Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Grupi “Tangra” rikthehet në skenën muzikore

Foto: arkiv personal

Gjatë disa viteve të fundit tek ne pa u ndërprerë krijohen formacione të reja pop dhe rok. Në të njëjtën kohë publiku me gëzim pret lajmet për rikthimin skenik të grupeve të njohura dhe të dashura, të cilët për brezin e “moshës së mesme” janë burim i kujtimeve të mrekullueshme. Vala e rimëkëmbjeve të grupeve nuk e lëri anas edhe grupin “Tangra”.

Muzikantët e njohur rok Konstantin Markov, Stanisllav Sllanev-Stenli dhe Dani Gançev u kthyen në skenë me dy muzikant të rinj – kitaristin Ivo Çallëkov dhe perkusionistin Stefan Popov, të njohur nga Grupi “Graviti Ko”. Koncerti i parë i grupit në përbërjen e re ishte më 24 qershor. Ngazëllimi i publikut ishte më i madh se sa muzikantët pritën. Menjëherë pas koncertit Grupi “Tangra” filloi të punojë mbi projektin e ri.

Grup “Tangra” u krijua në vitin 1976. Në përbërjen e parë ishin Aleksandër Petrunov (Sasho Grivnata) – vokal, Konstanin Markov – bas kitarë, Ilija Karajanev (Liço Stounsa) – kitarë dhe Anton Bubev – bateri. Në fund të vitit 1977 në grup hyri edhe Tenko Sllavov – kitarë. Në fund të vitit 1979 Aleksandër Petrunov (Sasho Grivnata) emigroi dhe solisti vokal u bë Vili Kavallxhiev. Ndër emrat në zë, të cilët kanë meritë për popullaritetin e madh të Grupit “Tangra” është edhe këngëtari Cvetan – Çoço Vlladovski. Hiti i parë i tij me grupin ishte “Qyteti ynë” me kompozitor Boris Karadimçev.

Hiti tjetër i madh ishte “Pasuria” prapë me solist vokal Çoço Vlladovski. Në vitin 1982 grupi incizoi edhe albumin e debutimit “Qyteti ynë”. Në fund të vitit 1983 grupi ndërroi stilin nga rok melodik në nju uejv. Në grup ftuan Jordan Gançev – piano, Valeri Millovanski – kitarë dhe vokali Stanisllav Sllanev-Stenli. U radhitën çmime të tjera dhe një album i ri. Nga kjo periudhë janë hitet “Ushtari prej plumbi”, “Zhulieta”, “Ji i tillë siç është”. Nga viti 1986 deri në vitin 1990 muzikantët kënduan kryesisht në skenat e klubeve të Norvegjisë, Holandës, Finlandës, Gjermanisë. Në vitin 1990 grupi pushoi së ekzistuari. Një pjesë prej muzikantëve mbeti të jetojë në Evropën Perëndimore, ndërsa Konstantin Markovi u kthye në Bullgari.

Koncerti, me të cilin Grupi “Tangra” do të shënojë rikthimin në skenë planifikohet për 1 dhjetor. Për arsyen që grupi të rikthehet në jetën muzikore bullgare, tregon Konstantin Markov:

“28 janë muzikantët, të cilët punuan me Grupin “Tangra” që nga krijimi e deri tashti. Shumica prej tyre janë në nivel tepër të lartë. Ideja që të rikthehemi në skenë është nga vera e kaluar. Mirëpo, shumica e muzikantëve jetojnë jashtë shtetit dhe ishte shumë vështirë që të përputhim planet e të gjithëve. Pasi Dani Gançev u kthye në Sofje, përfituam nga kjo mundësi dhe ftuam dy muzikantë nga Grupi “Graviti Ko”.”

Një pjesë e rëndësishme e krijimtarisë së Grupit “Tangra” është poezia e Aleksandër Petrovit. “Ai është një pjesë e padukshme prej grupit. Megjithëqë ai qëndron gjithnjë prapa dritave të skenës, ai është pjesë e pandarë e grupit dhe jam i bindur se është në zemrën e adhuruesve të muzikës sonë”, rrëfen Konstantin Markov.

Përgatiti në shqip: Svetllana Dimitrova



Последвайте ни и в Google News Showcase, за да научите най-важното от деня!

Më shumë nga rubrika

Teodosij Spasov (majtas) dhe Hristijan Cvjatkov

Albumi "Përralla Antarktike" ndërthur xhazin, folklorin dhe muzikën klasike

Muzika e lindur mes akullit – ja çfarë prezantojnë me fyell dhe kitarë Teodosij Spasov dhe Hristian Cvjatkov në albumin e tyre “Përralla Antarktike”, i cili ka premierën më 5 mars, me një spektakël muzikor dhe poetik me regjisore Bojka Vellkova...

botuar më 25-03-05 5.05.PD

"I panjohuri" tregon për ndjenja të pathëna

Këngëtari i ri ROSS prezanton këngën e tij të parë solo - "I panjohuri". Edhe pse me një këngë debutuese, vetë ROSS nuk është i panjohur - Rosen Petrov u diplomua në shkollën vokale në vendlindjen e tij – qytetin Dobriç, dhe tashmë ka një sërë..

botuar më 25-03-04 6.10.PD

"Kjo është Bullgaria" - një këngë nga Maria Angellova

"Kjo është Bullgaria - madhështore dhe e shenjtë" ... këndon Maria Angellova në këngën e saj prej autori, të cilën ju prezantojmë një ditë para Festës Kombëtare të Bullgarisë - 3 Mars . Në të, ajo bën pyetje që janë gjithnjë e më të..

botuar më 25-03-02 11.45.PD