Situata pas provës për grusht ushtarak shteti në Turqi gradualisht qetësohet sa u përket vendeve fqinje. Transiti përmes pikave të kalimit kufitar normalizohet dhe komunikacionet po rimëkëmben. Ngjarjet në Turqi do të shqyrtohen sot në Bruksel në mbledhjen e Këshillit “Punët e Jashtme” të BE-së, ku Bullgaria është paraqitur nga Ministri i saj i Punëve të Jashtme Daniell Mitov.
Ngjarjet në Turqi u bënë shkas për debate edhe në Bullgari, duke na rikujtuar se sa i rëndësishëm është stabiliteti i vendit fqinj për ne. Turqia është vendi më i madh fqinj i Bullgarisë. Ajo disponon fuqi të mëdha ekonomike dhe ushtarake dhe është partner i rëndësishëm tregtar i vendit tonë. Atje ndodhen mijëra turq etnikë, që kanë mbërritur nga Bullgaria. Çdo vit vendi fqinj është mikpritës i shumë turistëve bullgarë. Ndoshta pikërisht për këtë shkak nuk kishte dallime midis reaksioneve të formacioneve të ndryshme politike.
Presidenti Plevneliev deklaroi menjëherë se stabiliteti dhe paqja në Turqi janë me rëndësi të madhe për Bullgarinë dhe se ajo i përkrah institucionet e zgjedhura në mënyrë demokratike. Nga ana e vet Kryeministri Bojko Borisov tha se nuk mund të përkrahë mosrespektimin e Kushtetutës dhe provën për marrjen e pushtetit me fuqi. Ky reaksion i njëjtë i Presidentit dhe i Kryeministrit ishte i pazakonshëm, duke pasur parasysh dallimet e tyre kohët e fundit sa u përket çështjeve të tjera të rëndësishme. Reaksione të njëjta kishte madje ndër oponentët më të mëdhenj politikë te ne, si Lëvizja për të Drejtat dhe Liritë dhe partia DOST. Ajo e dytë u shkëput nga Lëvizja për të Drejtat dhe Liritë. Një prej shkaqeve për këtë ishte qëndrimi i ndryshëm ndaj Turqisë dhe akuzat e ndërsjella në këtë lidhje. Mirëpo tani edhe të dyja partitë dënuan kategorikisht provën për grusht shteti dhe përkrahën institucionet e zgjedhura në mënyrë demokratike në fqinjin tonë jugor.
Papritmas Partia Socialiste Bullgare e quajti adekuat reaksionin e pushtetarëve në Turqi. Duke pasur parasysh situatën e vështirësuar, në emër të sigurisë kombëtare ajo hoqi dorë nga kërkimi i votës së mosbesimit ndaj qeverisë dhe vendosi për t’u propozuar forcave politike, ABV-së, Lëvizjes për të Drejtat dhe Liritë dhe Qendrës Demokratike Bullgare” heqjen e temës nga rendi i ditës.
Lideri i ri i socialistëve Kornelia Ninova mendon se për shkak të situatës mund të thirret Këshill Konsultativ për Sigurinë Kombëtare pranë Presidentit të Republikës dhe ky qëndrim i socialistëve përputhet me pozitën e nacionalistëve nga “Ataka”.
Përputhjet e reaksioneve të rivalëve të mëdhenj politikë sa i përket Turqisë ndoshta i detyrohen faktit se stabiliteti i saj është me rëndësi të madhe për Bullgarinë në këtë moment të presionit të madh të migracionit nga Lindja e Mesme drejt BE-së. Në rast mungese të stabilizimit të Turqisë Bullgaria mund të privohet nga buferi i sotëm midis saj dhe Lindjes së trazuar të Mesme dhe të jetë e detyruar për t’i pranuar ajo dhe jo Turqia migrantët nga Lindja drejt Evropës Perëndimore.
Gjendja e tanishme në Turqi jep arsye për shqetësime për zhvillime të pakëndshme të ngjarjeve në vend. Për këtë shkak vëmendja në Sofje ndaj fqinjit tonë jugor vazhdon të jetë e madhe dhe pozitat e shprehura deri tani nuk duhet të konsiderohet si përfundimtare.
Përgatiti në shqip: Vesella Mançeva
Ali Ahmeti, kryetar i partisë më të madhe shqiptare në Maqedoninë e Veriut, Bashkimi Demokratik për Integrim, foli më 16 prill me ambasadorin bullgar në Shkup, Angell Angellov, njoftoi BGNES. Në takim, Ahmeti tha se deklaratat e kryeministrit..
Turqia ka shpallur luftë tatimore për mallrat e lira nga jashtë Turqia ka vendosur të rrisë ndjeshëm taksat për mallrat e blera jashtë vendit. Kufiri pa taksa për mallrat e blera jashtë vendit është ulur nga 150 në 30 euro (1098.87 TL)...
Bullgaria po përballet me zgjedhjet e shtatë të parakohshme parlamentare radhazi në tri vitet e fundit. Arsyeja është se edhe një herë, të tri mandatet eksploruese, t’u dorëzuara nga presidenti partive të përfaqësuara në parlament, mbetën të..