Më 23 dhe 24 tetor Zëvendëskryeministrja dhe Ministre e Punëve të Jashtme e Bullgarisë Ekaterina Zaharieva ishte për një vizitë zyrtare në Francë. Para disa muajsh gjatë muajit qershor Franca u vizitua nga Kryeministri bullgar Bojko Borisov, kurse gjatë gushtit Presidenti francez Emanuel Makron bisedoi në qytetin bullgar pranë Detit të Zi Varna me kryeministrin e Bullgarisë Bojko Borisov dhe me Presidentin Rumen Radev. Në këtë sfond vizita e Ministres Zaharieva trajtohet edhe nga të dyja anët si vazhdim i dialogut intensiv të nivelit të lartë.
Këmbimi i forcuar i vizitave ndodhet në vigjilje të kryesisë së ardhshme bullgare të BE-së dhe është krejt natyrshëm që në plan të parë të vendosen tema të rendit të ditës të BE-së. Kjo u ripohua kategorikisht edhe nga bisedimet e Ministres Zaharieva në Paris.
Ministri për Evropën dhe Punët e Jashtme i Francës Zhan-Iv ljo Drian i deklaroi Ministres Zaharieva se kryesia bullgare e BE-së do të jetë me rëndësi të madhe dhe Franca do të bashkëpunojë gjithmonë në rastet kur Sofja ka nevojë për këtë. Diplomati i parë i Francës siguroi se Bullgaria do të ketë një përkrahje të sigurt nga Parisi për pozitat e saj sa i përket politikës për strehim dhe domosdoshmërisë për një dallim të qartë mes refugjatëve dhe migrantëve ekonomikë. Nga ana e vet Ministrja Zaharieva dha sinjale të qarta se kryesia e Bullgarisë do të shpresojë te përkrahja franceze jo vetëm në lidhje me politikën e strehimit, por edhe sa u përket çështjeve të politikës së përbashkët për sigurinë dhe mbrojtjen. Mirëpo, Bullgaria do të shpresojë te përkrahje jo vetëm lidhur me kryesinë e saj, por edhe sa i përket dëshirës për t’u bahkuar me mekanizmin ERM2, të quajtur gjithashtu “salla e pritjes për eurozonën”.
Në bisedimet e Ministres Zahrieva me Ministrin francez të Drejtësisë Nikol Belube u konstatuan pozita të ngjashme edhe sa u përket çështjeve aktuale të drejtësisë në BE, si krijimi i prokurorisë evropiane dhe ideja e Presidentit francez që ky institucion të hetojë jo vetëm mashtrimet financiare, por edhe raste të ndërlikuara transkufitare të terrorizmit. U shënuan ngjashmëritë e ideve edhe sa i përket këmbimit të të dhënave nga furnizuesit e shërbimeve elektronike me qëllim luftimin e kiber-krimeve dhe përmirësimin e punës së Sistemit Evropian për Regjistrimin Kriminal.
Gjatë kryesisë sipas parimit të rotacionit të BE-së Bullgaria do të shpresojë te përkrahja franceze edhe sa i përket prioritetit për integrimin evropian të shteteve nga Ballkani Perëndimor. Lidhur me këtë prioritet priten zhvillime të reja që nesër, më 26 tetor, kur në Sofje do të fillojë takimi vjetor i ministrave BE – Ballkani Perëndimor në fushën e drejtësisë dhe punëve të brendshme. Në këtë forum BE-ja do të paraqitet nga Komisionarja Evropiane për Drejtësinë, Konsumatorët dhe Barazinë e Sekseve Vera Jourova, kurse Ballkani Perëndimor – nga Ministrat e Drejtësisë të Serbisë, Malit të Zi, Maqedonisë, Kosovës, Bosnjës e Hercegovinës dhe Shqipërisë.
Përgatiti në shqip: Vesella Mançeva
Turqia dëshiron të anëtarësohet në BRICS Turqia ka aplikuar për anëtarësim të plotë në BRICS dhe anëtarësimi i saj do të diskutohet në samitin e organizatës në Rusi në tetor, raportojnë mediat bullgare. Nëse pranohet, do të jetë vendi i parë..
Shoqata "Pаsardhësit e refugjatëve dhe migrantëve nga territori i Republikës së Maqedonisë së Veriut dhe miq" shpërndau një letër të hapur drejtuar komunitetit shqiptar në Maqedoninë e Veriut dhe përfaqësive diplomatike të akredituara në RSM dhe..
Serbia blen avionë luftarakë “Rafale” nga Franca për 2.7 miliardë euro Për gjithsej 2,7 miliardë euro, Serbia do të blejë nga kompania franceze “Dassault Aviation” 12 avionë të rinj luftarakë “Rafale” – 9 me një vend dhe 3 dyvendësh...