“E qeshura është këtu”, “Një këngë e buzëqeshur”, “Magji”–këto janë vetëm një pjesë prek titujve të këngëve, të përfshira në albumin e ri të Grupit vokal të fëmijëve “Smehurançeta”. Jo vetëm titujt, por dhe meloditë, entuziazmi i fëmijëve – e gjithë kjo me siguri “do t’ju bëjë të buzëqeshni”. Buzëqeshjet e të mëdhenjve dhe të vegjëlve janë dekorata më e madhe për “Smehoranët” dhe Galja Koxhamanovën – themeluese, drejtuese dhe producent të formacionit. Titulli i albumit të ri po kështu është “i buzëqeshur” – e kanë titulluar “Stina të Smehuranëve”. Ai është i 13-të në biografinë e grupit, në qoftë se nuk llogarisim “Provat muzikore” – një libër bashkë me DVD.
“Këngët në album janë të renditura në katër stinët vjetore – pranverë, verë, vjeshtë dhe dimër – tregon Galja Koxhamanova. – Këto janë këngë... nënvizoj këngë, gjendja shpirtërore e të cilave i përshtatet stinës përkatëse. Më pëlqen shumë kënga “Vajza me këmbë të zbathura”, pavarësisht se është për fëmijë mjaft më të mëdhenj. Ajo qe një nga këngët e para, të cilat i incizuam. Prezantimi i albumit do të jetë më 8 qershor nga ora 19.30, kurse vendi është emblematik – Aula e Universitetit të Sofjes “Shën Kliment Ohridski”. Jam e sigurt se, miqtë tanë do ta mbajnë mend këtë përjetim. Do të interpretojmë një pjesë nga këngët në album, autorët do të thonë nga disa fjalë për ta. Ja përkushtojmë premierën fëmijëve me të meta, të cilët janë në një gjendje të pabarabartë sociale. Bashkë organizator i ngjarjes është shoqata “Zgjate dorën”.
“Një kompani e larmishme prej krijuesve” – kështu Galja Koxhamanova i përcakton të 15 autorët e muzikës, tekstit dhe aranzhimit, të cilët kanë krijuar këngët në “Stinët e smehuranëve”. Mes tyre janë kompozitorët Emill Strunxhev, Jordan Vlladev, Maria Ninova, Bobi Mirçev (autor dhe i teksteve ndaj këngëve të tij) e të tjerë. Aranzhimet janë të firmosur me emrat e Aleks Nushev, Valeri Kostov, Aleksandër Saveliev... Interpretuesit më të vegjël janë 3 vjeç-kurse më të mëdhenjtë 12, por rreth “Smehurançeve” vazhdimisht “gravitojnë” dhe pjesëmarrës të rritur në grup, të cilët kanë themeluar formacione të veta.
“Në kohë disa herë lindin grupe të tilla – sqaron zonja Koxhamanova. – Grupi i parë quhej “Emocion”. Vajzat të cilat këndonin në të prej kohe janë kthyer në zonja të shkëlqyera. Rastis shpesh – fëmijët rriten, por nuk ju ndahet me ne. Aktualisht kemi 7 grupe. Që të ketë shumë hare ne u vëmë emra. Më të vegjlit i quajmë “Pampersët”, kemi “Fëmijët e rinj sheqer”, “Fëmijë e rritur sheqer”, më të mëdhenjtë janë “Veteranët” – ata janë 12 vjeç.
Për shkak të moshës së këngëtarëve, udhëtimet jashtë shtetit, bile jashtë Sofjes organizohen vështirë. Pavarësisht nga kjo “Smehorançet” kanë shfaqjet e veta. Përpara ditëve të numëruara qenë për disa ditë në Serbi-për Ditën e arsimit dhe të kulturës bullgare.
“Në këtë festë të ndritshme, bashkë me gjimnazin “Shën Kirill dhe Metodij” në Tsaribrod/Dimitrovgrad të Serbisë zhvilluam një koncert të përbashkët. Qe shumë e dobishme për fëmijët tanë. U njohëm me bashkësinë bullgare aty, kurse publiku qe jashtëzakonisht përgjegjës. Gjatë viteve të fundit disa nga solistët në grup paraqiten në konkurse të ndryshme në shumë qytete bullgare. Mund të tingëllojë jo shumë modeste, por në grupet e vogla të moshave që të gjitha vendet e para janë tonat. Pas dekoratave, fëmijët marrin dhe ftesa për të marrë pjesë jashtë shtetit. Unë qesh një nga kundërshtarët më të mëdhenj të konkurseve, por vetëm budallenjtë nuk ndryshojnë, siç thuhet. Për fëmijët kjo është përvojë, mësohen të luftojnë. Prapë së prapi, një kuptim shumë më të madh kanë festivalet. Aty çdo një drejtues inteligjent mund të bëjë llogari se ku është vendi i tij mes kolegëve. Kurse skena e festivalit u sjell më shumë gëzim fëmijëve, atmosfera është shumë më favorizuese për zhvillimin e tyre.”
Përgatiti në shqip: Nataniela Vasileva
Toni Dimitrova – këngëtarja me zë karakteristik, e cila është kthyer në një nga simbolet artistike të qytetit bregdetar Burgas – prezanton koncertin e saj solo “Kohë për dashuri” nën qiellin e hapur. Ai është pjesë e turneut të saj kombëtar, duke..
“Horizont” është një grup me një histori 40-vjeçare. I formuar në vitin 1984 nga shokët e klasës dhe miqtë, grupi i ka mbetur besnik rock-ut melodik për katër dekada. Në vitin 1994 nisi zyrtarisht performanca e tij e parë profesionale në skenën e..
Festivali muzikor Breeze by Exit do të mbahet në qytetin tonë të Detit të Zi, Varna nga 15 deri më 18 gusht. Forumi muzikor është bashkim i dy festivaleve - EXIT (Serbi) dhe Breeze (Bullgari), dhe edicioni pilot do të quhet "Varna Breeze by Exit"...
Lyrra është pseudonimi artistik i këngëtares së re Ljubomira Pavllova. Para se të fillonte të performonte si artiste e pavarur, ajo fitoi famë nga..
Sonte mbyllet sezoni i nëntë i Operës Verore "Skena e Shekujve" 2024, një forum i madh muzikor i Komunës së Veliko Tërnovës. Dy muajt e fundit u ofruan..