Punojmë me devotshmëri të madhe dhe e ndiejmë dashurinë e publikut. Kjo na sjell një vetëdije më të lartë, rezultate të mira dhe koncerte të bukura. Këto janë fjalë të Sllavill Dimitrovit – dirigjenti i Korit të Filarmonisë “Svetosllav Obretenov”. Para disa muajsh me iniciativë të tillë u themelua Kori i Filarmonisë i Fëmijëve, i cili debutoi gjatë ditëve para Krishtlindjeve.
"Shumë rrallë salla e dhomës “Bullgaria” është kaq e përmbushur me njerëz – tha dirigjenti. – Gëzohem shumë se fëmijët morën një përkrahje kaq të madhe. Humori ishte shumë i mirë. Paraqitëm këngët e dashura dimërore dhe të Krishtlindjeve."
Filarmonia e Sofjes bashkë me dirigjentin Sllavill Dimitrov do të ketë shfaqje edhe sot, në Koncertin e Vitit të Ri. Aktiviteti do të mbahet në kuadrin e serisë “Jashtë pentagramit”.
"Biletat mbaruan pothuaj menjëherë dhe prandaj vendosëm të ketë edhe një shfaqje ditën tjetër – thotë maestroja. – Do të marrë pjesë edhe Kori Kombëtar i Filarmonisë “Svetosllav Obretenov”, kurse solistja është ylli i xhazit Kamelia Todorova. Kemi përgatitur shumë hite të saj. Muzika është vepër e Aleksandër Bërzicovit, Vili Kazasjanit etj. Kemi përfshirë gjithashtu disa pjesë soul dhe xhaz. Kemi ftuar dy këngëtarë të njohur bullgarë – xhazmeni Vasill Petrov dhe Orlin Goranov, i cili është këngëtar i stilit pop dhe atij operistik. Ata do të interpretojnë nja një këngë të njohur të repertorit të tyre, si dhe duete me Kamelia Todorovën. Befasimi i madh do të jenë disa vepra klasike, të cilat do t’i interpretojmë bashkë me orkestrën dhe korin. Kështu do ta dërgojmë vitin 2017. Në fund të çdo viti i them vetes: “Le të kemi shëndet dhe bereqet”. Duhet të them se ky vit ishte shumë i suksesshëm dhe plot projekte të mrekullueshme. Ka pak të ngjarë që viti 2018 të jetë i njëjtë, por unë gjithmonë shpresoj se viti i ardhshëm do të jetë më i suksesshëm, më i shëndetshëm dhe i lumtur nga ai i kaluar. Orkestra dhe kori i Filarmonisë së Sofjes janë duke bashkëpunuar për publikun tonë, duke bërë përpjekje të mëdha. Mendoj se fansat tanë mund të jenë të pranishëm në koncerte gjithnjë e më të bukura. U uroj të gjithëve që të jenë të shëndetshëm, kurse ne të vazhdojmë të punojmë për publikun tonë."
Përgatiti në shqip: Vesella Mançeva
Mbrëmjen e sotme në fshatin Kërpaçevo, rajoni i qytetit Lloveç, hapet festivali i dhjetë “Xhazi nën yjet e Pllajës Devetashko”, i cili vazhdon deri të dielën. Festivali mbledh muzikantë të njohur bullgarë në skenën e hapur të livadhit pranë shpellës..
Këngëtari në zë Grafa më 28 qershor nis “Turneun më të lumtur” me një koncert në Teatrin Veror në qytetin Stara Zagora. Në thelbin e turneut të madh veror të Vlladi Ampov – Grafa, është koncepti i koncertit të tij spektakolar në Stadiumin Kombëtar..
Kemi të paktën “100 arsye” për ta dashuruar Maria Ilievën, e cila e priti verën me një turne të ri me të njëjtin emër. Në serinë e koncerteve, që nisi më 21 qershor në Stara Zagora,ylli i muzikës bullgare pop performon si hitet e saj më të mëdha,..