Ambasadori i Sofjes në Beograd Radko Vllajkov deklaroi se Bullgaria është në pritje të një përgjigjeje të saktë nga Serbia për arrestimin e mjekëve bullgarë në Bosilegrad, kështu qe të jetë e qartë për palën bullgare nëse bëhet fjalë për iniciativë të pushtetit vendas, ose për një qëndrim ndaj tyre në nivel qendror. Ditën e premte tre mjekë bullgarë vizituan falas banorë të varfër të qytetit dhe u arrestuan nga policia për disa orë, sepse nuk kanë licencë për të kryer veprimtari mjekësore në vend. Vllajkov komentoi se ka pasur shkelje formale, por reaksioni i autoriteteve serbe është i tepruar. Sipas Ambasadorit, në nivel qendror ka një qëndrim të mirë të Serbisë ndaj problemeve të bullgarëve etnikë në këtë rajon të vendit, por nuk është e tillë situata në nivel vendas.