Kaluan tri ditët e para të fushatës parazgjedhore në Bullgari. Pritej se kundërshtimet e lidhura me temat e politikës së brendshme do të ishin më pak se ato të politikës së jashtme. Mirëpo në mënyrë të papritur një problem i jashtëm, siç ishte zgjedhja e sekretarit të ri të përgjithshëm të OKB-së, u bë qendra e grindjeve politike në Bullgari për shkak të prezantimit të pasuksesshëm të kandidates së qeverisë bullgare për këtë post – Kristalina Georgieva. Pritet se në pak ditët që mbeten deri në zgjedhjet e 6 nëntorit kërkesat për mocion mosbesimi ndaj qeverisë dhe tensioni për tërheqjen e Kristalina Georgievës nga posti i zëvendës kryetares së Komisionit Evropian do të shtohen. Me siguri çështja për zgjedhjen e kryetarit të ri të OKB-së do të lërë gjurmën e vet mbi zgjedhjen e presidentit të ri bullgar. Para tri ditësh përkrahja për kandidatin e partisë qeverisëse GERB ishte 19,8%, kurse për kandidatin e Partisë Socialiste Bullare – 14,9%. Për më pak se 1 muaj kjo diferencë prej 5,1% mund të shkrihet me vështirësi, mirëpo afrim i rezultateve ndoshta do të ketë. Dhe kjo mund të jetë vendimtare për rigrupimin e forcave për raundin e dytë. Pavarësisht se marrin pjesë ndarazi Partia Socialiste Bullgare dhe formacioni i majtë ABV po zhvillojnë konsultime për mocion mosbesimi ndaj qeverisë dhe kjo kauzë e përbashkët mund t’i bashkojë ata në raundin e dytë të zgjedhjeve kundër kandidatit të partisë qeverisëse. Pavarësisht nga copëtimi i saj i brendshëm, Lëvizja për të Drejtat dhe Liritë akoma ka ambicie për të luajtur një rol vendimtar për rezultatin përfundimtar në zgjedhjet presidenciale, duke anuar peshoren në favor të njërit apo tjetrit kandidati. Partitë pranojnë zgjedhjet presidenciale gjithashtu si një mundësi për analizë të situatës dhe për zhvillimin e zgjedhjeve eventuale të parakohshme parlamentare. Nuk është e rastit se kryeministri Borisov shpalli në këtë lidhje se në rast të prezantimit të pasuksesshëm të partisë së tij në raundin e parë, ai vetë do të japë dorëheqje dhe do të provokojë zgjedhje parlamentare. Sipas analizave sociologjike, nëse zgjedhjet parlamentare zhvilloheshin tani, në Kuvend do të hynin vetëm katër formacione – GERB me 26,70%, Partia Socilaiste Bullgare me 13,80%, Fronti Patriotik me 7,40% dhe Blloku i Reformatorëve me 5,70%. Kjo situatë ndoshta do të ndryshohet pas zgjedhjeve presidenciale, mirëpo a ky ndryshim do të justifikojë zhvillimin e zgjedhjeve parlamentare, do të kuptojmë pasi bëhet i qartë rezultati më 6 nëntor.
Përgatiti në shqip: Jordanka Ivanova
Ali Ahmeti, kryetar i partisë më të madhe shqiptare në Maqedoninë e Veriut, Bashkimi Demokratik për Integrim, foli më 16 prill me ambasadorin bullgar në Shkup, Angell Angellov, njoftoi BGNES. Në takim, Ahmeti tha se deklaratat e kryeministrit..
Turqia ka shpallur luftë tatimore për mallrat e lira nga jashtë Turqia ka vendosur të rrisë ndjeshëm taksat për mallrat e blera jashtë vendit. Kufiri pa taksa për mallrat e blera jashtë vendit është ulur nga 150 në 30 euro (1098.87 TL)...
Bullgaria po përballet me zgjedhjet e shtatë të parakohshme parlamentare radhazi në tri vitet e fundit. Arsyeja është se edhe një herë, të tri mandatet eksploruese, t’u dorëzuara nga presidenti partive të përfaqësuara në parlament, mbetën të..