Më 22 maj filloi Festivali Ndërkombëtar “Javët Muzikore të Sofjes”. Deri më 10 korrik publiku i kryeqytetit do të mund të zgjedhë nga mbi më shumë se 30 koncerte – solo, koncerte të dhomës dhe të tilla simfonike. Le të rikujtojmë se festivali është mbajtës i çmimit “Evropa për festivalet, festivalet për Evropën” për 2017-2018, që dorëzohet nga Asociacioni Evropian i Festivaleve.
“Bisedimet ishin disa muaj – na sqaron Momçill Georgiev – menaxheri i programit të festivalit. – Duhej të ishim të sigurt se Valeri Gergievi do të mund të përfshinte koncertin në Sofje mes dy koncerteve të tjera. Më 19 maj ai dirigjonte një koncert në të hapur në Trafalgar Skueër London, një ditë pas shfaqjes në Sofje gjithashtu ka një koncert. Ky dirigjent i njohur nuk ka ardhur në Bullgari 30 vjet. Para kësaj në vazhdim të 6-7 viteve ka dirigjuar koncerte në Burgas, Ruse, Sofje. Ka tri koncerte bashkë me Orkestrën Simfonike të Radios Kombëtare Bullgare, ato janë incizuar dhe ruhen në fondin e medias sonë. Në “Librin e artë” të formacionit të radios ai ka shkruar: “Ju e dini se sa shumë ju dua” Prandaj edhe koncerti e ka emrin “Rikthimi”. Si çdo vit pas koncertit të parë yjor ka një program interesant. Ne jemi festival i premierave, i muzikës bullgare, i interpretuesve të rinj, i gërshetimit të projekteve dhe interpretuesve bullgarë e të huaj. Përveç kësaj kemi një degë: “Kryeqytetet evropiane bëjnë vizitë në Sofje”. Këtë herë vizituesit janë bullgarë, të cilët bëjnë karrierë jashtë dhe nuk janë shumë njohur në atdheun e tyre. Ndër ta janë pianistet Lili Bojaxhieva dhe Maria Martinova. Nga SHBA-ja mbërrijnë Lora Çekoratova (piano) dhe Georgi Vëllçev (violinë), Anna Levi (piano) nga Vankuvëri. Në afishet janë shënuar emrat e Ljudmill Angellovit, Pllamena Mangovës, Evgeni Bozhanovit – pianistë të njohur në botë, të cilët i do shumë edhe publiku bullgar. Për herë të parë festivali është nën patronazhin e Presidentit të Republikës së Bullgarisë. Për herë të parë e kemi rubrikën “Kompozitori në fokus”. Ky është Georgi Arnaudovi, i cili sivjet mbushi 60 vjeç. Ka premiera të disa veprave të tij, ka disa koncerte me muzikë të tij, kurse festimi zyrtar është më 21 qershor në studion e parë të Radios Kombëtare Bullgare. Kemi përfshirë për herë të parë “Instrumenti në fokus”. Sivjet ky është violonçeli dhe kuptohet – violonçelistët. Ata kanë përgatitur një muzikë shumë të bukur dhe të panjohur për violonçel-solo. Në program ka edhe koncerte korale. Për herë të parë në kuadrin e festivalit organizohet “Takim kombëtar i koreve të djemve”. Ai do të mbahet më 24 qershor në Akademinë Muzikore Kombëtare “Panço Vlladigerov”. Ndër veprat vokale desha ta theksoj programin “Nenovi i panjohur” – bëhet fjalë për kryevepra shumë interesante dhe të panjohura të lirikës vokale, të krijuara nga kompozitori ynë Dimitër Nenov gjatë viteve 20 dhe 30 të shekullit të XX. Baritoni Marçin Bronikovski ka mbarur Akademinë Muzikore Kombëtare në Sofje dhe është nxënës i Rusko Ruskovit. Ai dëshiroi ta festojë përvjetorin e 25 të fillimit të karrierës së vet në Operën e Sofjes, atje, ku ka filluar rruga profesionale e këtij solisti kaq të njohur dhe të kërkuar sot. Koncert ka edhe Svetlina Stojanova, e cila ende është studente, por tashmë fiton konkurse të mëdha dhe bën karrierë botërore. Le të mos e harrojmë edhe koncertin e Elena Bashkirovës – emri tjetër i madh. Për ne është një nder i madh pjesëmarrja e një muzikanteje të tillë të madhe. Ajo është soliste edhe në Filarmoninë e Sofjes.”
Sigurisht që mund të flitet shumë për programin e këtij festivali prestigjioz. Janë parashikuar shumë premiera botërore, ndër të cilat edhe vepra të kompozuara posaçërisht për festivalin, promovime të albumeve me muzikë klasike. Interpretuesit që do të dëgjojmë janë përfaqësues të Austrisë, Britanisë së Madhe, Kanadasë, Spanjës, Italisë, Kosovës, Polonisë, Luksemburgut dhe Bullgarisë.
Përgatiti në shqip: Vesella Mançeva
Tashmë katër dekada, grupi “Atllas” na ofron muzikën e tyre. Kënga e tyre e fundit me titullin "O-oooh!" është dinamike, me një tingull karakteristik të stilit new wave dhe një linjë melodike. Kënga është singëli i dytë nga albumi që “Atllas”..
Angell Prodanov - Aço është gati 30 vjeç, dhe ndonëse që në fëmijëri luan piano dhe studion solfezh, ai ka rreth shtatë vjet që merret me muzikë profesionalisht. Ka marrë pjesë në disa programe televizive dhe në vitin 2020 në “Zëri i Bullgarisë”..
Vera është stina në të cilën zhvillohen festivalet më të shumta dhe të larmishme. Njëri prej tyre fillon sot, më 23 gusht, në Sevlievo. Aty, që nga viti 2017, kalaja "Hotaliç" është shndërruar në një skenë ku performojnë grupet vendase të rock-ut...
Autor i muzikës, tekstit dhe aranzhimit është Dimitër Bodurov, një burrë nga një vendbanim i vogël që u vendos për të jetuar në qytetin Stara Zagora..
Grupi “Ostava” e ka bërë traditë që në fillim të shtatorit të festojë ditëlindjen me një koncert në “Majmunarnika” – një vend i njohur në qendër të..