Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Tema e shtypit

Foto: arkiv

Ditën e mërkurë shtypi u kushton një vëmendje të madhe debateve të nxehta kohët e fundit mes GERB-it dhe Partisë Socialiste Bullgare për pozitën bullgare sa i përket pranisë së forcuar ushtarake të NATO-s në Detin e Zi. Debati u ashpërsua edhe më shumë pasi ish-Kryeministri Bojko Borisov e akuzoi kabinetin teknik se është angazhuar me një prani të tillë, kurse Ministria e Mbrojtjes e përgënjeshtroi, duke pohuar se ajo vetëm respekton marrëveshjet e arritura në samitin e NATO-s në Varshavë, në të cilin Presidenti Rosen Plevneliev dhe ministrat e mbrojtjes dhe punëve të brendshme ishin autorizuar nga kabineti “Borisov” për ta përkrahur “rritjen e sigurisë në regjionin e Detit të Zi”. Me rastin e komentit të Borisovit se pëlqimi i Ministrit teknik të Mbrojtjes ndaj pranisë së forcuar të NATO-s në Detin e Zi do të thotë se socialistët “janë bërë fajkonj si Rosen Plevneliev dhe se vetëm ai mbetet pëllumb”, gazeta “Sega” e vë theksin te replika ironike e lideres socialiste Kornelia Ninova se “Borisov nga fajkoi është shndërruar në rabeckë.” Në përgjigje të kësaj replike Borisov shënon se nuk do ta krahasojë Ninovën me shpendë, “sepse është njeri i sjellshëm” . Ky këmbim ofendimesh me përmendjen e shpendëve u bë shkas që “Standard” ta quajë këtë debat “Debat shpendësh”. Tema trajtohet me hollësi edhe nga gazeta “Dnevnik”, e cila shton se në fund të fundit lideri i GERB-it Bojko Borisov e ka ftuar Partinë Socialiste Bullgare për t’i diskutuar “në një situatë normale” çështjet, mbi të cilat gjatë disa ditëve të fundit mes partive u shkëmbyen ofendime – nuk bëhet fjalë vetëm për vendimin e NATO-s për dislokimin e forcave ushtarake në regjionin e Detit të Zi, por edhe për rinovimin e banesave dhe marrëveshjen tregtare të BE-së me Kanadanë. Në këtë drejtim Ish-Zëvendëskryeministri Tomisllav Donçev është i mendimit se është “absolutisht e pamundur që me argumente racionale të përgënjeshtrohet deklaratat e kota të Partisë Socialiste Bullgare.” Sipas Donçevit socialistët e kanë sulmuar GERB-in për programin e rinovimit të banesave, sepse duan që ai të ndalohet, kurse mospëlqimi i tyre me Marrëveshjen Gjithëpërfshirëse Ekonomike dhe të Tregtisë ka qenë provë për gjallërimin e teorive të vjetra ekonomike, sipas të cilave të gjithë bullgarët duhet të konsumojnë vetëm mallra dhe shërbime kombëtare dhe të mos aksportojnë asgjë.


Përgatiti në shqip: Vesella Mançeva




Последвайте ни и в Google News Showcase, за да научите най-важното от деня!

Më shumë nga rubrika

Rumen Radev

Presidenti Rumen Radev bëri thirrje që mjetet për teknikën zjarrfikëse t'i drejtohen ushtrisë

Presidenti Rumen Radev u bëri thirrje përfaqësuesve të popullit që të rishqyrtojnë vendimin, me të cilin i jepen para Ministrisë së Punëve të Brendshme për mjete zjarrfikëse. Sipas Radev, alternativa më e mirë është që paratë të shkojnë në ushtri,..

botuar më 24-07-31 5.04.MD

Prezantohen masa parandaluese kundër murtajës së ripërtypësve të vegjël

Ministria e Bujqësisë dhe Ushqimit dhe Agjencia Bullgare e Sigurisë Ushqimore po vendosin masa të forta kundër hyrjes së murtajës së ripërtypësve të vegjël në Bullgari. Veprimet parandaluese janë për shkak të përkeqësimit të situatës epizootike në Rumani..

botuar më 24-07-31 11.55.PD

Sofja do të presë një sesion të Komitetit të Trashëgimisë Botërore të UNESCO-s

Bullgaria do të presë sesionin e 47-të të Komitetit të Trashëgimisë Botërore të UNESCO-s në vitin 2025. Propozimi u votua në sesionin e 46-të të UNESCO-s në Delhi të Indisë. Pala bullgare e ngriti kandidaturën për kryetar dhe mikpritës pasi..

botuar më 24-07-31 11.13.PD