Sot fillojnë takimet me kulturën braziliane, të cilat do të vazhdojnë deri më 5 nëntor. Titujt e filmave në program janë 22, kurse projektimet janë në Qendrën Kulturore “G 8” dhe në Euro Cinema. Organizatori kryesor i aktivitetit është Nara Vaskonselos, përfaqësuese e Institutit Kulturor Brazilian “Zenon Barreto”, me përkrahjen e Ambasadës së Brazilit te ne.
“Nëpërmjet artit bullgar u njoha me jetën shpirtërore të njerëzve këtu – thotë zonja Vaskonselos, e cila banon në Sofje që prej 12 vitesh. – E pëlqej vendin tuaj, njoh shumë krijues dhe intelektualë, i vlerësoj lart arritjet e tyre. Provoj ta paraqes kulturën bullgare në Brazil, si dhe atë braziliane – në Bullgari, që të krijoj lidhje të përhershme mes dy vendeve. Java e kinemasë braziliane zhvillohet që prej shumë kohe, por për herë të parë vitin e kaluar “Zenon Barreto” dhe unë, si kryetare e institutit, mora përsipër me organizimin e aktivitetit. Sivjet për herë të parë shtuam në titull fjalën “kulturë”. Në programin e shumëllojshëm këtë vit ka ekspozita, mbrëmje letrare, një mësim të sambës, do të tingëllojë muzikë, do të ketë demonstrime dhe degustime kulinare. Duke i krahasuar dy vendet, mund të them se ka gjëra, të cilat janë shumë të ndryshme, disa të tjera janë shumë të afërta. Për shembull në ekspozitën fotografike ka disa fotografi, për të cilat nuk mund të themi nëse janë bërë në Bullgari, ose në Brazil. Këtë ekspozitë do ta hapim më 30 tetor nga ora 18.00. në Qendrën Kulturore “G 8”. Ajo e ka titullin “Kapishaba – shumëllojshmëria si identitet” dhe përbëhet prej fotografish të Tadeu Biankoni dhe Gabriel Lorelo. Të njëjtën mbrëmje do të paraqitet filmi “Nise – zemra e marrëzisë”. Kjo është një histori, e bazuar te fakte reale nga veprimtaria profesionale e zonjës Nise da Silveira – psikiatër. Gjatë viteve 40 të shekullit të XX-të ajo i refuzoi metodat, që bazohen te dhuna, si elektroshoku për shembull, për mjekimin e njerëzve me sëmundje psikike. Pacientët e saj filluan të merren me art dhe rezultatet ishin shumë të mira.”
Nga zonja Vaskonselos mësuam gjithashtu se në mbrëmjen letrare nesër do të paraqiten dy libra të Illko Minevit (një bullgar, i cili banon në Brazil), një vëllim vjershash “Cikli Brazilian” të Elsaveta Bagrjanës, përkthim nga portugalishtja, si dhe libri “Pika e zhdukjes” i Lobo Pasolinit. Shkrimtari brazilian mbërrin posaçërisht për aktivitetin, që do të mbahet në klubin “Jajceto” (“Veza” ) në Universitetin e Sofjes “Shën Klementi i Ohrit”. Më 31 tetor pritet një takim, kushtuar shtetit Espirito Santo. Do ta njihemi me kulturën e kësaj pjese të panjohur të Brazilit nëpërmjet një ekspozite prej gravurash, bisedimeve me disa krijues brazilianë, muzike dhe madje birre shtëpiake.
“Morëm vendim që ta mbyllim Javën e Kinemasë dhe Kulturës Braziliane me filmin e njëjtë, me të cilin e fillojmë – tha gjithashtu Nara Vaskonselos. – Projektimi i dytë është më 5.11. dhe pas kësaj do të zhvillohet një debat mbi problemet, që trajtohen në veprën kinematografike. Për të ashtuquajturin “film reading” kemi ftuar psikoterapeutë dhe shpresojmë se do të jetë interesante.”
Përgatiti në shqip: Vesella Mançeva
Nxënësit bullgarë fituan një komplet të plotë medaljesh - ari, argjendi dhe bronzi - në Olimpiadën e 35-të Ndërkombëtare të Biologjisë (IBO), e cila u mbajt në Kazakistan. Në turneun më prestigjioz të biologjisë pëe vitin në botë, bullgarët testuan..
Të martën ishte sesioni i parë konstituiv i Parlamentit të ri Evropian për konstituimin e Parlamentit të ri, krijimin e komisioneve parlamentare dhe zgjedhjen e kryetarit të ri të institucionit. Kandidatura e Ursula von der Leyen për presidente të..
Specialistë të gjuhës bullgare nga 32 vende nga tre kontinente marrin pjesë në seminarin trejavor për gjuhën dhe kulturën bullgare, i cili filloi sot në Universitetin e qytetit Veliko Tërnovo. Sipas korrespondentit të BNR-së në kryeqytetin e vjetër,..
Shoqata "BG Ji Aktiv" (BG Бъди активен) fton organizatat joqeveritare, klubet sportive dhe institucionet arsimore për të inkurajuar organizimin e..