Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Nadezhda Hvojneva: “Kënga e malit Rodopa është një strehë si për dhimbjen, ashtu edhe për gëzimin”

БНР Новини
Foto: arkiv

Kënga e saj tingëllon në Kozmosin e pafundmë, ndërsa këtu në Tokë përhapet mbi fushat e gjera dhe në sallat e koncerteve që nga Stokholmi deri te Madridi, nga Nju Jorku deri te Los Angjelis, nga Londra deri te Tokio. Të gjithë ngrihen më këmbë të mahnitur nga zëri i saj magjepsës, i cili arrin thellësitë më të mëdha të shpirtit njerëzor. Kënga e saj është simbol i dashurisë dhe i përjetshmërisë.” Këtë e shkruan profesoresha doktore Dora Hristova, dirigjente e Korit “Misteri i Zërave Bullgarë” për këngëtaren Nadezhda Hvojneva. Këndimi i saj prek çdo zemër. E caktojnë si “një yll i ndritshëm i krijimtarisë folklorike”, zëri i saj është “një dhuratë, një mrekulli hyjnore”. Në vitin 1988 kritika muzikore amerikane e shpalli “Altin më të mëdhenj të Planetit”.

Bënë përshtypje të fortë karriera profesionale e këngëtares Nadezhda Hvojneva. Rruga e saj krijuese është plotë veprimtari. Shfaqjet e para ishin në familje, në festat dhe në ndejat e fshatit të lindjes Levoçevo. Pas kësaj vazhduan koncertet në skenat e vatrave të kulturës, udhëtimet me grupin “Nasha Pesen” bashkë me këngëtarët e njohur Boris Mashallov, Radka Kushleva, Gjurga Pinxhurova. Më në fund shfaqjet e saj arritën deri te studiot e Radios Kombëtare Bullgare dhe Ansambli i Këngëve Popullore pranë Radios Kombëtare Bullgare. Gjatë karrierës krijuese Nadezhda Hvojneva incizoi më se 300 këngë nga krahina e Rodopeve për fondin e radios. Si këngëtare dhe soliste e Korit “Misteri të Zërave Bullgarë” pushtoi publiken botërore në sallat më të mëdha të koncerteve si “Karnegi Holl” “Linkëlln Centër”, “Kenedi Centër” në SHBA-në, “Olimpija” në Paris, “Çajkovski në Moskë. Zëri i saj tingëlloi në qindra koncerte në pesë kontinentet e botës dhe kudo publiku ishte i mahnitur dhe i ngazëlluar. Në vitin 2001 u përfshi në listën “Gruaja e vitit” të Institutit Biografik Amerikan për kontribut të veçantë në artin botëror. Këngën “Doli Deljo kaçak” në interpretim të saj Enio Morikone e përfshiu në saundrakun e filmit “Krijimi i botës”. Që nga viti 2002 në fshatin e lindjes së këngëtares zhvillohet një konkurs për talente të rinj “Me këngët e Nadezhda Hvojnevës”. Pas vdekjes iu dhanë titullin “Qytetare nderi e qytetit Smoljan”.

E bija e këngëtares Eliçka Krëstanova, e cila këndonte bashkë me nënën në korin “Misteri i Zërave Bullgarë”, në lidhje me përvjetorin e 80-të të lindjes të së ëmës rrëfen:

Në radhë të parë dëshiroj të them atë, që ajo është njeriu me më shumë rëndësi në jetën time, se ajo ishte një nënë e mrekullueshme dhe vetëmohuese. Dhe kjo megjithëqë kishte shumë angazhime si këngëtare me koncerte kudo në vend dhe në botë. Amaneti i saj ishte që të dua familjen, farefisin, miqtë, të jam mirëbërëse. Në plan profesional të sillem me respekt ndaj profesionit, ndaj kolegëve. Të pranoj sukseset e tyre dhe të gëzohem për ta. Të gjithë në farefisin tonë këndojnë ose i bien ndonjë vegël muzikore. Daja e saj Asparuh ishte gajdexhi, kushëriri i saj Todor Borisov i binte fizarmonikës, Todor Hvojnev, i cili është djali i dajës Asparuh gjithashtu i binte fizarmonikës. Të gjithë në malin Rodopa këndojnë, zemrat e tyre janë në këngët. Për mua ishte një përjetim i paharrueshëm, kur me korin “Misteri i Zërave Bullgarë” interpretuam këngën “Ngrihu, o moj nënë”, soliste e së cilës ishte ajo. Nëna ime bënte dy-tre hapa përpara, heshte për një çast dhe sikur në këtë mënyrë vendoste një lidhje shpirtërore me publikun. Të gjithë e mbanin frymën dhe kur ajo niste të këndojë, ata mbyllnin sytë kështu sikur deshën të dëgjojnë më mirë interpretimin e saj. Kur kënga përfundonte për disa sekonda mbizotëronte një heshtje dhe papritmas publiku shpërthente në duartrokitje.

Përgatiti në shqip: Svetllana Dimitrova

Më shumë nga rubrika

Aprillci pret mijëra të ftuar për festën e proshutës dhe rakisë së ngrohtë

Qyteti i vjetër malor i Aprillci pret një nga festivalet më interesante dhe më të shijshme bullgare - Festën e proshutës dhe rakisë së ngrohtë. Në datat 24 dhe 25 shkurt, qyteti malor, i vendosur rrëzë majës së Maragidik, po përgatitet të mirëpresë më..

botuar më 24-02-24 8.10.PD

Bullgarët, rumunët dhe moldavianët prezantuan së bashku martenicën (veroren) në Bruksel

Shoqata Kulturore Bullgare së bashku me përfaqësues nga Rumania dhe Moldavia organizoi në Bruksel Festën e Martenicës (Verores) që u mbajt më 18 shkurt. Ky është edicioni i dytë kushtuar simbolit të pranverës që bashkon të tre vendet. Në stenda u..

botuar më 24-02-19 10.32.PD

Vallja popullore bullgare mahniti bullgarët, amerikanët dhe japonezët në Nju Jork

Për herë të parë, Nju Jorku organizoi një klasë të mjeshtërisë në vallet popullore me koreografin tonë të njohur Prof. Dr. Anton Andonov, shef i departamentit "Koreografi" në Akademinë e Muzikës, Valleve dhe Arteve Figurative "Prof. Asen Diamandiev"..

botuar më 24-02-08 10.16.PD