Më 12 tetor në Bullgari shënuam Ditën e bashkive bullgare, kurse sot, 15 tetor, zhvillohet takimi i 12-të vjetor i autoriteteve vendase. Në lidhje me këto ngjarje para Radios Kombëtare Bullgare Drejtoresha ekzekutive e Shoqatës Kombëtare të Bashkive Ginka Çavdarova komentoi se problemet kryesore të pushtetit vendor në bullgari janë borxhet e larta, të cilat tashmë janë për 200 mln. leva (100 mln. euro). Sipas të dhënave të Kontrollit të Lartë të Shëtit shpenzimet e 59 bashkive (prej 256 bashkive ekzistuese në Bullgari) i tejkalojnë të ardhurat 30%.
Shoqata e Bashkive çdo vit negocion me Ministrinë e Financave për rritjen e mjeteve suplementare për baskitë dhe insiston për një skemë më të qartë për shpërndarjen e mjeteve suplementare për autoritetet vendore. Bashkitë kërkojnë gjithashtu decentralizim financiar si një mundësi për përmirësimin e situatës së tyre, kurse bëjnë gjithashtu përpjekje për rritjen e të ardhurave të veta. Analizat tregojnë se pavarësisht nga kjo borxhet e autoriteteve vendore mbeten relativisht të larta.
Sivjet në takimin e 12-të të autoriteteve vendore do të diskutohen sfidat e lidhura me implementimin e qeverisjes elektronike, pakësimi i barrës administrative për qytetarët dhe biznesin, ofrimi i shërbimeve lehtësisht të arritshme administrative dhe çështje të tjera të zhvillimit të qëndrueshëm të bashkive.
Pushteti qendror i kupton këto probleme dhe periodikisht zhvillon nisma të ndryshme për diskutimin e tyre. Një shembull për këtë ishte takimi i thirrur gjatë qershorit sivjet nga kryeministri Bojko Borisov i qeverisë me përfaqësues të autoriteteve vendore për diskutimin e masave të mundshme për uljen e barrës administrative dhe për lehtësimin e regjimeve për punë me qytetarët. Bashkitë presin nga pushteti qendror ndihmë dhe prandaj në takimin e tyre të sivjetshëm janë ftuar Kryeministri, ministra , përfaqësues të parlamentit dhe ekspertë të dalluar. Angazhimi i ndërsjellë me problemet ekzistuese tregon se vullnet dhe dëshirë për zgjidhjen e tyre ekziston. Mirëpo karakteri kronik i këtyre problemeve dëften se rezultate të kënaqshme akoma nuk janë arritur.
Përgatiti në shqip: Jordanka Ivanova
Në fillim të konsultimeve politike për emërimin e ushtruesit të detyrës së kryeministrit dhe të qeverisë së re të përkohshme, kreu i shtetit tregoi se praktikisht ka nisur fushata zgjedhore. Sipas Rumen Radevit, Asambleja e 50-të Kombëtare nuk ka..
Në javët e fundit, qeveria e re në Maqedoninë e Veriut, e udhëhequr nga Hristijan Mickoski, çuditërisht kërkoi që të ndërpritet ndërtimi i linjës hekurudhore drejt Bullgarisë. Argumentet e palës maqedonase janë se projekti për ndërtimin e hekurudhës..
Serbia raporton rënie të emigrantëve dhe mbyll disa qendra të refugjatëve Komisionerja për Refugjatët dhe Migrimin e Serbisë, Natasha Stanisavlleviç, bëri të ditur se numri i emigrantëve në vend u ul me 80% dhe u vendos që përkohësisht të..