“Festivali Muzikor Evropian”-2017 u hap zyrtarisht më 29 mars dhe do të vazhdojë deri më 6 qershor. Ky është edicioni i 17-të i forumit, organizator i të cilit është ekipi i agjencisë muzikore “Kantus Firmus”, kurse bashkorganizator është Ministria e Kulturës.
Festivali është krijuar gjatë vitit 2001 me idenë të mbajë gjallë interesin e publikut ndaj vlerave jokalimtare, të cilat muzika klasike i transporton gjatë kohës. Në programin e tij kanë ardhur si miq artistë me famë botërore, mes të cilëve janë Misha Majski, Najxhëll Kenedi, Gidon Kremer, ansambli “Kremerata Balltika”, Orkestra e Dhomës e Koncertgebau, Orkestra e Dhomës e Lituanisë, “Virtuozët e Moskës”, Orkestra Simfonike e Moskës “Filarmonia Ruse” me dirigjent Dmitrij Jurovski... Nuk janë të pakët dhe emrat e yjeve bullgare të muzikës nga brezat e ndryshme Svetlin Rusev, Ljudmill Angjellov, Aleksandrina Pendaçanska, Pllamena Mangova e të tjerë.
Sivjet mbi 250 muzikantë do të paraqiten në skenat e festivalit, kurse miqtë e huaj mbërrijnë nga Gjermania, Italia, SHBA, Maqedonia. Mes tyre është dhe Kori i Përzier i Universitetit Bucknell (SHBA), me dirigjent Bet Uillër, David Orllovski trio nga Gjermania e të tjerë.
Klasikë, por nga pamjet e paharruara në xhaz ofrojnë Kamelia Todorova dhe trioja e Zhivko Petrovit në projektin “A Song For You”, në të cilin janë përfshirë këngë nga repertori i Bili Holidejit, Ella Ficxheralld e të tjerë. Ndaj auditorit të fëmijëve është drejtuar projekti “Petja dhe ujku” në bazë të muzikës të Sergjej Prokofievit, i cili do të prezantohet nga ansambli “WindArt” dhe artistë-balerin nga Teatri Shtetëror Muzikor. Janë të parashikuara po kështu diskutime si dhe klasa mjeshtërie. Tanimë përfundojë klasa e mjeshtërisë, e drejtuar nga Vesko Panteleev-Eshkenazi. Mjeshtri i koncerteve i Koncertgebau, i cili është mes miqve tradicionalë në programin e “Festivalit Muzikor Evropian” do të dëgjojmë në programin “4+4” “Kohërat Vjetore” nga Vivaldi dhe Piacolla. Kurse Milla Georgieva ka përgatitur një program dhome me violinë, bashkë me pianistin Petër Petrov.
Më 24 maj, si çdo vit veprimtarë të njohur bullgarë të kulturës dhe të artit do të marrin “Pandën e artë” – një dekoratë e cila jepet me iniciativë të radios Classic FM dhe galeria “Makta”.
Përgatiti në shqip: Nataniela Vasileva
Projekti “Artistë që këndojnë” i producentit Igor Markovski tashmë ka këngën e tij të 41-të me titullin “E di prej kohësh”. Ajo është një duet lirik i këngëtares Maja Jordanova dhe kompozitorit Momçill Kolev, i cili krijoi muzikën. Aranzhimin e bëri..
Në ditët e fundit të verës, Tedi Ruseva me emrin artistik Tiara prezanton këngën e saj të re “Vetëm deti”. Me të, aktorja, karriera muzikore e së cilës filloi vetëm katër vjet më parë, përmbushi ëndrrën e saj të dashur - të marrë pjesë në konkursin..
I riu Todor Gaxhallov merret me muzikë që në moshën 5 vjeçare, kur filloi të luante piano dhe të këndonte. Shkollimin e vazhdoi në shkollën e muzikës në Plovdiv dhe pas kësaj edhe në akademinë e muzikës në Sofje. Që në moshë të re merrte pjesë..
Pas 17 takimesh të suksesshme në Evropë, formati i njohur letrar "Kutia postare për përralla" vazhdon turneun evropian me 11 vende të tjera. Ai paraqet..
Edicioni i dytë i festivalit për muzikën e rrugës dhe kulturën autentike urbane Street Music Fest pret fansat e tij nga 27 deri më 29 shtator në sheshin..