Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Fillon konkursi “Virtuozë të rinj”

Foto: yvcompetition.org

Me koncertin e Filarmonisë së Sofjes u hap konkursi “Virtuozë të rinj”. Solistë janë laureatë nga dy edicionet e mëparshme, të dalluar me dekoratën e posaçme të orkestrës prestigjioze – violinistja Eli Çoj dhe pianisti Asen Tançev. Eli Çoj është mbajtës dhe i dekoratës së madhe “Zbulimi i konkursit” gjatë vitit 2015.

Gara fillon më 1 prill, kurse dëgjimet janë në sallën e dhomës “Bullgaria” dhe sallën e koncerteve në Shkollën Kombëtare Muzikore “Ljubomir Pipkov”. Për virtuozët e rinj do të ketë ditë të sprovave dhe emocione të shumta, kurse publiku i kryeqytetit mund të ndjekë prezantimin e tyre. “Jemi të lumtur nga interesi i madh ndaj konkursit – tregon zonja Millka Miteva, themeluese dhe drejtoresh artistike e “Virtuozëve të rinj”. – Sivjet kemi kandidatë prej 35 shteteve dhe të gjitha kontinenteve. Ata do të garojnë në degët violinë, violë, flaut dhe klarinetë. Konkursi është shumë mirë i njohur në Amerikën Veriore dhe Jugore, Japoni dhe në Korenë e Jugut, si dhe në të gjitha shtetet evropiane. Njerëzit e rinj, të cilët me shumë dashuri dhe përgjegjësi kanë përgatitur pjesëmarrjen e vet, mbërrijnë me pedagogët e vet nga Italia, Serbia, Gjermania, Maqedonia e të tjera. Këta janë njerëz, të cilët do të shkruajnë historinë muzikore gjatë viteve të shumta të ardhshme. “Virtuozë të rinj” është konkursi i vetëm bullgar, i cili është anëtar i Bashkimit Evropian të konkurseve muzikore të rinisë EMCY (European Union of Music Competitions for Youth).

Reglamenti, mbi të cilin punojmë është i miratuar nga Asociacioni Evropian i Konkurseve. Në juritë e specializuara përsëri janë muzikantët e njohur të huaj dhe bullgarë Dora Shvarcberg , Svetlin Rusev, Zahar Bron, Borisllav Jocov, Anatoli Krëstev, Stefan Popov e të tjerë, të cilët e kanë dëshmuar veten në podiumin botëror të koncerteve dhe si pedagogë. Juria do të zhvillojë koncert më 5 prill, kurse gala koncerti i laureatëve është më 8 prill. Shpresoj që jo vetëm banorët, por dhe miqtë e Sofjes të provojnë një kënaqësi të vërtetë nga këto ngjarje muzikore.

Një pjesë nga prestigji i çdo një konkursi ndërkombëtar është zhvillimi i suksesshëm i laureatëve të tij  pasi kanë qenë të dekoruar – është e bindur zonja Miteva.

Ndjekim me interes rrugën e pjesëmarrësve në konkurs. Për shembull violinistja Mone Hatori tanimë ka karrierën e vet botërore, ajo fitoi dekorata të shumta nëpër të gjithë botën, por biografia e saj fillon me faktin se, dekorata e saj e parë ndërkombëtare është nga konkursi “Virtuozë të rinj”. Eli Çojs po kështu shënon suksese të mëdha  pas vitit 2015, kur u prezantua shkëlqyeshëm. Tani mbërriti posaçërisht nga Shtetet e Bashkuara për koncertin e hapjes. I gëzohemi asaj të cilën e bëjnë këta artistë të rinj. Jemi shumë falënderues për përkrahjen e përhershme të Fondacionit “Amerika për Bullgarinë”. Patron i konkursi është kryetarja e Bashkisë së Sofjes, zonja Fandëkova. Tradicionalisht na përkrahin fondacionet “Sh. Kirill dhe Metodij” dhe “Kujtesa bullgare”, kompani të mëdha, kemi dhe dhurues privat. Partnerë tanë janë media të autoritetshme kombëtare, kurse për vit të tretë të radhës konkursi do të transmetohet në një kohë reale në internet nga sajti ynë.

Përgatiti në shqip: Nataniela Vasileva



Последвайте ни и в Google News Showcase, за да научите най-важното от деня!

Më shumë nga rubrika

Dimitër Karamitev: Fyelli bullgar është më i pasuri me ornamente – përmes tij flet shpirti i madh i popullit tonë

"Fyelli është një instrument që ka tingëlluar gjithmonë rreth meje që nga fëmijëria. Mbaj mend mbledhjet familjare në Stara Zagora çdo të shtunë, në ditë me raste dhe në ditë pa raste, dhe atëherë gjithmonë këndohej" - ja çfarë na tregon Dimitër..

botuar më 24-07-14 11.05.PD
Jordanka Hristova

"Kënga ime, dashuria ime"

Kompozitori Josif Cankov, i cili ka punuar nga fillimi i viteve 1930 deri në vitin 1971, jo rastësisht quhet Patriarku i muzikës bullgare. Ai është autor i mbi 500 veprave - opereta, tanga, hite, muzikë për filma, me të cilat me dekada ka..

botuar më 24-07-12 8.40.PD

Legjendat e rock-ut nga DEEP PURPLE, MR. BIG dhe ACCEPT janë të ftuar specialë në Festivalin në Luginën e Verës

Në skenën e madhe të edicionit të katërt të "Midalidare - Rock in the Wine Valley" nga data 12 deri në 14 korrik në fshatin Mogillovo, përkrah titullarëve DEEP PURPLE, MR. BIG dhe ACCEPT do të kenë shfaqje akoma 13 grupe nga jashtë, duke përfshirë..

botuar më 24-07-12 6.25.PD