“Edukimi muzikor, sidomos ai i pianos, mund të përdoret për zhvillimin e disa vetive shumë të vlershme, si gjykimi, përqendrueshmëria dhe mendja e qartë, shkathtësia, parashikueshmëria, autokriticizmi...” – Këtë e ka shkruar në mes të shekullit të XX-të pedagogu i madh bullgar akad. Andrej Stojanov. Teoricien muzikor, pianist dhe kompozitor, ai është një prej themeluesve të Shkollës sonë të Pianos. “Vepra e tij më frymëzoi për të krijuar konkursin për pianistë – joprofesionalistë.” Këto janë fjalë të Daniella Dikovës, drejtoreshë artistike e Vivapiano. Në dhjetë grupet e moshës të garës sivjet morën pjesë rreth 120 entuziastë nga Bullgaria, Austria, Zvicra, Rumania etj.
Le të rikujtojmë se konkursi i sivjetshëm i është kushtuar përvjetorit të 120-të të lindjes së kompozitorit Petko Stajnov, kurse pjesët e detyrueshme atje u kompozuan nga disa krijues bashkëkohorë bullgarë mbi materialin tematik të veprave të klasikut bullgar.
Emocionet e nxënësve dhe pedagogëve rreth paraqitjes në programin e konkursit ishin të arsyeshme – në juri morën pjesë pedagogë dhe interpretues të shquar, përfaqësues të shteteve të ndryshme, të cilët na treguan për përshtypjet e tyre.
Vasilij Ilisavski është i njohur te ne si muzikant, i cili u bie pianove të vjetra dhe si pedagog në Akademinë Muzikore Kombëtare “Panço Vlladigerov”. Ai merr pjesë në jurinë e Vivapianos herën e tretë me radhë.
“Konkursi po zgjerohet. Kjo ishte përshtypja ime e parë, kur mora pjesë për herë të parë në juri. Nuk kam pritur se konkursi do të arrijë një nivel kaq të lartë. Madje jam pak i trembur, sepse nuk e di nëse do të mund ta përdorim këtë energji në mënyrën më të mirë. Shpresoj se Daniella Dikova do të japë ide në këtë drejtim.”
Ariadne Bazili – Kaneti – pianiste, pedagoge, drejtoreshë e një shkolle muzikore në Kloseternojburg: “Ideja për krijimin e këtij konkursi është e mrekullueshme – tha ajo. – Që prej shumë kohe Bullgaria është e njohur në botë si një vend me tradita shumë të mira muzikore.
Birsen Uluxhan ka lindur në Shumen, ka mbaruar Shkollën Muzikore “Dobri Hristov” në Varna, në klasën e Katja Cvetkovës. “Nga ajo mësova shumë” – na tregon Birsen. Ajo e ka vazhduar arsimin e saj në Stamboll dhe Londër, gjatë disa viteve të fundit banon në Turqi.
“Për mendimin tim atmosfera e konkursit duhet të jetë më relaksuese. Disa pedagogë janë shumë ambiciozë. Çmimet vërtetë janë të rëndësishme, por në aktivitete të tilla në vend të parë është gëzimi nga muzika. Këta janë interpretues joprofesionalë, të cilët kontribuojnë për formimin e shpirtit të shoqërisë. Jam e frymëzuar nga puna e organizatorëve dhe më konkretisht nga puna e Daniella Dikovës. Sa për kandidatët, ata me të vërtetë ishin shumë të mirë. Ne sikurse ishim në koncert, por në fakt emocionet janë shumë të mëdha.
Veneciela Najdenova ka mbaruar Akademinë Kombëtare Muzikore “Panço Vlladigerov”. Ajo banon dhe punon në Zvicër më shumë se dy dekada. Atje është pedagoge, organizon ngjarje muzikore dhe merret me kritikë dhe publicistikë muzikore, kompozon, jep koncerte.
“Isha juri në grupet më të vogla – thotë ajo. Pashë shumë fëmijë të talentuar, shumë punë, angazhime dhe ambicie sa u përket prindërve të tyre. Në qoftë se duhet të uroj diçka, kjo është lidhur me seleksionimin e veprave, të cilat duhet ta tregojnë talentin e nxënësve. Një rekomandim tjetër është që t’i kujtohet një vëmendje më të madhe muzikës bashkëkohore. Ka shumë pjesë të bukura të krijuara gjatë disa viteve të fundit.”
Në këtë mozaik prej përshtypjesh përfshihet edhe Daniella Dikova:
“Përfundimi, që mund të bëhet për Vivapiano 2016 – në vend të parë vëzhgohet rritje e madhe e numrit të kandidatëve në krahasim me vitet e kaluara. Tashmë ka një komunikim shumë të mirë midis jurisë dhe pedagogëve. Ekipi i fondacionit “Ardenca”, i cili e organizon aktivitetin, punon shkëlqyeshëm. Për mendimin tim edicioni i pestë shënon një kulm të vërtetë në krahasim me konkurset e deritanishme.”
Përgatiti në shqip: Vesella Mançeva
Dueti “Chaz\'n\'Byanka” regjistroi një këngë të re. Në "Një hap më afër", këngëtarëve Ljubomir Bojanov dhe Vasilina Bjankova iu bashkua Daniell Petrov, i njohur nga grupi “Taking Heed”. Pas krijimit të kësaj kënge qëndron një histori e vërtetë..
Një nga këngët pjesëmarrëse në Konkursin "Burgas dhe Deti" 2024 është "Ti më premtove" në interpretim të Ansamblit Vokal “HighLight”. Në të u mblodhën 20 këngëtarë të rinj të talentuar nga HighLight Singing Academy. Disa prej tyre tashmë janë fitues..
Dy autorë dhe interpretues të talentuar u bashkuan në një duet. Robi dhe Dara Ekimova krijuan bashkë muzikën dhe tekstin e këngës "Nëse telefonon". Aranzhimin e bënë Robi dhe Martin Nikollov. Robi tregon për krijimin e këngës: "Një mbrëmje i..
Sonte mbyllet sezoni i nëntë i Operës Verore "Skena e Shekujve" 2024, një forum i madh muzikor i Komunës së Veliko Tërnovës. Dy muajt e fundit u ofruan..
“Mbrëmjet ballkanike” është një nism që mbahet nga 5 deri më 8 shtator në Pitsbërg të Pensilvanisë, SHBA. Veprimtaria fillon sonte me punëtorinë muzikore..