës për Muzikë Popullore pranë Radios Kombëtare Bullgare. Punojmë se bashku prej rreth 2 vjetësh. Posaçërisht për ne shkruan muzikë mjeshtër të afirmuar në këtë gjini – përveç Angell Dobrevit, Kostadin Gençev, Kirill Vlladov etj. Përpiqemi të bëjmë cover të hiteve të njohura botërore, ne vetë gjithashtu krijojmë muzikë. Përdorim folklorin autentik dhe e përpunojmë këngë sipas qëndrimeve tona. Unë si nxënëse kam interpretuar shumë folklor trakë dhe të Stranxhës. Vitet e fundit jetoj në Sofje dhe tani interpretoj me kënaqësi folklorin e kësaj krahine. Të gjithë kemi një qëllim të njëjtë – të ruajmë traditat, por t’i prezantojmë në mënyrë të re. Dëshirojmë të popullarizojmë artin popullor ndër të rinjtë. Në “Etnotiks” ne gërshetojmë melodi bullgare me stile të ndryshme dhe shpresojmë se do të afirmohemi si grup me stil të vetë.”
“Sipas meje, folklori autentik pritet shumë mirë në pamjen e tij origjinale. Jemi dëshmitarë çfarë popullaritet të madh ka muzika jonë tradicionale në SHBA, Angli dhe në shtete të tjera. Por ne dëshirojmë të zgjerojmë mundësitë e saj, të vërtetojmë se ajo mund të gërshetohet me gjithçka dhe se ka vend kudo në botë. Jo vetëm ne, shumë muzikantë të tjerë bëjmë eksperimente të tilla me sukses të madh. Për koncertin tonë më 7 prill kemi përgatitur disa surpriza. E ftuara e posaçme është kampionia e Beatbox – Adriana Nikollova. Të gjitha këngët janë me muzikë dhe tekst të Angell Dobrevit, dizajni i soundit i përket Kirill Dobrevit. Pjesëmarrësit e tjerë në grup janë: Denica Hristova – mandola e parë dhe e tretë, backing vokal – Denica Donçeva. Llatina Bunevska i bie mandolës alt. Perkusionist është Kallojan Pavllov, kitarës i bie Aleksandër Kirillovi. Të gjithë anëtarët e grupit janë me arsim muzikor. Të gjithë emocionohemi shumë, sepse ky është prezantimi ynë i parë para publikut dhe dëshirojmë të deklarojmë praninë tonë në skenën muzikore.”
Përgatiti në shqip: Sofia Popova
Dueti “Chaz\'n\'Byanka” regjistroi një këngë të re. Në "Një hap më afër", këngëtarëve Ljubomir Bojanov dhe Vasilina Bjankova iu bashkua Daniell Petrov, i njohur nga grupi “Taking Heed”. Pas krijimit të kësaj kënge qëndron një histori e vërtetë..
Një nga këngët pjesëmarrëse në Konkursin "Burgas dhe Deti" 2024 është "Ti më premtove" në interpretim të Ansamblit Vokal “HighLight”. Në të u mblodhën 20 këngëtarë të rinj të talentuar nga HighLight Singing Academy. Disa prej tyre tashmë janë fitues..
Dy autorë dhe interpretues të talentuar u bashkuan në një duet. Robi dhe Dara Ekimova krijuan bashkë muzikën dhe tekstin e këngës "Nëse telefonon". Aranzhimin e bënë Robi dhe Martin Nikollov. Robi tregon për krijimin e këngës: "Një mbrëmje i..
Sonte mbyllet sezoni i nëntë i Operës Verore "Skena e Shekujve" 2024, një forum i madh muzikor i Komunës së Veliko Tërnovës. Dy muajt e fundit u ofruan..
“Mbrëmjet ballkanike” është një nism që mbahet nga 5 deri më 8 shtator në Pitsbërg të Pensilvanisë, SHBA. Veprimtaria fillon sonte me punëtorinë muzikore..