Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Kevork Mardirosjan përsëri në skenën bullgare me Ansamblin e Dhomës “Solistët e Sofjes”

БНР Новини
Foto: arkiv personal

Më 24 qershor në Klubin Ushtarak Qendror do të mbahet koncerti i Ansamblit të Dhomës “Solistët e Sofjes” me dirigjent Pllamen Xhurov dhe solistë Diljana Momçillova – violonçel dhe prof. Kevork Mardirosjan – violinë. Në program janë përfshirë vepra të Stefan Dragostinovit, Hajdnit dhe Vivaldit. Ngjarja do të zhvillohet në kuadrin e edicionit të 47-të të festivalit “Javët muzikore të Sofjes” dhe shumica e veprave janë me titull “Vera”.

Prof. Mardirosjan ka lindur në Bullgari. Është profesor në një prej shkollave më prestigjioze muzikore në SHBA – Jacobs School of Music pranë universitetit Indiana të Bllomington-it. Është mbajtës i shumë çmimeve ndërkombëtare si interpretues. Ka dhënë koncerte në mbarë botën – në Francë, Gjermani, Spanjë, Japoni, Kinë, Itali, SHBA dhe Bullgari. Kevork Mardirosjan është diplomuar në Akademinë Muzikore Kombëtare “Panço Vlladigerov” te prof. Anton Haxhiatanasov dhe prof. Vlladimir Avramov. Më vonë ishte specializant i Arthur Grumiaux dhe i Yfrah Neaman  në Guildhall School of Music, Londër.

Ja se çfarë na tregoi virtuozi para koncertit:

“Jam shumë i emocionuar, sepse me Solistët e Sofjes, nuk kam pasur shfaqje tashmë 17 vjet. Gjysma e orkestrës janë ish kolegë të mi dhe nxënës të mi. Pllamen Xhurov më ndihmoi shumë pasi e mbarova arsimin tim këtu. Repeticioni ynë i parë kaloi shumë mirë dhe shpresoj se koncerti do të jetë shumë i bukur. Unë do të interpretoj “Stinët e vitit” të Vivaldit. Diljana Momçillova do të ekzekutojë “Suitën verore” të Hajdnit dhe akoma një vepër të Stefan Dragostinovit, me të cilën do të hapet koncerti.”

Si ndihet profesori në Bullgari – ja përgjigja e tij:

“Shumë bukur. Jam në shtëpi. Për mua Amerika është vendi i punës dhe megjithëse gjysma e jetës sime ka kaluar atje, kur të kthehem në Bullgari gjithmonë ndihem shumë mirë. Kam shumë kujtime nga vitet rinore. Puna ime është lidhur me mësimdhënien, por jap gjithashtu koncerte – rreth 20 në vit. Për mua shndërrimi i talenteve në profesionistë të klasës më të lartë është detyra ime e parë. Para pak kohe një nxënës imi fitoi çmimin e Filarmonisë së Izraelit, një tjetër u bë koncert mjeshtër  në Operën e Detroitit. Ia kam dhen emrin kuartetit “Zora” /“Agimi”/, ku bëjnë pjesë studentë të mi. Nxënësit e mi janë përfaqësues të kombësive më të ndryshme. Aktualisht kam një nxënëse bullgare dhe shumë nxënës aziatikë, si dhe nga Spanja, Gjermania, Rusia, shumë amerikanë. Niveli, sidomos i koreanëve dhe i kinezëve, u rrit shumë.”

“Kur shkova në Londër, duhej t’i ndryshoja gjërat kryesore – na thotë violinisti i njohur. Prof. Yfrah Neaman më bëri për të menduar duke e parë veprën. Sigurisht që njeriu i ri shpreson më shumë tek instinkti i tij, derisa muzikanti i pjekur mendon më shumë për atë që i thotë kompozitori. Këto fjalë ua them edhe nxënësve të mi – jo vetëm t’i  bien violinës në mënyrë ritmike dhe të saktë, por edhe të krijojnë vetë ata diçka. Ka shumë talente të reja – si Svetlin Rusev, Lia Petrova e shumë të tjerë. Desha që në koncert t’i interpretoj mirë “Stinët e vitit” dhe publiku t’i dëgjoj dhe t’i kuptoj. Në Burgas do të jap një javë kurs mjeshtri në kuadrin e Akademisë së Arteve në Sozopoll, por kursi do të zhvillohet në Kazinonë Detare në Burgas. Do të vijnë shumë fëmijë nga mbarë bota. Është shumë interesante kur takohesh gjithmonë me njerëz të rinj dhe me talente të reja.”

Përgatiti në shqip: Vesella Mançeva



Последвайте ни и в Google News Showcase, за да научите най-важното от деня!

Më shumë nga rubrika

Muzika dhe artet takohen nën yjet në rajonin e qytetit malor Trojan

Për të gjashtin vit radhazi, fshati malor Debnevo në rajonin e qytetit Trojan po pret Festivalin Ndërkombëtar të Muzikës dhe Artit Jam on the River. Veprimtaria, e cila mbledh shumë muzikantë të huaj dhe vendas, mbahet nga data 31 korrik deri më 3..

botuar më 24-07-31 2.15.MD

"Një hap më afër" rikrijon një histori të vërtetë, shumë romantike

Dueti “Chaz\'n\'Byanka” regjistroi një këngë të re. Në "Një hap më afër", këngëtarëve Ljubomir Bojanov dhe Vasilina Bjankova iu bashkua Daniell Petrov, i njohur nga grupi “Taking Heed”. Pas krijimit të kësaj kënge qëndron një histori e vërtetë..

botuar më 24-07-31 6.35.PD

"Ti më premtove" – një këngë nga Konkursi "Burgas dhe Deti" 2024

Një nga këngët pjesëmarrëse në Konkursin "Burgas dhe Deti" 2024 është "Ti më premtove" në interpretim të Ansamblit Vokal “HighLight”. Në të u mblodhën 20 këngëtarë të rinj të talentuar nga HighLight Singing Academy. Disa prej tyre tashmë janë fitues..

botuar më 24-07-26 2.45.MD