Muzikantët nga Filarmonia e Sofjes, nga Kori i Filarmonisë Kombëtare “Svetosllav Obretenov”, Kori Popullor i Grave “Zërat kozmikë”dhe Orkestra për Muzikë Popullore kanë përgatitur një program me titullin pak të veçantë “Rrënjët e egra”. Koncerti zhvillohet sonte në sallën “Bullgaria” nga ora 19.00. Mes solistëve janë Teodosij Spasov, këngëtarja popullore Gergana Popova nga ansambli “Trakia”, si dhe dy instrumentistë të njohur nga Orkestra për Muzikë Popullore të Radios Kombëtare Bullgare – Pejo Peeev i cili i bie mandolës dhe gajdexhiu Petjo Kostadinov. Në një nga interpretimet e premierës do të dëgjojmë Margarita Kallçevën – drejtuese e kontrabasëve në Orkestrën Simfonike të Radios Kombëtare Bullgare.
“Ideja ishte e drejtorisë së Filarmonisë së Sofjes, të cilët donin të bëjmë një projekt të përbashkët, i cili të përfshijë Orkestrën për Muzikë Popullore të Radios Kombëtare Bullgare, Filarmoninë e Sofjes dhe Korin e Filarmonisë me dirigjent Sllavill Dimitrov. Pjesët janë nga Dimitër Hristovi, Teodosij Spasovi, Gjeorgji Andreevi e të tjerë. Ka dy krijime premierë. Njëra është jashtëzakonisht interesante, sepse një provë e ngjashme nuk është bërë deri tani. Autor është Dimitër Hristov, i cili e shkroi posaçërisht për Margarita Kallçevën e cila i bie kontrabasit. Quhet “E verdhë-jeshile”, titullin e ka dhënë vet solistja. Doli se ajo i shikon telat e kontrabasit në ngjyra të ndryshme. Dy telat më të larta për të janë në bojën e verdhë dhe jeshile. Me qenë se Dimitër Hristov përdor regjistrin më të lartë të kontrabasit në pjesën e vet, titulli ka ardhur vet. Krijimi tjetër premier quhet “Kënga e shtojzovalles” dhe është nga Kostadin Gençev. Do ta interpretojë Kori i Filarmonisë dhe dy orkestrat. Dua të nënvizojë , se që të gjitha krijimet janë të aranzhuar posaçërisht për këtë koncert. Kori i Filarmonisë do të interpretojë në mënyrë akapele “Këngë të kolendrave” nga Kirill Todorov. Në program merr pjesë dhe Kori i “Zërave kozmikë”. Do të prezantohemi me disa këngë të kënduara akapele. Jam e bindur se publiku do të pëlqejë të gjitha që i kanë përgatitur muzikantët. Folklori është i gërshetuar në mënyrë shumë fine me gjuhën e muzikës klasike dhe me mundësitë e Orkestrës Simfonike. Jam e sigurt se ka dhe programe të tjera të ngjashme. Ky është një projekt i së ardhmes, i cili ka shkelur shumë mirë dhe fortë mbi traditën bullgare.”
Përgatiti në shqip: Nataniela Vasileva
Këngëtari në zë Grafa më 28 qershor nis “Turneun më të lumtur” me një koncert në Teatrin Veror në qytetin Stara Zagora. Në thelbin e turneut të madh veror të Vlladi Ampov – Grafa, është koncepti i koncertit të tij spektakolar në Stadiumin Kombëtar..
Kemi të paktën “100 arsye” për ta dashuruar Maria Ilievën, e cila e priti verën me një turne të ri me të njëjtin emër. Në serinë e koncerteve, që nisi më 21 qershor në Stara Zagora,ylli i muzikës bullgare pop performon si hitet e saj më të mëdha,..
I preferuari i disa gjeneratave, magjepsësi i përjetshëm me zë prej kadifeje, Orlin Goranov, shënon 50 vjetorin në skenë me një turne. I pari nga koncertet është në Plovdiv më 26 qershor, pasuar nga pesë të tjera në qytetet më të mëdha të vendit...
Lili Ivanova është prima e padiskutueshme e muzikës bullgare. Përveç talentit, disiplinës dhe përkushtimit, pas dekadave në krye qëndron edhe..