“Pikturimi është një magji. Kur bie në të, harron për kohën dhe realitetin”, thotë piktorja Lidija Kireva, e njohur akoma me mënyrën e vet jo tradicionale të pikturimit me gishta. Lidija jeton në fshatin e rrethit të Plovdivit Callapica dhe zakonisht pikturon gjatë natës. Ditët e saj janë të përmbushura me kujdese për fëmijët dhe me punë, e cila i siguron bukën e gojës. Pikturat janë pjesa romantike nga jeta dhe përmes tyre shpëton nga ditët e zakonshme dhe ritmin e përshpejtuar të së përditshmes. “Mund të pikturoj gjatë gjithë natës derisa të lind dielli, pa ndier sesi ka kaluar koha. Kjo është një magji, dhe kur zhytem në të, çdo gjë tjetër humbet formë dhe rëndësi” – thotë piktorja diletante.
Dëshira për pikturim lindi akoma në fëmijëri, por në bazë të rekomandimit të prindërve të vet refuzon të mësojë në një shkollë të specializuar. Vite të tëra ka mbetur larg nga arti, por ka ardhur momenti kur natyra e saj krijuese ka mbizotëruar mbi jetën e zakonshme të një gruaje në familje. Atëherë Lidija e le mënjanë gjumin dhe fillon të pikturojë shikimet e saj me ngjyra.
“Prej shumë kohe kisha blerë bojëra temper, të cilat prisnin të vijë momenti që të përdoren. Kjo nuk rastisi 3-4 vjet. Përpara pak më shumë se një viti e ndjeva se, pikturat duhet të dalin nga vetëdija ime dhe të hidhen mbi stofin e bardhë. Atëherë fillova të pikturojë mbi karton duke e vendosur bojën me gishtat e duarve. Furçat për të pikturuar fare nuk më tërheqin. Çdo gjë më qe e re dhe e panjohur. U interesova nëse dhe piktorë të tjerë përdorin një teknikë të ngjashme të pikturimit. U lidha me Stefka Ballxhievën, e cila është një nga piktoret e para tek ne, e cila ka hequr dorë nga furça për të pikturuar. U njoha dhe me nxënësit e saj. Një prej tyre është Mirella Asanova, e cila më ndihmojë në provat e para të pikturojë. Shumë nga teknikat i pata zbuluar vet dhe tanimë pata pikturuar piktura të shumta, e drejtuar nga ndjenja time për të bukurën. Pikturoja vazhdimisht, çdo natë, pasi që të gjithë në shtëpi tanimë kishin fjetur.”
Për një periudhë të shkurtër kohe Lidija Kireva fitoi vëmendjen e publikut. Piktura të saj janë të blera prej vlerësuesve në Angli, Gjermani. Pikturat jo tradicionale rrallë bien në galeritë artistike, por prandaj kanë shumë adhurues përmes sajtit në internet.
“Pikturat pëlqehen. Ato sikur japin energji. Unë vet filloj të pikturojë pa i vënë vetes qëllim dhe pa ndonjë mendim paraprak. I vendos bojërat, pas kësaj vendos se që ku të filloj dhe si të vazhdoj me pikturimin. Menjëherë pasi të vendos se që ku të filloj, piktura pas kësaj vet më del përpara syve. Kurdo që të ulem të pikturoj nuk kam nevojë prej një përgatitje paraprake, çdo gjë bëhet me lehtësi dhe si një lojë fëmijësh. Më shpesh pikturoj lule, të ndryshme për nga forma, por gjithmonë me shumë ngjyra dhe gjendje shpirtërore. E dua shumë natyrën ajo është kudo përreth. Pikturat me lule të cilat i kam pikturuar, sikurse pasqyrojnë botën time të brendshme, ato flasin në emër tim. Dua që pikturat e mia t’u sjellin njerëzve gëzim, ngrohtësi dhe kënaqësi. Shpresoj se përmes tyre t’u transmetoj spektatorëve mesazhin se, si njerëz ne kemi një nevojë të madhe nga mirësia e të tjerëve. Ajo është forca e cila na përmbush me një energji pozitive dhe na jep optimizëm dhe besim. Suksesi im është për këtë se kur njeriu kërkon diçka, gjithmonë mund të gjejë mënyrë që të mund ta arrijë. Është me një rëndësi të madhe që të jesh këmbëngulës në këtë që bën dhe të mos humbas besim në vetvete. Pasi ngrihem dhe shikoj krijimin e përfunduar, nuk mund të përshkruaj me fjalë kënaqësinë nga rezultati përfundimtar. Pikturimi është çudia më e madhe, e cila ka rastisur në jetën time. I jam shumë mirënjohëse familjes sime sepse më përkrah, i pëlqen gjërat të cilat i bëj dhe më stimulon të vazhdoj përpara me pikturimin.”
Përgatiti në shqip: Nataniela Vasileva
Filmi dokumentar "Vaklusk" i regjisorit Nikollaj Vasilev u shpërblye nga festivali botëror i filmit në Kanë “Remember the Future” /“Mbani mend të ardhmen"/ me statujën "Xixëllonja e Artë" në kategorinë "Filmi artistik më i mirë i drejtësisë..
Prof. Riccardo Picchio (1923 – 2011) është pak i njohur për publikun e gjerë, por ai është një nga studiuesit më të mëdhenj italianë që përktheu autorë klasikë bullgarë në Itali, thotë Veneta Nenkova, themeluese e shkollës bullgare në Romë “Asen dhe..
Monospektakli "Zoti Ibrahim dhe lulet e Kuranit" i Marius Donkin bazuar në veprën me të njëjtin emër të Eric-Emmanuel Schmitt fitoi çmimin e madh në edicionin e sivjetmë të Festivalit Ndërkombëtar "MonoAkt" në Kosovë, njoftoi "Koha Ditore". Monodrama e..
Në vjeshtën e vitit 1992, nëpërmjet një urdhri të Këshillit të Ministrave në Bullgari, u krijua Agjencia për Bullgarët Jashtë Shtetit për të koordinuar..
Edicioni i 20-të i Festivalit Botëror të Filmit të Animuar mbahet nga 11 deri më 15 shtator në Qendrën e Kongreseve në qytetin bregdetar bullgar Varna...