“Bolero” – koncerti mbyllës i edicionit të XXI të “Sallonit të arteve”

botuar më 16-06-04 9.15.PD

Foto: ndk.bg

Koncerti simfonik “Bolero” do t’i gëzojë adhuruesit e muzikës klasike me veprën e njohur të kompozitorit Moris Ravel. Fantazia-uverturë “Romeo dhe Zhulieta” e Çajkovskit dhe “Pini di Roma” e Ottorino Respighit janë xhevahiret e tjera në program. Solistë të Koncertit për dy piano dhe orkestër të Pulenk janë muzikantët e famshëm: Stanisllav Judeniç – mbajtës i medaljes së artë në Konkursin e XI Ndërkombëtar “Van Klajbern”, SHBA (2001) dhe Pllamena Mangova – me çmim të dytë në Konkursin prestigjioz Ndërkombëtar “Mbretëresha Elizabet” në Bruksel (2007).

Virtuozi Stanisllav Judeniç vjen për herë të parë në vendin tonë për të marrë pjesë në koncertin, me të cilin mbyllet programi i pasur i “Sallonit të arteve 2016”. Koncerti madhështor, producent i të cilit është Pallati Kombëtar i Kulturës, do të jetë me 5 qershor në Sallën nr. 1 të Pallatit.

“Etyd” – piktura cis moll nga Rahmaninovi, int. Pllamena Mangova

Update Required To play the media you will need to either update your browser to a recent version or update your Flash plugin.

Judeniç dhe Mangova do të jenë së bashku për herë të parë në skenën më të madhe koncertale në Bullgari. Krahas tyre do të jenë muzikantët e Filarmonisë së Sofjes me dirigjent Martin Panteleev. Finalin e koncertit do të shënojë njëra prej veprave me të njohura në muzikën klasike – “Bolero” të Moris Ravelit. Kjo vepër tërheq adhurues të të gjitha moshave dhe është objekt i angazhimeve të shumta nga ana e muzikantëve të të gjitha gjinive.

Përgatiti në shqip: Sofia Popova

Последвайте ни и в Google News Showcase, за да научите най-важното от деня!

Ndaje

Postimet e lidhura

“Bolero” – koncerti mbyllës i edicionit të XXI të “Sallonit të arteve”

Më shumë nga rubrika

"Dua"

"I pathyer"

"Ferri"