Për herë të katërt kryeqyteti britanik mbledh bullgarë të talentuar, përfaqësues të fushave të ndryshme të artit – të kinemasë, teatrit, artit figurativ, fotografisë dhe muzikës. Disa prej bashkatdhetarëve tanë, të cilët prezantohen në festivalin e Londrës prej vitesh jetojnë dhe punojnë në Angli. Të tjerë – në Bullgari, apo në pika të ndryshme të botës. Themelues dhe drejtor artistik i festivalit është Ivo Stankov. Ideja e tij është që të tregojë para publikut anglez arritjet më të mira të artistëve bullgarë.
“Në koncertin e parë mori pjesë Nigel Kennedy, bashkë me Georgi Andreevin. Ata prezantuan një program bullgar që para kësaj ishte shfaqur tek ne. I shoqëroi Orkestra Fizarmonike e Londrës. Sipas traditës pjesëmarrës në këtë festival është Kori Bullgar i Londrës. Festivali është në të vërtetë interesant. Një pjesë prej tij do ta prezantojmë në Barbican Centre, ngjarje të tjera do të ketë në Conway Hall. Kemi ftuar disa nga muzikantët më të shquar bullgarë. Presim me padurim pianistin Ljudmill Angellov,violinistët Dimitër Burov dhe Jana Burova. Unë dhe violinisti i shkëlqyer Pavell Minev prezantojmë një koncert dhome. Bashkë me ne do të interpretojë violinisti Aleksandër Zemcov i njohur për publikun bullgar me koncertet e tij tek ne. Ideja është që për herë të parë të mbledhim në një skenë aq shumë yje të muzikës.”
Nuk është e mundshme që të prezantojmë të gjitha koncertet e përfshira në programin e festivalit bullgar në Londër. Shumë janë edhe ngjarjet e lidhura me artet e tjera. Piktori Javor Dimitrov do të prezantojë disa ekspozita në galerinë e tij. Si çdo vit Instituti Kulturor Bullgar në Londër, i cili është bashkorganizator, ofron ekspozita dhe shfaqje teatrale. Publiku i Londrës do të mund të shikojë “Zonjën Fatkeqësi Natyrore” me pjesëmarrjen e të madhes Stojanka Mutafova dhe “Udhëtimin drejt Afroditës”(një monospektakël i Bojka Vellkovës.)
Përgatiti në shqip: Jordanka Ivanova
Monospektakli "Zoti Ibrahim dhe lulet e Kuranit" i Marius Donkin bazuar në veprën me të njëjtin emër të Eric-Emmanuel Schmitt fitoi çmimin e madh në edicionin e sivjetmë të Festivalit Ndërkombëtar "MonoAkt" në Kosovë, njoftoi "Koha Ditore". Monodrama e..
Një këndvështrim tjetër mbi shkencën e Arkeologjisë - si bazë për komunikim, ndarje publike të trashëgimisë evropiane dhe akses më të lehtë në të - jep iniciativa Ditët Evropiane të Arkeologjisë 2024, e cila zhvillohet në një sërë vendesh të kontinentit...
Me dëshirën për t'u hapur ndaj botës, pas viteve të gjata të izolimit në ish-kampin socialist, Bullgaria dhe Rumania u bashkuan në vitin 1994 në Organizatën Ndërkombëtare të Frankofonisë. Një nga vlerat kryesore të komunitetit frankofon është arsimi..
Filmi "Triumfi" i dyshes regjisoriale Kristina Grozeva dhe Petër Vëllçanov është propozimi bullgar për çmimet "Oskar", njoftuan nga Qendra..