Arti modern lindet në rrugë para syve tona, hap botën e iluzioneve me përmasa dhe hapësira, të cilat pushtojnë imagjinatën. Mirëpo, edhe ai si jeta është i përkohshëm. Dhe pasi përfundon, galeria e vetme për bukurinë e parë mbeten vetëm kujtimet.
Në fund të majit fshati Mogillovo në rajonin e qytetit Çirpan do të jetë mikpritës i Festivalit të Parë Ndërkombëtar të Pikturimit 3D mbi asfalt. Kjo është veprimtaria e parë e këtij lloj që organizohet në vend. Piktorë të njohur nga Holanda, Italia, Ukraina dhe Meksika do të krijojnë tablo me tri dhe katër dimensione mbi rrugët dhe muret. Me ndihmën e teknikës speciale veprat e tyre do të ruhen disa muaj, kështu që më shumë njerëz të shikojnë.
Në fakt arti rrugor lindi para pesë shekujsh në Itali, ku kishte piktorë shtegtarë endacakë. Ata punuan kundrejt shpërblimit në katedralet. Kur ishin të lirë bukën e gojës e nxirreshin duke pikturuar në sheshet. Për shkak të luftërave gjatë shekullit të kaluar ky lloj arti u zhduk në harresë. Në vitet 70-të të shekullit XX ai u rimëkëmbë në sajë të Festivalit për Pikturim në Rrugë, organizuar në qytetin italian Kurtatone. Kështu edhe më sot, kur vizatimet rrugore u kthyen në piktura 3D.
Përsa i përket festivalit bullgar ai do të hapet me një befasi i kushtuar 24 Majit – Ditës së Arsimit dhe të Kulturës Bullgare dhe të Shkrimit Sllav. Më shumë hollësi sjell zoti Vlladimir Nedev – njeri prej organizatorëve:
“Programi fillon me pikturimin e alfabetit kirilik në një variant me tri dimensione. Vizatimet do të realizohen nga Aleks Maksimov nga Ukraina dhe Leon Keer nga Holanda – dy krijues të njohur, të cilët pikturojnë në mbarë botën. 30 fëmijë do të vizatojnë bashkë me tyre alfabetin dhe kjo veprimtari do të shndërrohet në një atraksion. Krahas kësaj do të formohen edhe dy zona të tjera të pikturimit. Ato do të jenë në një rajon pak të njohur të fshatit Mogillovo – Midalidare. Aty ka hapësira, të cilët ofrojnë një këndvështrim krejt të ndryshëm dhe hapësira të mira për pikturim.”
Në festivalin në Bullgari krijuesit e artit rrugor do të shtojnë edhe një dimension tjetër të katërt të veprave të tyre duke pikturuar mbi mur. Përsa iu përket temave të vizatimeve ato mbeten në sekret thekson zoti Vlladiir Nedev dhe vazhdon:
“Veprat do të jenë fryt i imagjinatës së krijuesve. E vetmja gjë, e njohur është, se ata piktorë janë të preokupuar nga problemet e botës globale, të klimës, të ekologjisë etj. Kështu që mendoj se veprat do të jenë me një orientim të tillë. Për shembull Leon Keer ka vepra të mëdha u kushtuara problemeve ekologjike të pikave të ndryshme të botës.”
Vepra më e njohur e holandezit është vizatimi i madh 3D i Ushtrisë së Terakotës, të cilën e krijoi në SHBA-në. Ai e zbuloi artin rrugor në vitin 2007. Leon Keer vendosi të vijë në Bullgari që të frymëzojë edhe piktorët bullgarë të formojnë një qëndrim profesional ndaj vizatimeve me tri dimensione. Si rezultat disa krijues të rinj bullgarë realizuan një instalacion mbi kodrinat përreth fshatit Mogillovo. Njeri prej autorëve Vlladimir Nedev shpjegon:
“Duke depërtuar më thellë në sferën e vizatimit rrugor gjithnjë e më shumë bindem se vizatimet 3D dhe 4D përbëjnë një krijimtari origjinale. Pikturat në të vërtetë janë të përkohshme, por edhe jeta është e tillë. Megjithëqë veprat e krijuara nuk janë të përjetshme ndikimi i këtij arti gjithashtu është i madh mbi publikun e gjerë. Për më tepër se këtu vizituesit janë më shumë se sa në galeritë.”
Festivali i parë Ndërkombëtar i Artit 3D tek ne fillon më 25 maj. Krahas krijimtarisë rrugore të piktorëve, parashikohen edhe shumë veprimtari shoqëruese, në të cilat vizituesit do të dëgjojnë Operën e qytetit Stara Zagora, Ansamblin “Zagorçe” dhe shumë muzikantë të tjerë.
Përgatiti në shqip: Svetllana Dimitrova
Fotografitë janë ofruar nga organizatorët
Me dëshirën për t'u hapur ndaj botës, pas viteve të gjata të izolimit në ish-kampin socialist, Bullgaria dhe Rumania u bashkuan në vitin 1994 në Organizatën Ndërkombëtare të Frankofonisë. Një nga vlerat kryesore të komunitetit frankofon është arsimi..
Nga data 8 qershor deri më 9 tetor, qyteti italian Rovereto pret ekspozitën ndërkombëtare “Të drejtat dhe dinjiteti i njeriut”. Edicioni i 18-të i sivjetshëm i ekspozitës tregon vepra tematike të artistëve nga 32 vende, përfshirë Bullgarinë. Artistja..
Sot me një ceremoni festive Unioni i Përkthyesve në Bullgari festoi 50 vjetorin e themelimit. Organizata u krijua më 5 qershor 1974 nga 246 persona - profesorë universitarë, poetë, shkrimtarë dhe përkthyes të njohur gjerësisht. Mes tyre ishin edhe..
Filmi "Triumfi" i dyshes regjisoriale Kristina Grozeva dhe Petër Vëllçanov është propozimi bullgar për çmimet "Oskar", njoftuan nga Qendra..
Brazili është ndoshta një nga destinacionet më pak të njohura për të emigruar mes bullgarëve sot. Vetë vendi nuk ka një standard jetese kaq të..